Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

2 Otànnugbo lẹ 11:1-23

NUHE E BẸHẸN LẸ

  • Gandudu Lehoboami tọn (1-12)

  • Levinu nugbonọ lẹ sẹtẹn yì Juda (13-17)

  • Whẹndo Lehoboami tọn (18-23)

11  Whenue Lehoboami wá Jelusalẹm, e ylọ whédo Juda po Bẹnjamini po tọn pli to afọdopolọji,+ yèdọ awhànfuntọ 180 000 he yin azọ́nplọn,* na yé nido hoavùn hẹ Islaeli nado sọgan gọ̀ ahọluduta lọ jo na Lehoboami.+  Ohó Jehovah tọn sọ wá Ṣemaia,+ yèdọ omẹ Jiwheyẹwhe nugbo lọ tọn dè dọmọ:  “Dọna Lehoboami visunnu Sọlomọni ahọlu Juda tọn gọna omẹ Islaeli tọn he to Juda po Bẹnjamini po lẹpo dọ,  ‘Nuhe Jehovah dọ die: “Mìwlẹ ma dona hẹji yì hoavùn hẹ nọvisunnu mìtọn lẹ. Dopodopo mìtọn ni lẹkọyi owhé etọn gbè, na yẹn wẹ hẹn ehe nado jọ.”’”+ Enẹwutu, yé setonuna ohó Jehovah tọn bo lẹkọ bo masọ hoavùn sọta Jeloboami ba.  Jelusalẹm wẹ Jeloboami nọ nọ̀ bo do tòdaho gángán lẹ do Juda.  E do* Bẹtlẹhẹm,+ Etami, Tekoa,+  Bẹti-zuli, Soko,+ Adulami,+  Gati,+ Malẹṣa, Zifi,+  Adolaimi, Lakiṣi,+ Azeka,+ 10  Zola, Aijalọni+ po Heblọni+ po, yèdọ tòdaho gángán lẹ to Juda po Bẹnjamini po. 11  Humọ, e vọ́ figángán lọ lẹ hẹn lodo bo ze awhàngán daho lẹ do yé mẹ bosọ nọ na yé núdùdù, amì po ovẹn po, 12  podọ e hẹn awọ̀yinu daho lẹ po owhán lẹ po tin-to-aimẹ to tòdaho voovo lọ lẹpo mẹ; e sọ vọ́ hẹn yé lodo taun. Juda po Bẹnjamini po sọ zindonukọn nado yin etọn. 13  Yẹwhenọ lẹ po Levinu lẹ po he to Islaeli pete nọ tọ́n sọn aigba yetọn lẹpo ji bo nọ wá nọ adà etọn mẹ. 14  Levinu lẹ jo kanlindugbo po nutindo yetọn lẹ+ po do bo wá Juda po Jelusalẹm po, na Jeloboami po visunnu etọn lẹ po ko yàn yé ma nado wadevizọn taidi yẹwhenọ lẹ na Jehovah.+ 15  Jeloboami sọ de yẹwhenọ etọn titi lẹ na ofi yiaga lẹ,+ na aovi he tindo awusọhia gbọgbọẹ tọn lẹ,*+ podọ na oyìnvu he e ko basi lẹ.+ 16  Mẹhe to hẹnnu Islaeli tọn lẹ mẹ he ko magbe nado dín Jehovah Jiwheyẹwhe Islaeli tọn lẹpo wẹ hodo yé wá Jelusalẹm nado sanvọ́ hlan Jehovah Jiwheyẹwhe tọgbo yetọn lẹ tọn.+ 17  Owhe atọ̀n wẹ yé yí do hẹn gandudu Juda tọn lodo bo nọgodona Lehoboami visunnu Sọlomọni tọn, na owhe atọ̀n wẹ yé do zinzọnlin to aliho Davidi po Sọlomọni po tọn ji. 18  Enẹgodo, Lehoboami dà Mahalati di asi, yèdọ viyọnnu Jelimọti visunnu Davidi tọn tọn podọ viyọnnu Abihaili he yin viyọnnu Eliabi+ visunnu Jẹsse tọn tọn. 19  To nukọn mẹ, yọnnu lọ ji visunnu lẹ na ẹn: yèdọ Jeuṣi, Ṣemalia po Zahami po. 20  To yọnnu enẹ godo, e dà Maaka ovivi Absalọmi+ tọn di asi. To nukọn mẹ, ewọ ji Abija,+ Atai, Ziza po Ṣelomiti po na ẹn. 21  Lehoboami yiwanna Maaka ovivi Absalọmi tọn hú asi po asimọwhlá etọn he pò lẹpo+ po, na e dà asi 18 bo tindo asimọwhlá 60, e sọ ji visunnu 28 po viyọnnu 60 po. 22  Whenẹnu, Lehoboami de Abija visunnu Maaka tọn taidi ogán podọ nukọntọ to nọvisunnu etọn lẹ ṣẹnṣẹn, na e to linlẹn nado yí i do doahọlu. 23  Ṣigba, e yinuwa po wuntuntun po bo do visunnu etọn lẹ hlan* lẹdo Juda po Bẹnjamini po tọn lẹpo mẹ, yèdọ hlan tòdaho gángán lẹpo+ mẹ bo na yé núdùdù susugege bosọ dà asi susu na yé.

Nudọnamẹ Odò Tọn

To paa mẹ, “he yin dide.”
Kavi “do adó gángán lẹdo.”
To paa mẹ, “na gbọgbọẹ lẹ.”
Kavi “bo hẹn visunnu etọn lẹ gbàpe gbọn.”