Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

2 Kọlintinu lẹ 11:1-33

NUHE E BẸHẸN LẸ

  • Paulu po apọsteli dahodaho lẹ po (1-15)

  • Nuhahun he Paulu pehẹ lẹ taidi apọsteli de (16-33)

11  Yẹn jlo dọ mì ni sinyẹnlin hẹ mi to nulú vude ṣie mẹ. Ṣigba, na nugbo tọn, mìwlẹ ko to linsinyẹn hẹ mi!  Na yẹn nọ yí awuwhàn* Jiwheyẹwhe tọn do whànwu do mì ji, na yẹn ko dopà nado na mì asu dopo to alọwle mẹ na yẹn nido sọgan hẹn mì wá na Klisti taidi awhli he to wiweji de.+  Ṣigba, obu to dìdì mi dọ to aliho de mẹ, dile odàn yí ayiha gigẹdẹ etọn do klọ Evi do,+ ayiha mìtọn sọgan yin hinhẹn gblezọn sọn ahundoponọ-yinyin po wiwe-yinyin he jẹna Klisti po kọ̀n.+  Nalete, eyin mẹde wá bo dọyẹwheho gando Jesu he gbọnvona dehe míwlẹ dọyẹwheho etọn na mì lọ go, kavi eyin mì mọ gbigbọ de yí he gbọnvona dehe mì ko mọyi, kavi wẹndagbe he gbọnvona dehe mì ko kẹalọyi,+ mìwlẹ nọ kẹalọyi i po awubibọ po.  Na yẹn lẹndọ yẹn ma ko do dee hia to onú dopo tata mẹ nado whè hú apọsteli dahodaho mìtọn lẹ gba.+  Ṣigba, eyin yẹn ma tlẹ tindo nugopipe to hodidọ mẹ,+ e họnwun dọ yẹn wàmọ to oyọnẹn mẹ; na nugbo tọn, mí hẹn ẹn họnwun na mì to aliho lẹpo mẹ podọ to nulẹpo mẹ.  Kavi be ylando de wẹ yẹn wà nado whiwhẹ dee na mìwlẹ nido sọgan yin zizedaga, na yẹn yí ayajẹ do lá wẹndagbe Jiwheyẹwhe tọn na mì vọnu wutu ya?+  Agun devo lẹ mẹ wẹ yẹn bẹ alọgọ agbasanu lẹ tọn* sọn nado sọgan yilizọn na mì.+  Ṣogan, to whenue yẹn tin to mì dè bo biọ nuhudo mẹ, yẹn ma lẹzun agbàn pinpẹn de na mẹdepope, na mẹmẹsunnu he wá sọn Makedonia lẹ wleawu nuhe yẹn tindo nuhudo etọn lẹ tọn na mi susugege.+ Mọwẹ, yẹn hẹn dee ma nado yin nupẹnagbanmẹ de na mìwlẹ to aliho depope mẹ podọ yẹn nasọ hẹn dee domọ.+ 10  Dile e họnwun dọ yẹn nọ dọ nugbo lọ dile Klisti nọ wà do, yẹn ma na doalọtena awagundido+ to agbegbe Akaia tọn lẹ ji. 11  Na whẹwhinwhẹ́n tẹ wutu? Be na yẹn ma yiwanna mì wutu wẹ ya? Jiwheyẹwhe yọnẹn dọ yẹn yiwanna mì. 12  Ṣigba, nuhe wà n’te wẹ yẹn na gbẹ́ to wiwà,+ na yẹn nido sọgan glọnalina yẹdoklọmẹ mẹhe to jijlo dọ yé ni nọ yin pinpọn nado sọzẹn hẹ mí to nuhe* yé to awagundo gandego lọ lẹ mẹ. 13  Na apọsteli lalo lẹ wẹ omẹ mọnkọtọn lẹ, azọ́nwatọ oklọ tọn lẹ, he nọ diọwunmẹ na yede zun apọsteli Klisti tọn lẹ.+ 14  Podọ e ma yin nupaṣamẹ, na Satani lọsu nọ to wunmẹdiọ na ede zun angẹli hinhọ́n tọn de.+ 15  Enẹwutu, e ma yin nupaṣamẹ eyin lizọnyizọnwatọ etọn lẹ lọsu nọ to wunmẹdiọ na yede zun lizọnyizọnwatọ dodowiwa tọn lẹ. Ṣigba, opodo yetọn na sọgbe hẹ azọ́n yetọn lẹ.+ 16  Yẹn dọ whladopo dogọ dọ: Mẹdepope ni ma lẹndọ yẹn lunú blo. Ṣigba, eyin mì tlẹ lẹnmọ, mì bo kẹalọyi mi taidi nulunọ, na yẹnlọsu nido sọgan doawagun vude. 17  Nuhe dọ n’te todin, yẹn ma to didọ to apajlẹ Oklunọ tọn hihodo mẹ gba, ṣigba taidi nulunọ he nọ yí awagundido do dejido edetiti go. 18  To whenuena e yindọ mẹsusu to awagundo sọgbe hẹ agbasalan,* yẹnlọsu na doawagun ga. 19  To whenuena e yindọ mì yin “lẹnpọn dagbenọ” sọmọ, mìwlẹ nọ yí ayajẹ do sinyẹnlin hẹ nulunọ lẹ. 20  Na nugbo tọn, mì nọ sinyẹnlin hẹ mẹdepope he hẹn mì zun afanumẹ lẹ, mẹdepope he nọ dù nutindo mìtọn lẹ sudo, mẹdepope he nọ hò nuhe mì tindo lẹ yí, mẹdepope he nọ ze ede daga do mì ji, podọ mẹdepope he nọ hò nukunmẹ na mì. 21  Yẹn dọ ehe na winyan míwlẹ tọn, to whenuena e yindọ e sọgan taidi dọ míwlẹ ko yinuwa to madogán mẹ. Ṣigba, eyin mẹdevo lẹ nọ yí adọgbigbo do yinuwa—yẹn to hodọ di nulunọ—yẹnlọsu nọ yinuwa po adọgbigbo po ga. 22  Heblu lẹ wẹ yé yin ya? Yẹnlọsu yinmọ.+ Islaelivi lẹ wẹ yé yin ya? Yẹnlọsu yinmọ. Kúnkan* Ablaham tọn wẹ yé yin ya? Yẹnlọsu yinmọ.+ 23  Lizọnyizọnwatọ Klisti tọn lẹ wẹ yé yin ya? Yẹn gblọn di tadunọ, yẹn wẹ yinmọ hugan: N’ko wazọ́n susu+ bo ko yì gànmẹ whlasusu+ bosọ jiya mẹhiho madosọha lẹ tọn, podọ whlasusu wẹ yẹn mọ dee to kúdonu.+ 24  Whla atọ́n wẹ Ju lẹ yí obá do hò mi whla kande e whè dopo,+ 25  whla atọ̀n wẹ yẹn yin hihò po opò lẹ po,+ whladopo wẹ yẹn yin zannu dlan do,+ whla atọ̀n wẹ ohún siọ mi,+ yẹn ko nọ hùzànmẹ na ozán dopo, okle dopo; 26  to gbejizọnlin lẹ mẹ gbọzangbọzan, to owù lẹ mẹ to otọ̀ ji, to owù lẹ mẹ sọn jaguda lẹ dè, to owù lẹ mẹ sọn omẹ ṣie titi lẹ dè,+ to owù lẹ mẹ sọn akọta lẹ dè,+ to owù lẹ mẹ to tòdaho lẹ mẹ,+ to owù lẹ mẹ to danfafa ji, to owù lẹ mẹ to ohù ji, to owù lẹ mẹ to mẹmẹsunnu lalo lẹ ṣẹnṣẹn, 27  to tuklajẹ po magbọjẹ po mẹ, to amlọnmadọ́ to zánmẹ gbọzangbọzan mẹ,+ to huvẹ po nugbla po mẹ,+ to onú ma dù whlasusu mẹ,+ to avivọ po avọ̀ matindo to ogo* po mẹ. 28  Gbọnvona onú gbonu tọn enẹlẹ, nuhe nọ gbaṣinyọ́n mi egbesọegbesọ* lẹ tin: yèdọ magbọjẹ na agun lẹpo.+ 29  Mẹnu wẹ yin madogánnọ, bọ yẹn ma yin madogánnọ? Mẹnu wẹ dahli, bọ homẹ ṣie ma jizò? 30  Eyin yẹn dona doawagun, be nuhe nọ do madogán ṣie hia lẹ mẹ wẹ yẹn na doawagun te. 31  Jiwheyẹwhe podọ Otọ́ Oklunọ Jesu tọn, yèdọ Mẹlọ he dona yin pipà kakadoi yọnẹn dọ yẹn ma to lalodo. 32  To Damasku, ayimatẹn-gán lọ, to ahọlu Aleta glọ to tòdaho Damasku tọn ṣọ́ nado wle mi, 33  ṣigba yẹn yin hinhẹn jẹte to ohà* de mẹ gbọn fleṣe he to adó tòdaho lọ tọn go de nù+ bo họ̀ngán sọn alọ etọn lẹ mẹ.

Nudọnamẹ Odò Tọn

To paa mẹ, “zohunhun.”
Kavi “godonọnamẹ.”
Kavi “otẹn he.”
Enẹ wẹ, sọgbe hẹ nujinọtedo gbẹtọvi tọn lẹ.
To paa mẹ, “Okún.”
To paa mẹ, “omẹ́-jijẹ.”
Kavi “kọgbidinamẹ he n’nọ pehẹ egbesọegbesọ.”
Kavi “ohà linlọ̀n.”