Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

2 Kọlintinu lẹ 1:1-24

NUHE E BẸHẸN LẸ

  • Nudọdomẹ (1, 2)

  • Homẹmiọnnamẹ Jiwheyẹwhe tọn to nukunbibia lẹpo mẹ (3-11)

  • Paulu diọ tito gbejizọnlin tọn etọn (12-24)

1  Paulu, apọsteli Klisti Jesu tọn de gbọn ojlo Jiwheyẹwhe tọn gblamẹ, podọ Timoti+ mẹmẹsunnu mítọn, to wekanhlan agun Jiwheyẹwhe tọn he to Kọlinti, gọna omẹ wiwe lẹpo he to Akaia+ pete:  Na mì ni tindo nukundagbe majẹhẹ po jijọho po sọn Jiwheyẹwhe Otọ́ mítọn po Oklunọ Jesu Klisti po dè.  Pipà ni tin hlan Jiwheyẹwhe podọ Otọ́ Oklunọ mítọn Jesu Klisti tọn,+ Otọ́ lẹblanu sisosiso lẹ tọn+ podọ Jiwheyẹwhe homẹmimiọn lẹpo tọn,+  he nọ miọnhomẹna* mí to whlepọn* mítọn lẹpo mẹ,+ na mí nido sọgan penugo nado yí homẹmimiọn he mí mọyi sọn Jiwheyẹwhe dè+ do miọnhomẹna mẹhe tin to whlepọn* wunmẹ depope mẹ lẹ.+  Na kẹdẹdile yajiji mítọn na Klisti tọn wutu sù taun do,+ mọ wẹ homẹmimiọn he mí nọ mọyi gbọn Klisti gblamẹ lọsu sù do ga.  Enẹwutu, eyin mí tin to whlepọn* mẹ, na homẹmimiọn po whlẹngán mìtọn po wutu wẹ; podọ eyin mí to yinyin homẹmiọnna, na homẹmimiọn mìtọn wutu wẹ, ehe nọ yinuwa nado gọalọna mì nado doakọnna oyà dopolọ lẹ he mílọsu to jiji.  Podọ todido mítọn gando mì go ma whàngo, na mí yọnẹn dọ, kẹdẹdile mì tindo mimá to yajiji lẹ mẹ do, mọ wẹ mì nasọ tindo mimá to homẹmimiọn lọ mẹ do ga.+  Mẹmẹsunnu lẹ emi, na mí ma jlo dọ mìwlẹ ni to wunvi mẹ gando nukunbibia he mí pehẹ to ayimatẹn Asia tọn mẹ lẹ go.+ Mí nọ kọgbidinamẹ sinsinyẹn he zẹ̀ huhlọn mítọn go glọ, sọmọ bọ mí ma tlẹ yọnẹn dọ mí na gán.+  Na nugbo tọn, e họnwun na mí dọ mí ko mọ whẹdida okú tọn yí. Ehe yinmọ, na mí nido sọgan ze jidide mítọn, e ma yin do mídelẹ mẹ gba, ṣigba do Jiwheyẹwhe+ he nọ fọ́n oṣiọ lẹ lọ mẹ. 10  Ewọ ko whlẹn mí sọn owù okú tọn daho mọnkọtọn mẹ bo nasọ whlẹn mí, podọ todido mítọn tin to ewọ mẹ dọ ewọ nasọ zindonukọn nado to mí whlẹn.+ 11  Mìlọsu ga sọgan gọalọna mí gbọn ovẹvivẹ mìtọn do ota mítọn mẹ dali,+ na mẹsusu nido sọgan dopẹ́ do ota mítọn mẹ, na nukundagbe he mí mọyi na gblọndo he yin nina na odẹ̀ mẹsusu tọn wutu.+ 12  Na nuhe mẹ mí to awagundo te wẹ yindọ, ayihadawhẹnamẹnu mítọn nọ dekunnu dọ wiwe-yinyin po ahundoponọ-yinyin he Jiwheyẹwhe nọ namẹ po wẹ mí ko yí do yinuwa to aihọn lọ mẹ, podọ na taun tọn hlan mìwlẹ, e ma yin po nuyọnẹn gbẹtọ tọn po+ ṣigba po nukundagbe majẹhẹ Jiwheyẹwhe tọn po. 13  Na nugbo tọn, mí ma to nudevo lẹ kàn hlan mì adavo nuhe mì sọgan hia* bo mọnukunnujẹemẹ lẹ, podọ yẹn tindo todido dọ mì na to nukunnumọjẹ onú ehelẹ mẹ to gigọ́ mẹ* zọnmii, 14  kẹdẹdile mẹdelẹ to mì mẹ ko mọnukunnujẹemẹ jẹ obá de mẹ do ga, dọ míwlẹ yin whẹwhinwhẹ́n de na mì nado doawagun, kẹdẹdile mìlọsu na yin na mí to azán Oklunọ mítọn Jesu tọn gbè do. 15  Enẹwutu, po jidide ehe po, yẹn to linlẹn nado wá mì dè jẹnukọn, na mì nido sọgan tindo whẹwhinwhẹ́n awetọ nado jaya,* 16  na yẹn to linlẹn nado zẹ̀ mì dè eyin yẹn jei Makedonia, podọ nado lẹkọwa mì dè sọn Makedonia, bọ mìwlẹ na yìn mi vude jẹ aliji dedo Jude.+ 17  Todin, to whenue yẹn tindo linlẹn mọnkọtọn, yẹn ma yí nukunpẹvi do pọ́n linlẹn enẹ, kavi yẹn wàmọ wẹ? Kavi be agbasa-liho wẹ yẹn lẹnnupọn te bọ yẹn nado dọ “Mọwẹ, mọwẹ” podọ to enẹgodo “Lala, lala” ya? 18  Ṣigba, dile Jiwheyẹwhe sọgan yin jidedego do, nuhe mí dọna mì ma yin “mọwẹ” podọ to enẹgodo “lala” gba. 19  Na Visunnu Jiwheyẹwhe tọn, Jesu Klisti, mẹhe go yẹn po Silvanu* po gọna Timoti+ dọyẹwheho gando to ṣẹnṣẹn mìtọn, ma lẹzun “mọwẹ” podọ to enẹgodo “lala” gba, ṣigba “mọwẹ” ko lẹzun “mọwẹ” to whẹho etọn mẹ. 20  Na mahopọnna lehe opagbe Jiwheyẹwhe tọn lẹ sù sọ, yé ko lẹzun “mọwẹ” gbọn ewọ gblamẹ.+ Enẹwutu, gbọn ewọ gblamẹ ga wẹ “Niṣẹ”* nọ yin didọ hlan Jiwheyẹwhe te,+ ehe nọ hẹn gigo wá na ẹn gbọn míwlẹ gblamẹ. 21  Ṣigba, mẹhe nọ hẹnmẹ deji dọ mìwlẹ po míwlẹ po yin Klisti tọn podọ mẹhe ko yiamisisadode mí wẹ Jiwheyẹwhe.+ 22  E ko sọ yí hiadonu etọn do mí go+ bo ko na mí ohia nuhe na wá jọ lẹ tọn,* enẹ wẹ, gbigbọ lọ,+ to ahun mítọn lẹ mẹ. 23  Todin, Jiwheyẹwhe na dekunnu gando go e* dọ nado whlá mì sọn awubla yinukọn dogọ mẹ wutu wẹ yẹn ma ko wá Kọlinti kakajẹ din. 24  E ma yindọ mí duklunọ do yise mìtọn ji wẹ gba,+ ṣigba azọ́nwatọ hatọ mìtọn lẹ wẹ mí yin na ayajẹ mìtọn, na gbọn yise mìtọn dali wẹ mì do to ote.

Nudọnamẹ Odò Tọn

Kavi “na tuli.”
Kavi “nukunbibia.”
Kavi “nukunbibia.”
Kavi “nukunbibia.”
Kavi vlavo, “nuhe mì ko yọnẹn ganji.”
To paa mẹ, “kakajẹ vivọnu.”
Kavi vlavo, “na mì nido sọgan mọaleyi do whla awe ji.”
Sọ nọ yin yiylọdọ Sila.
Kavi “Amẹn” to Glẹkigbe mẹ.
Kavi “jidenamẹnu (afàsúnú) gando nuhe to nukọn ja go.”
To paa mẹ, “alindọn ṣie go.”