Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

2 Ahọlu lẹ 9:1-37

NUHE E BẸHẸN LẸ

  • Yè yiamisisadode Jehu di ahọlu (1-13)

  • Jehu hù Jeholami po Ahazia po (14-29)

  • Yè hù Jezebẹli; avún lẹ dù i (30-37)

9  Enẹgodo, Eliṣa yẹwhegán lọ ylọ dopo to visunnu yẹwhegán lẹ tọn lẹ mẹ bo dọna ẹn dọmọ: “Sìn awù towe lẹ do alinkàn bo yawu ze ogo amì tọn ehe bosọ yì Lamọti-giliadi.+  Eyin a jẹ dọ́n, dín Jehu+ visunnu Jehoṣafati he yin visunnu Nimṣi tọn lọ mọ; biọ họmẹ yì e dè bo fọ́n ẹn sọn nọvisunnu etọn lẹ ṣẹnṣẹn bosọ plan ẹn biọ abò homẹ tọn lọ mẹ.  Whenẹnu wẹ hiẹ ni yí ogo amì tọn lọ bo kọ̀n ẹn do ota na ẹn bosọ dọmọ, ‘Nuhe Jehovah dọ die: “Yẹn yiamisisadode we di ahọlu do Islaeli ji.”’+ Enẹgodo, hùn ohọ̀n lọ bo họnyi madọngbàn.”  Devizọnwatọ yẹwhegán lọ tọn sọ wleali dedo Lamọti-giliadi.  Whenue e jẹ dọ́n, awhàngán lẹ to aisinsin to finẹ. E sọ dọmọ: “Awhàngán E, n’tindo owẹ̀n de na we.” Jehu kanse dọmọ: “Na mẹnu to mí mẹ?” Ewọ sọ dọmọ: “Na hiẹ, awhàngán.”  Enẹwutu, Jehu fọ́n bo biọ ohọ̀ lọ mẹ; devizọnwatọ lọ sọ kọ̀n amì do ota na ẹn bo dọna ẹn dọmọ, “Nuhe Jehovah Jiwheyẹwhe Islaeli tọn dọ die: ‘Yẹn yiamisisadode we di ahọlu do omẹ Jehovah tọn lẹ ji, yèdọ do Islaeli ji.+  Hiẹ dona hù mẹhe to whédo Ahabi oklunọ towe tọn mẹ lẹ, yẹn nasọ yiahọsu na ohùn devizọnwatọ ṣie yẹwhegán lẹ po devizọnwatọ Jehovah tọn lẹpo po tọn he ko kú gbọn alọ Jezebẹli+ tọn mẹ.  Whédo Ahabi tọn pete wẹ na dọ̀n; yẹn na sukúndona sunnu* lẹpo sọn whédo Ahabi tọn mẹ, etlẹ yin agbátọnọ po madogánnọ lẹ po to Islaeli.+  Yẹn nasọ hẹn whédo Ahabi tọn tin taidi whédo Jeloboami+ visunnu Nebati tọn podọ taidi whédo Baaṣa+ visunnu Ahija tọn. 10  Na nuhe dù Jezebẹli, avún lẹ wẹ na dù i to aigba he to Jezleẹli lọ ji,+ mẹdepope ma nasọ dì oṣiọ etọn.’” E sọ hùn ohọ̀n lọ bo họnyi.+ 11  Whenue Jehu lẹkọwa devizọnwatọ oklunọ etọn tọn lẹ dè, yé kanse e dọmọ: “Nude jọ wẹ ya? Etẹwẹ hẹn dawe tadunọ ehe wá dè we?” Ewọ gblọnna yé dọmọ: “Mìlọsu ko yọ́n gbẹtọ wunmẹ he e yin po ohó he nkọ e nọ dọ lẹ po.” 12  Ṣigba, yé dọmọ: “Lalo wẹ enẹ! Jaale, dọ hójọhó na mí.” Ewọ sọ dọmọ: “Nuhe e dọna mi die, enẹgodo e yidogọ dọ, ‘Nuhe Jehovah dọ die: “Yẹn yiamisisadode we di ahọlu do Islaeli ji.”’”+ 13  Whenẹnu wẹ dopodopo yetọn yawu yí awù yetọn bo tẹ́ ẹ do oglọ na ẹn do pèkán lọ lẹ ji to kọmẹ,+ yé sọ kún azò bo dọmọ: “Jehu ko lẹzun ahọlu!”+ 14  Enẹgodo, Jehu+ visunnu Jehoṣafati he yin visunnu Nimṣi tọn blasé do Jeholami go. Jeholami ko to alihọ́ to Lamọti-giliadi to whenẹnu,+ yèdọ ewọ po Islaeli pete po, na Ahọlu Hazaẹli+ Silia tọn wutu. 15  To godo mẹ, Ahọlu Jeholami lẹkọwa Jezleẹli+ nado jẹgangan sọn awugble etọn lẹ mẹ, yèdọ apà he Silianu lẹ ko do e go to whenue e hoavùn hẹ Ahọlu Hazaẹli Silia tọn.+ Todin, Jehu dọmọ: “Eyin mìwlẹ* kọngbedopọ, mì dike mẹdepope họnyi sọn tòdaho lọ mẹ nado yì na linlin enẹ to Jezleẹli blo.” 16  Enẹgodo, Jehu hẹ osọ́-kẹkẹ etọn ji bo dedo Jezleẹli, na Jeholami he ko yin awugblena lọ to aimimlọn to finẹ, bọ Ahọlu Ahazia Juda tọn ko jẹte yì Jeholami pọ́n gbé. 17  Dile nuhọ́tọ de to ote to atọ̀họ̀ he to Jezleẹli lọ ji, e mọ bọ sunnu he nọgodona Jehu lẹ doawhàn ja. To afọdopolọji, e dọmọ: “N’mọ sunnu delẹ doawhàn ja.” Jeholami sọ dọmọ: “De awhànfuntọ osọ́ ji tọn de bo do e hlan nado yì pé yé bo kanse dọ, ‘Jijọho mẹ wẹ mìwlẹ ja te ya?’” 18  Enẹwutu, osọ́nọ de yì pé e bo dọmọ: “Nuhe ahọlu dọ die, ‘Jijọho mẹ wẹ mìwlẹ ja te ya?’” Ṣigba, Jehu dọmọ: “Etẹwẹ dù we po ‘jijọho’ po? Wá nọgodona mi!” Nuhọ́tọ lọ sọ na linlin dọmọ: “Wẹnsagun lọ jẹ yé dè, ṣigba e ma lẹkọ ba.” 19  Enẹwutu, e do osọ́nọ awetọ hlan, bọ whenue ewọ jẹ yé dè, e dọmọ: “Nuhe ahọlu dọ die, ‘Jijọho mẹ wẹ mìwlẹ ja te ya?’” Ṣigba, Jehu dọmọ: “Etẹwẹ dù we po ‘jijọho’ po? Wá nọgodona mi!” 20  Nuhọ́tọ lọ sọ na linlin dọmọ: “Ewọ jẹ yé dè, ṣigba e ma lẹkọ ba, podọ aliho osọ́-kẹkẹ kùnkùn tọn lọ jlo na taidi Jehu ovivi* Nimṣi tọn, na e nọ kùn osọ́-kẹkẹ to aliho egblemaku tọn mẹ.” 21  Jeholami sọ dọmọ: “Wleawuna osọ́-kẹkẹ!” Osọ́-kẹkẹ awhàn tọn etọn sọ yin awuwlena bọ Ahọlu Jeholami Islaeli tọn po Ahọlu Ahazia+ Juda tọn po dedo, yèdọ mẹdopodopo to osọ́-kẹkẹ awhàn tọn etọn titi mẹ nado yì pé Jehu. Yé sọ pé e to aigba Naboti+ Jezleẹlinu lọ tọn ji. 22  Tlolo he Jeholami mọ Jehu, e dọmọ: “Jehu, jijọho mẹ wẹ hiẹ ja te ya?” Ṣigba, ewọ dọmọ: “Jijọho tẹwẹ sọgan tin dile e na dẹnsọ bọ galilọ Jezebẹli+ onọ̀ towe tọn po owọ́n+ susugege etọn lẹ po na pò to aimẹ?” 23  To afọdopolọji, Jeholami lilẹ́ osọ́-kẹkẹ etọn nado họnyi, e sọ dọna Ahazia dọmọ: “Ahazia, mí ko jẹ omọ̀ mẹ!” 24  Jehu sọ ze ogá etọn hẹn do alọmẹ bo de e do abọ́ Jeholami tọn lẹ ṣẹnṣẹn, ogába lọ sọ lùn ahun etọn tọ́n bọ e họ́jai do osọ́-kẹkẹ awhàn tọn etọn mẹ. 25  Enẹgodo, Jehu dọna Bidkali alọgọtọ etọn dọmọ: “Ze e bo dlan ẹn do ogle Naboti Jezleẹlinu lọ tọn+ mẹ. Flindọ yẹn po hiẹ po wẹ to osọ́-kẹkẹ kùn dopọ* to Ahabi otọ́ etọn godo to whenue Jehovah basi nulila ehe sọta ẹ+ dọmọ: 26  ‘“Dile e họnwun dọ yẹn mọ ohùn Naboti+ tọn po ohùn visunnu etọn lẹ tọn po to osọ he wayi,” wẹ Jehovah dọ, “yẹn na yiahọsu to gowe+ to aigba ehe dopolọ ji,” wẹ Jehovah dọ.’ Enẹwutu, ze e bo dlan ẹn do aigba lọ ji, kẹdẹdile Jehovah ko dọ do.”+ 27  Whenue Ahọlu Ahazia+ Juda tọn mọ nuhe to jijọ lọ, e họnyi gbọn aliho jipa daho* lọ tọn ji. (To godo mẹ, Jehu dómọna ẹn bo dọmọ: “Mì hù ewọ lọsu!” Enẹwutu, yé linú in to osọ́-kẹkẹ etọn mẹ dile e hẹji jei Guli he to Ibleami pá.+ Ṣigba, e zindonukọn kakajẹ Mẹgido bo wá kú do finẹ. 28  Devizọnwatọ etọn lẹ sọ ze e do osọ́-kẹkẹ de mẹ wá Jelusalẹm bo dì i do yọdò etọn mẹ dopọ hẹ tọgbo etọn lẹ do Tòdaho Davidi tọn mẹ.+ 29  Owhe 11tọ Jeholami visunnu Ahabi tọn mẹ wẹ Ahazia+ duahọlu do Juda ji te.) 30  Whenue Jehu wá Jezleẹli,+ Jezebẹli+ sè gandego. Enẹwutu, e sá onú yuu do nukun bo doaṣọ́na ota etọn bosọ to odò pọnhlan gbọn fleṣenu. 31  Whenue Jehu biọ whégbè gbọn họngbo nù, Jezebẹli dọmọ: “Be nulẹ yì ganji na Zimli he hù oklunọ etọn wẹ?”+ 32  Jehu sọ pọ́n aga hlan fleṣe lọ nù bo dọmọ: “Mẹnu wẹ to adà ṣie mẹ? N’dọ mẹnu?”+ To afọdopolọji, ahọluzọnwatọ họ̀nmẹ tọn awe kavi atọ̀n pọ́n ẹn hlan odò. 33  Ewọ sọ dọmọ: “Mì dlan ẹn do odò!” Yé sọ dlan ẹn do odò bọ apadewhe ohùn etọn tọn gbà kọnyin adó lọ po osọ́ lẹ po go, ewọ sọ hẹn osọ́ etọn lẹ nado tùnafọ e ji. 34  Enẹgodo, Jehu biọ họmẹ bo dù bosọ nù. Whenẹnu wẹ e dọmọ: “Mì jaale bo penukundo oṣiọ nawe dẹ̀hodonọ ehe tọn go bo dì i. To popolẹpo mẹ, viyọnnu ahọlu de tọn wẹ ewọ.”+ 35  Ṣigba, whenue yé jei dìdì i gbé, yé ma mọ nudepope to finẹ zẹ̀ taká etọn gọna afọ po alọpapa etọn lẹ po go.+ 36  Whenue yé lẹkọ bo dọna Jehu, ewọ dọmọ: “Ehe hẹn ohó Jehovah tọn+ he e ko dọ gbọn devizọnwatọ etọn Elija Tiṣbinu lọ gblamẹ di dọmọ, ‘Aigba he to Jezleẹli lọ ji wẹ avún lẹ na dù olàn Jezebẹli tọn te.+ 37  Oṣiọ Jezebẹli tọn nasọ taidi ogbó to kọmẹ to aigba he to Jezleẹli lọ ji, na yé nikaa dọ dọ: “Jezebẹli die.”’”

Nudọnamẹ Odò Tọn

To paa mẹ, “mẹdepope he nọ hú adọ́ do adó go.” Hogbe vlẹko tọn de to Heblugbe mẹ he nọ dlẹnalọdo sunnu.
Kavi “alindọn mìtọn.”
To paa mẹ, “visunnu.”
To paa mẹ, “to pipli osọ́ tọn lẹ kùn.”
To paa mẹ, “owhé jipa tọn.”