Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

2 Ahọlu lẹ 25:1-30

NUHE E BẸHẸN LẸ

  • Nẹbukadnẹzali yangbé Jelusalẹm tọn (1-7)

  • Jelusalẹm po tẹmpli etọn po yin vivasudo; bibẹ yì whla 2tọ (8-21)

  • Gedalia lẹzun ayimatẹn-gán (22-24)

  • Gedalia yin hùhù; gbẹtọ lẹ họnyi Egipti (25, 26)

  • Jehoiakini yin tuntundote to Babilọni (27-30)

25  To owhe ṣinẹnẹtọ gandudu Zedekia tọn mẹ, to osun aotọ mẹ to azán aotọ gbè, Ahọlu Nẹbukadnẹzali+ Babilọni tọn po awhànpa etọn lẹpo po tọ́nawhàn Jelusalẹm.+ E dosla lẹdo e bosọ do adó osla tọn lẹdo e,+  podọ yè dosla lẹdo tòdaho lọ kakajẹ owhe 11tọ Ahọlu Zedekia tọn mẹ.  To azán ṣinẹnẹtọ gbè to osun ẹnẹtọ mẹ, huvẹ sinyẹn taun+ to tòdaho lọ mẹ, núdùdù depope masọ tin na mẹhe to aigba lọ ji lẹ.+  Yè gbà adó biọ tòdaho lọ mẹ,+ awhànfuntọ lọ lẹpo sọ họnyi to zánmẹ gbọn họngbo he to adó awe lẹ ṣẹnṣẹn nù sẹpọ jipa ahọlu tọn, to whenue Kaldeanu lẹ dosla lẹdo tòdaho lọ; ahọlu sọ họnyi gbọn aliho Alaba tọn ji.+  Ṣigba, awhànpa Kaldeanu lẹ tọn dómọna ahọlu lọ, yé sọ plá ẹ to danfafa Jẹliko tọn ji, awhànfuntọ etọn lẹpo sọ họ̀n jo e do.  Whenẹnu wẹ yé wle ahọlu lọ+ bo hẹn ẹn hẹji wá ahọlu Babilọni tọn dè to Libla bo dawhẹna ẹn.  Yé sọ hù visunnu Zedekia tọn lẹ to nukun etọn mẹ; enẹgodo Nẹbukadnẹzali tọ́nnukunna Zedekia bo yí gẹdẹ gànvẹẹ tọn lẹ do blá ẹ bosọ hẹn ẹn yì Babilọni.+  To azán ṣinawetọ gbè to osun atọ́ntọ mẹ, enẹ wẹ to owhe 19tọ gandudu Ahọlu Nẹbukadnẹzali he yin ahọlu Babilọni tọn mẹ, Nẹbuzaladani+ ogán nuhọ́tọ lẹ tọn lọ he yin devizọnwatọ ahọlu Babilọni tọn wá Jelusalẹm.+  Ewọ fiọ ohọ̀ Jehovah tọn,+ owhé* ahọlu tọn+ po owhé he tin to Jelusalẹm lẹpo po;+ e sọ fiọ owhé omẹ nukundeji lẹpo tọn.+ 10  Awhànpa Kaldeanu lẹ tọn lẹpo he topọ hẹ ogán nuhọ́tọ lẹ tọn lọ sọ họ́ adó he lẹdo Jelusalẹm lẹ.+ 11  Nẹbuzaladani ogán nuhọ́tọ lẹ tọn lọ plan mẹhe pò to mẹhe yin jijodo tòdaho lọ mẹ lẹ mẹ, mẹhe ko họnyi ahọlu Babilọni tọn dè lẹ po mẹhe pò to otò lọ mẹ lẹ po yì kanlinmọgbenu.+ 12  Ṣigba, ogán nuhọ́tọ lẹ tọn lọ jo mẹhe yin hẹntọnọ klókló delẹ do aigba lọ ji nado nọ pọ̀ vẹngle lẹ bo nọ wazọ́n dandan tọn lẹ.+ 13  Kaldeanu lẹ sọ gbà dòtin gànvẹẹ tọn+ he to ohọ̀ Jehovah tọn mẹ lẹ, agbàn-kẹkẹ+ lọ lẹ po Ohù gànvẹẹ tọn+ he to ohọ̀ Jehovah tọn mẹ po do flinflin, yé sọ bẹ gànvẹẹ lọ yì Babilọni.+ 14  Podọ yé bẹ panu lọ lẹ, fẹli lọ lẹ, miyọ́n-ṣínu lọ lẹ, kọfo lọ lẹ po nuyizan gànvẹẹ tọn he nọ yin yiyizan na sinsẹ̀nzọn tẹmpli mẹ tọn lọ lẹpo po. 15  Ogán nuhọ́tọ lẹ tọn lọ bẹ miyọ́n-hẹnnú lọ lẹ gọna agbán he yè yí sika+ po fataka+ akú po do basi lọ lẹ. 16  Na nuhe dù dòtin awe lọ lẹ, Ohù lọ po agbàn-kẹkẹ he Sọlomọni ko basi na ohọ̀ Jehovah tọn lọ lẹ po, gànvẹẹ he yè yizan na nuyizan ehelẹ ma sọgan yin jijlẹ.+ 17  Dòtin dopodopo yiji na awagbà* 18,+ podọ gànvẹẹ wẹ yè yí do basi ota he to e ji; podọ jiyiyi ota lọ tọn yin awagbà atọ̀n; gànvẹẹ wẹ yè sọ yí do basi agbájẹ́ lọ po pomeglanate* he lẹdo ota lọ pete lẹpo po.+ Dòtin awetọ lọ po agbájẹ́ etọn po yin nudopolọ pẹẹ. 18  Ogán nuhọ́tọ lẹ tọn lọ sọ plan Selaia+ yẹwhenọgán lọ, Zefania+ yẹwhenọ awetọ po họ̀njinọtọ atọ̀n lọ lẹ po.+ 19  E sọ plan ahọluzọnwatọ de he yin anadenanutọ awhànfuntọ lẹ tọn sọn tòdaho lọ mẹ, họntọn vivẹ́ ahọlu tọn atọ́n he yin mimọ to tòdaho lọ mẹ lẹ, gọna wekantọ awhàngán lọ tọn, yèdọ mẹhe nọ pli mẹhe tin to aigba lọ ji lẹ po sunnu 60 to omẹ paa aigba lọ tọn lẹ he gbẹ́ yin mimọ to tòdaho lọ mẹ lẹ mẹ po. 20  Nẹbuzaladani+ ogán nuhọ́tọ lẹ tọn lọ plan yé bo hẹn yé wá ahọlu Babilọni tọn dè to Libla.+ 21  Ahọlu Babilọni tọn linú yé bo hù yé to Libla to aigba Hamati tọn ji.+ Gbọnmọ dali, Juda yì kanlinmọgbenu sọn aigba etọn ji.+ 22  Ahọlu Nẹbukadnẹzali Babilọni tọn sọ de Gedalia+ visunnu Ahikami+ he yin visunnu Ṣafani+ tọn do mẹhe e ko jodo aigba Juda tọn ji lẹ nù.+ 23  Whenue awhàngán lẹ po sunnu yetọn lẹ po sè dọ ahọlu Babilọni tọn ko de Gedalia, yé wá Gedalia dè to Mizpa to afọdopolọji. Omẹ ehelẹ wẹ Iṣmaeli visunnu Netania tọn, Johanani visunnu Kalea tọn, Selaia visunnu Tanhumẹti Netofanu lọ tọn po Jaazania visunnu Maakatinu lọ tọn po, to pọmẹ hẹ sunnu yetọn lẹ.+ 24  Gedalia whlé na mẹlọ lẹ po sunnu yetọn lẹ po bo dọmọ: “Mì dibu nado lẹzun devi Kaldeanu lẹ tọn blo. Mì nọ aigba lọ ji bo sẹ̀n ahọlu Babilọni tọn, nulẹ nasọ yì ganji na mì.”+ 25  To osun ṣinawetọ mẹ, Iṣmaeli+ visunnu Netania visunnu Eliṣama tọn he wá sọn kúnkan ahọlu tọn* mẹ wá po sunnu ao devo lẹ po bo linú Gedalia bọ e kú to pọmẹ hẹ Ju po Kaldeanu he tin to e dè to Mizpa lẹ po.+ 26  Enẹgodo, gbẹtọ lọ lẹpo, yèdọ yọpọ po mẹho po gọna awhàngán lẹ fọ́n bo yì Egipti,+ na yé dibuna Kaldeanu lẹ wutu.+ 27  Humọ, to owhe 37tọ kanlinmọgbenu-yìyì Ahọlu Jehoiakini+ Juda tọn tọn mẹ, to azán 27tọ gbè to osun 12tọ mẹ, Ahọlu Evili-mẹlodaki Babilọni tọn tún Ahọlu Jehoiakini Juda tọn dote* sọn gànpamẹ, to owhe he mẹ e lẹzun ahọlu te.+ 28  E dọho hẹ ẹ po homẹdagbe po bo ze ofìn etọn yiaga hú ofìn ahọlu he pò topọ hẹ ewọ to Babilọni lẹ tọn. 29  Enẹwutu, Jehoiakini de awù gàntọ tọn etọn lẹ bo nọ dùnú to nukọn etọn egbesọegbesọ to gbẹzan etọn lẹpo mẹ. 30  Núdùdù nọ yin nina ẹn sọn ahọlu dè to gbesisọ mẹ, yèdọ egbesọegbesọ to gbẹzan etọn lẹpo mẹ.

Nudọnamẹ Odò Tọn

Kavi “họ̀nmẹ.”
Awagbà dopo sọzẹn hẹ cm 44,5. Pọ́n Nud. B14.
Atin-sinsẹ́n de he nọ tindo sinmẹ taidi vẹẹ bo nọ di pọmu. Pọ́n Zẹm.
To paa mẹ, “sọn okún ahọluduta lọ tọn.”
To paa mẹ, “ze ota Ahọlu Jehoiakini Juda tọn daga.”