Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

2 Ahọlu lẹ 22:1-20

NUHE E BẸHẸN LẸ

  • Josia, ahọlu Juda tọn (1, 2)

  • Anademẹ lẹ na tẹmpli vivọjlado (3-7)

  • Owe Osẹ́n tọn yin mimọ (8-13)

  • Hulda dọ dọdai nugbajẹmẹji tọn (14-20)

22  Owhe ṣinatọ̀n wẹ Josia+ tindo to whenue e duahọlu, e sọ dugán to Jelusalẹm na owhe 31.+ Oyín onọ̀ etọn tọn wẹ Jẹdida viyọnnu Adaia tọn sọn Bọzkati.+  E wà nuhe sọgbe to nukun Jehovah tọn mẹ bo zinzọnlin gbọn aliho Davidi tọgbo etọn tọn lẹpo ji,+ e ma lẹ́ yì adusi kavi yì amiyọn.  To owhe 18tọ Ahọlu Josia tọn mẹ, ahọlu do Ṣafani wekantọ lọ, yèdọ visunnu Azalia he yin visunnu Meṣulami tọn hlan ohọ̀ Jehovah tọn mẹ+ dọmọ:  “Hẹji yì Hilkia+ yẹwhenọ daho lọ dè bo gbọ ewọ ni hò akuẹ he nọ yin hinhẹnwa ohọ̀ Jehovah tọn mẹ lẹ pli,+ yèdọ akuẹ he họ̀njinọtọ lẹ nọ bẹpli sọn gbẹtọ lọ lẹ dè.+  Gbọ yé ni bẹ jo na mẹhe yin dide nado penukundo azọ́n lọ go to ohọ̀ Jehovah tọn mẹ lẹ, na yewlẹ ni bẹ na mẹhe to azọ́nwa to ohọ̀ Jehovah tọn go bo dona vọ́ fihe gble* to ohọ̀ lọ go jlado lẹ,+  yèdọ na anazọ́nwatọ lẹ, họ̀gbátọ lẹ po họ̀dotọ lẹ po; omẹ ehelẹ nasọ yí do họ̀ owhlẹ lẹ po zannu pipà lẹ po nado vọ́ ohọ̀ lọ jlado.+  Ṣigba, e ma dona yin bibiọ to yé si nado dogbè akuẹ he yin bibẹ na yé lẹ tọn, na omẹ dejidego lẹ wẹ yé.”+  To godo mẹ, Hilkia yẹwhenọ daho lọ dọna Ṣafani wekantọ lọ+ dọmọ: “Yẹn ko mọ owe Osẹ́n lọ tọn+ to ohọ̀ Jehovah tọn mẹ.” Enẹwutu, Hilkia ze owe lọ jo na Ṣafani bọ ewọ jẹ hihia ẹ ji.+  Enẹgodo, Ṣafani wekantọ lọ yì ahọlu dè bo dọna ẹn dọmọ: “Devizọnwatọ towe lẹ ko kọ̀n akuẹ he yin mimọ to ohọ̀ lọ mẹ lẹ sọn númẹ bo ko bẹ jo na mẹhe yin dide nado penukundo azọ́n lọ go to ohọ̀ Jehovah tọn mẹ lẹ.”+ 10  Humọ, Ṣafani wekantọ lọ dọna ahọlu dọmọ: “Hilkia yẹwhenọ lọ ko ze owe de+ na mi.” Ṣafani sọ jẹ owe lọ hia na ahọlu ji. 11  Tlolo he ahọlu sè ohó he to owe Osẹ́n lọ tọn mẹ lẹ, e tlẹ́n awù etọn lẹ.+ 12  Ahọlu sọ na gbedide ehe Hilkia yẹwhenọ lọ, Ahikami+ visunnu Ṣafani tọn, Akbọli visunnu Mikaia tọn, Ṣafani wekantọ lọ po Asaia devizọnwatọ ahọlu tọn lọ po dọmọ: 13  “Mì yì kanhose Jehovah do ota ṣie mẹ, do ota gbẹtọ lọ lẹ tọn mẹ, podọ do ota Juda pete tọn mẹ, gando ohó he to owe he ko yin mimọ ehe mẹ lẹ go; na adi Jehovah tọn he jizò do mí ji lọ sinyẹn taun,+ na tọgbo mítọn lẹ ma setonuna ohó he to owe ehe mẹ lẹ bo ma payi nuhe yin kinkan gando mí go lẹpo go.” 14  Enẹwutu, Hilkia yẹwhenọ lọ, Ahikami, Akbọli, Ṣafani po Asaia po yì Hulda yẹwhegán-yọnnu lọ dè.+ Ewọ wẹ yin asi Ṣalumi visunnu Tikva he yin visunnu Halhasi tọn, yèdọ mẹhe nọ penukundo fie avọ̀ lẹ nọ yin bibẹ do go lọ, podọ yọnnu lọ nọ nọ̀ Agbegbe Awetọ Jelusalẹm tọn ji; yé sọ yì dọho hẹ ẹ to finẹ.+ 15  E dọna yé dọmọ: “Nuhe Jehovah Jiwheyẹwhe Islaeli tọn dọ die, ‘Mì dọna dawe he do mì hlan dè e lọ dọ: 16  “Nuhe Jehovah dọ die, ‘Yẹn na hẹn nugbajẹmẹji wá nọtẹn ehe po mẹhe nọ nọ̀ e mẹ lẹ po ji, yèdọ ohó he to owe he ahọlu Juda tọn ko hia lọ mẹ lẹpo.+ 17  Na yé ko gbẹ́ mi dai bo to avọ́sinsan mimẹ̀ lẹ basi na yẹwhe devo lẹ+ nado yí azọ́n alọ yetọn tọn lẹpo do hẹn homẹgble mi wutu,+ adi ṣie na jizò do nọtẹn ehe ji bo ma na yin ṣíṣí.’”+ 18  Ṣigba, nuhe mì dona dọna ahọlu Juda tọn he do mì hlan nado kanhose Jehovah die, “Nuhe Jehovah Jiwheyẹwhe Islaeli tọn dọ die: ‘Na nuhe dù ohó he hiẹ ko sè lẹ, 19  na ahun towe yawu yinuwa* bọ hiẹ whiwhẹ dewe+ to Jehovah nukọn to whenue a sè nuhe yẹn ko dọ gando nọtẹn ehe po mẹhe nọ nọ̀ e mẹ lẹ po go—dọ yé na lẹzun nudobu po mẹhodẹ̀do po—bọ hiẹ tlẹ́n awù towe lẹ+ bo viavi to nukọn ṣie wutu, yẹnlọsu ko sè towe, wẹ Jehovah dọ. 20  Enẹ wẹ zọ́n bọ yẹn na hẹn we nado yin dìdì taidi tọgbo towe lẹ,* bọ hiẹ na yin hinhẹn nado mlọnai to yọdò towe mẹ to jijọho mẹ, podọ nukun towe lẹ ma na mọ nugbajẹmẹji he yẹn na hẹnwa nọtẹn ehe ji lẹpo.’”’” Enẹgodo, yé wá dogbè na ahọlu.

Nudọnamẹ Odò Tọn

Kavi “zẹ̀.”
To paa mẹ, “bọ̀.”
Hogbe milomilo wẹ hogbe ehelẹ yin na okú.