Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

2 Ahọlu lẹ 16:1-20

NUHE E BẸHẸN LẸ

  • Ahazi, ahọlu Juda tọn (1-6)

  • Ahazi na alọgodo-kuẹ Asilia (7-9)

  • Ahazi do agbà kosi lẹ tọn nkọ (10-18)

  • Ahazi kú (19-20)

16  To owhe 17tọ Peka visunnu Lemalia tọn mẹ, Ahazi+ visunnu Ahọlu Jotami Juda tọn lẹzun ahọlu.  Owhe 20 wẹ Ahazi tindo to whenue e duahọlu, e sọ dugán to Jelusalẹm na owhe 16. E ma wà nuhe sọgbe to nukun Jehovah Jiwheyẹwhe etọn tọn mẹ dile Davidi tọgbo etọn ko wà do gba.+  Kakatimọ, e zinzọnlin gbọn aliho ahọlu Islaeli tọn lẹ tọn ji,+ e tlẹ sọ hẹn visunnu etọn titi jugbọn miyọ́n mẹ,+ bo wà osùnú he nkọ akọta he Jehovah ko yàn sẹ̀ sọn Islaelivi lẹ nukọn lẹ nọ wà.+  E sọ nọ to avọ́sinsan po avọ́sinsan mimẹ̀ lẹ po basi mapote to ofi yiaga lẹ,+ to okọ́ta lẹ ji, podọ to atin he vùn ganji lẹpo sá.+  Whenẹnu wẹ Ahọlu Lezini Silia tọn po Peka visunnu Lemalia ahọlu Islaeli tọn po hẹji wá nado tọ́nawhàn Jelusalẹm.+ Yé dosla nado funawhàn sọta Ahazi, amọ́ yé ma penugo nado yí tòdaho lọ.  To ojlẹ enẹ mẹ, Ahọlu Lezini Silia tọn gọ̀ Elati+ jo na Edomi, enẹgodo e yàn Ju* lẹ sọn Elati. Edominu lẹ sọ jẹ Elati bo nọ nọ̀ finẹ kakajẹ egbé.  Whenẹnu, Ahazi do wẹnsagun lẹ hlan Ahọlu Tiglati-pilesẹli+ Asilia tọn dọmọ: “Devizọnwatọ towe podọ visunnu towe wẹ yẹn. Hẹji wá bo whlẹn mi sọn alọ mẹhe tọ́nawhàn mi lẹ tọn mẹ, yèdọ ahọlu Silia tọn po ahọlu Islaeli tọn po.”  Ahazi sọ bẹ fataka po sika po he to ohọ̀ Jehovah tọn mẹ podọ to adọkunnu sẹdotẹn he to owhé* ahọlu tọn gbè bo do yé hlan ahọlu Asilia tọn taidi alọgodo-kuẹ.+  Ahọlu Asilia tọn kẹalọyi obiọ etọn, bo hẹji yì Damasku bo gbawhàn etọn bosọ bẹ mẹhe to e mẹ lẹ yì kanlinmọgbenu to Kili,+ e sọ hù Lezini.+ 10  Enẹgodo, Ahọlu Ahazi tọ́n nado yì pé Ahọlu Tiglati-pilesẹli Asilia tọn to Damasku. Whenue Ahọlu Ahazi mọ agbà he tin to Damasku, e do yẹdide agbà lọ tọn hlan Ulija yẹwhenọ lọ, yèdọ awusọhia etọn po lehe e yin bibasi do po.+ 11  Ulija+ yẹwhenọ lọ sọ do agbà de ai+ sọgbe hẹ anademẹ he Ahọlu Ahazi ko na ẹn sọn Damasku lẹpo. Ulija yẹwhenọ lọ dotana agbà lọ dido whẹpo Ahọlu Ahazi do lẹkọ sọn Damasku. 12  Whenue ahọlu lẹkọ sọn Damasku bo mọ agbà lọ, e sẹpọ agbà lọ bo basi avọ́nunina lẹ to e ji.+ 13  Agbà enẹ ji wẹ e zindonukọn nado to avọ́nunina mimẹ̀ etọn lẹ basi te bosọ to avọ́nunina jinukun-lili tọn etọn lẹ mẹ̀ te; podọ e nọ kọ̀n avọ́nunina nùnù etọn lẹ bo nọ mimí ohùn avọ́sinsan jijọho tọn etọn lẹ tọn do e ji. 14  Enẹgodo, e de agbà gànvẹẹ tọn+ he to Jehovah nukọn lọ sẹ̀ sọn otẹn etọn mẹ to ohọ̀ lọ nukọn, yèdọ sọn agbà etọn titi po ohọ̀ Jehovah tọn po ṣẹnṣẹn bo ze e do agewaji na agbà etọn titi. 15  Ahọlu Ahazi sọ degbena Ulija+ yẹwhenọ lọ dọmọ: “Agbà daho+ lọ ji wẹ hiẹ ni nọ basi avọ́nunina mimẹ̀ afọnnu tọn lọ te, podọ avọ́nunina jinukun-lili tọn whèjai tọn,+ avọ́nunina mimẹ̀ ahọlu tọn po avọ́nunina jinukun-lili tọn etọn po, gọna avọ́nunina mimẹ̀, avọ́nunina jinukun-lili tọn po avọ́nunina nùnù gbẹtọ lọ lẹpo tọn lẹ po. Hiẹ nasọ nọ mimí ohùn avọ́nunina mimẹ̀ lọ tọn lẹpo po ohùn avọ́sinsan devo lẹ tọn lẹpo po do e ji. Na nuhe dù agbà gànvẹẹ tọn lọ, dike yẹn ni de nuhe yè na yí i do wà.” 16  Ulija yẹwhenọ lọ sọ wà nuhe Ahọlu Ahazi ko degbe etọn na ẹn lẹpo.+ 17  Humọ, Ahọlu Ahazi sán gànvẹẹ plẹ́bẹ́ he to adà mẹ na agbàn-kẹkẹ+ lọ lẹ do flinflin bo bẹ basia lọ lẹ sẹ̀ sọn yé ji,+ e sọ ze Ohù lọ sẹ̀ sọn oyìnsú gànvẹẹ tọn+ he ji e te lọ lẹ ji bo ze e do zannu he yin titẹ́ do kọmẹ ji.+ 18  Podọ e de fihe tindo họta lọ sẹ̀ sọn ohọ̀ Jehovah tọn mẹ, yèdọ fihe nọ yin yiyizan to Gbọjẹzangbe bo ko yin gbigbá do owhé lọ gbè gọna aligbọntẹn gbonu tọn he ahọlu nọ gbọn; ahọlu Asilia tọn wutu wẹ e do wàmọ. 19  Na nuhe dù otàn Ahazi tọn he pò, yèdọ nuhe e wà lẹ, be e ma yin kinkan do owe whenuho ahọlu Juda tọn lẹ tọn mẹ ya?+ 20  Ahazi sọ yin hinhẹn nado mlọnai hẹ tọgbo etọn lẹ bo yin dìdì dopọ hẹ tọgbo etọn lẹ do Tòdaho Davidi tọn mẹ; visunnu etọn Hẹzekia*+ sọ lẹzun ahọlu do otẹn etọn mẹ.

Nudọnamẹ Odò Tọn

Kavi “sunnu Juda tọn.”
Kavi “họ̀nmẹ.”
Zẹẹmẹdo “Jehovah Nọ Hẹnmẹ Lodo.”