Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

2 Ahọlu lẹ 11:1-21

NUHE E BẸHẸN LẸ

  • Atalia hò ofìn lọ yí (1-3)

  • Yè yí Jehoaṣi do doahọlu to nuglọ (4-12)

  • Atalia yin hùhù (13-16)

  • Diọdo he Jehoiada hẹnwa lẹ (17-21)

11  Whenue Atalia+ he yin onọ̀ Ahazia tọn mọdọ visunnu etọn ko kú,+ e fọ́n bo và kúnkan ahọlu tọn pete* sudo.+  Ṣigba, Jehoṣeba viyọnnu Ahọlu Jeholami tọn, yèdọ nọviyọnnu Ahazia tọn ze Jehoaṣi+ visunnu Ahazia tọn bo fìn in sọn visunnu ahọlu tọn he dona yin hùhù lẹ mẹ bosọ ze ewọ po nukunpedomẹgotọ etọn po whlá do abò homẹ tọn de mẹ. Yé tẹnpọn bo ze e whlá do Atalia, bọ ewọ ma yin hùhù.  Visunnu lọ gbọṣi e dè na owhe ṣidopo bo yin whiwhla do ohọ̀ Jehovah tọn mẹ dile Atalia to gandu do aigba lọ ji.  To owhe ṣinawetọ mẹ, Jehoiada dowẹn hlan ogán omẹ kanweko lẹ tọn lẹ sọn agbóhọtọ Kalianu lẹ mẹ podọ sọn nuhọ́tọ+ họ̀nmẹ tọn* lẹ mẹ bo biọ to yé si nado wá e dè to ohọ̀ Jehovah tọn mẹ. E basi gbekọndopọ* de hẹ yé bo hẹn yé nado whlé to ohọ̀ Jehovah tọn mẹ, enẹgodo e do visunnu ahọlu tọn lọ hia yé.+  E degbena yé dọmọ: “Nuhe mìwlẹ ni wà die: Mado atọ̀n mìtọn na wazọ́n to Gbọjẹzangbe bo yí sọwhiwhe do ṣọ́ owhé* ahọlu tọn,+  mado atọ̀n devo na nọ Họngbo Dodonu tọn lọ ji, bọ mado atọ̀n devo na nọ họngbo he to nuhọ́tọ họ̀nmẹ tọn lẹ godo lọ ji. Mìwlẹ na nọ diọ mìde nado nọ ṣọ́ ohọ̀ lọ.  Pipli mìtọn awe he ma dona ko wazọ́n to Gbọjẹzangbe lẹ dona yí sọwhiwhe do ṣọ́ ohọ̀ Jehovah tọn nado basi hihọ́na ahọlu lọ.  Mì dona lẹdo ahọlu lọ to awà lẹpo ji, mẹdopodopo po adánwanu etọn po to alọmẹ. Mẹdepope he biọ ṣẹnṣẹn mìtọn na yin hùhù. Mì gbọṣi ahọlu lọ dè to fidepope he ewọ na to yìyì.”*  Ogán omẹ kanweko tọn+ lọ lẹ wà nuhe Jehoiada yẹwhenọ lọ ko degbe etọn na yé lẹ pẹpẹ. Dopodopo yetọn sọ bẹ sunnu yetọn he dona wazọ́n to Gbọjẹzangbe po dehe ma dona wazọ́n to Gbọjẹzangbe lẹ po bọ yé wá Jehoiada yẹwhenọ lọ dè.+ 10  Yẹwhenọ lọ sọ bẹ owhán po awọ̀yinu loboto Ahọlu Davidi tọn he to ohọ̀ Jehovah tọn mẹ lẹ po na ogán omẹ kanweko tọn lọ lẹ. 11  Nuhọ́tọ+ họ̀nmẹ tọn lẹ sọ yì otẹn yetọn lẹ mẹ, mẹdopodopo po adánwanu etọn po to alọmẹ, sọn adusiwhé ohọ̀ lọ tọn yì amiyọnwhé ohọ̀ lọ tọn, yèdọ to agbà lọ pá+ podọ to ohọ̀ lọ pá, lẹdo ahọlu lọ pé. 12  Whenẹnu wẹ Jehoiada de visunnu ahọlu tọn+ lọ tọ́njẹgbonu bo ze jẹgbakun lọ po Kunnudenu*+ lọ po do ota na ẹn, yé sọ yí i do doahọlu bo yiamisisadode e. Yé sọ jẹ opẹ́ hò ji bo to didọmọ: “Gbẹ̀gaa na ahọlu!”+ 13  Whenue Atalia sè ogbè mẹhe to wezundo lẹ tọn, e wá gbẹtọ lọ lẹ dè to ohọ̀ Jehovah tọn mẹ to afọdopolọji.+ 14  E sọ mọ ahọlu lọ to ote to dòtin lọ kọ̀n sọgbe hẹ aṣa lọ.+ Ogán lẹ po opẹ̀n-kúntọ+ lẹ po to ahọlu dè, mẹhe to aigba lọ ji lẹpo sọ to ayajẹ bo to opẹ̀n lẹ kún. Whenẹnu, Atalia tlẹ́n awù etọn lẹ bo dawhá dọmọ: “Sébibla! Sébibla wẹ!” 15  Ṣigba, Jehoiada yẹwhenọ lọ degbena ogán omẹ kanweko tọn lọ lẹ,+ yèdọ mẹhe yin dide do awhànpa lọ nù lẹ bo dọna yé dọmọ: “Mì de e sẹ̀ sọn ṣẹnṣẹn mìtọn, podọ eyin mẹdepope hodo e, mì yí ohí do hù mẹlọ!” Na yẹwhenọ lọ ko dọ dọ: “Mì hù i to ohọ̀ Jehovah tọn mẹ blo.” 16  Yé sọ wle e, podọ whenue e jẹ fie osọ́ lẹ nọ gbọn biọ owhé* ahọlu tọn gbè,+ ewọ yin hùhù to finẹ. 17  Jehoiada sọ basi alẹnu de to Jehovah, ahọlu lọ po gbẹtọ lọ lẹ po ṣẹnṣẹn+ dọ yé na to omẹ Jehovah tọn lẹ yin zọnmii, ewọ sọ basi alẹnu de to ahọlu lọ po gbẹtọ lọ lẹ po ṣẹnṣẹn.+ 18  To enẹgodo, mẹhe to aigba lọ ji lẹpo wá ohọ̀* Baali tọn mẹ bo họ́ agbà etọn lẹ liai+ bo lì boṣiọ etọn lẹ pọ́dọ́pọ́dọ́+ bosọ hù Matani yẹwhenọ Baali tọn lọ+ to agbà lọ lẹ nukọn. Whenẹnu wẹ yẹwhenọ lọ de nukunpedonugotọ lẹ na ohọ̀ Jehovah tọn.+ 19  Humọ, e pli ogán omẹ kanweko tọn lọ lẹ,+ agbóhọtọ Kalianu lẹ po nuhọ́tọ+ họ̀nmẹ tọn lẹ po gọna mẹhe to aigba lọ ji lẹpo nado plan ahọlu jẹte sọn ohọ̀ Jehovah tọn mẹ, yé sọ gbọn họngbo nuhọ́tọ họ̀nmẹ tọn lẹ tọn nù wá owhé* ahọlu tọn gbè. Ewọ sọ sinai do ofìn ahọlu lẹ tọn ji.+ 20  Enẹwutu, mẹhe to aigba lọ ji lẹpo jaya bọ tòdaho lọ sọ vò, na yé ko yí ohí do hù Atalia to owhé ahọlu tọn gbè wutu. 21  Owhe ṣinawe wẹ Jehoaṣi+ tindo to whenue e lẹzun ahọlu.+

Nudọnamẹ Odò Tọn

To paa mẹ, “bo và okún ahọluduta lọ tọn lẹpo.”
To paa mẹ, “wezundotọ.”
Kavi “alẹnu.”
Kavi “họ̀nmẹ.”
To paa mẹ, “eyin e tọ́nyi podọ eyin e lẹkọwa.”
Vlavo owe-hihá de he bẹ Osẹ́n Jiwheyẹwhe tọn hẹn.
Kavi “họ̀nmẹ.”
Kavi “tẹmpli.”
Kavi “họ̀nmẹ.”