Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

1 Timoti 3:1-16

NUHE E BẸHẸN LẸ

  • Jẹhẹnu nugopọntọ lẹ tọn (1-7)

  • Jẹhẹnu devizọnwatọ lẹ tọn (8-13)

  • Aṣli wiwe mẹdezejo tọn (14-16)

3  Nugbo wẹ ohó ehe: Eyin mẹde to vivẹnudo nado yin nugopọntọ,+ azọ́n dagbe de wẹ ewọ jlo.  Enẹwutu, nugopọntọ dona yin mẹhe ma tindo ovlẹ, asu yọnnu dopo tọn, mẹdehọ́tọ to walọ mẹ, wunzanọ,*+ mẹhe nọ nọ̀ titoji, johẹmẹtọ,+ mẹhe pegan nado plọnmẹ,+  e ma yin ahànnumunọ,+ e ma yin danuwatọ,* ṣigba lẹnpọn dagbenọ,+ e ma yin jlẹwàtọ,+ e ma yin wanyina akuẹtọ,+  mẹhe nọ penukundo* whédo etọn titi go to aliho dagbe mẹ, he nọ hẹn ovi etọn lẹ nado nọ yí wunza lẹpo do litai+  (na eyin mẹde ma yọ́n lehe ewọ na penukundo* whédo etọn titi go do, nawẹ ewọ na penukundo agun Jiwheyẹwhe tọn go gbọn?),  e ma yin mẹyọyọ to yise mẹ,+ na ewọ nikaa gbọn kikla dali yigo bo mọ whẹgbledomẹ he nkọ Lẹgba mọyi lọ yí.  Humọ, ewọ sọ dona tindo kunnudide dagbe* sọn gbonutọ lẹ dè,+ na ewọ nikaa jai jẹ vlẹko* po omọ̀ Lẹgba tọn po mẹ.  Mọdopolọ, devizọnwatọ lizọnyizọnwiwa tọn lẹ dona whèwhín, e ma yin dẹgbèawenọ,* e ma yin mẹhe nọ jo yede na ovẹn susu, e ma yin mẹhe nọ yí nukunkẹn do dín ale mawadodo tọn,+  yé dona yin mẹhe nọ tẹdo aṣli wiwe yise lọ tọn go po ayihadawhẹnamẹnu wiwe de po.+ 10  Humọ, omẹ ehelẹ ni yin tintẹnpọn whẹ́ nado pọ́n eyin yé jẹ;* to whenẹnu, yé ni wadevizọn taidi lizọnyizọnwatọ lẹ, to whenuena e yindọ yé tin matin whẹsadokọnamẹ.+ 11  Mọdopolọ, yọnnu lẹ dona whèwhín, yé ma dona yin mẹhẹngbletọ,+ yé dona yin mẹdehọ́tọ to walọ mẹ, yé dona yin nugbonọ to nulẹpo mẹ.+ 12  Na devizọnwatọ lizọnyizọnwiwa tọn lẹ ni yin asu yọnnu dopo tọn, he nọ penukundo ovi yetọn lẹ podọ whédo yetọn titi lẹ go to aliho dagbe mẹ. 13  Na sunnu he nọ yilizọn to aliho dagbe mẹ lẹ to awuwlena teninọ dagbe de po awuvivo hodidọ tọn daho de po na yede to yise mẹ to kọndopọ mẹ hẹ Klisti Jesu. 14  Yẹn to onú ehelẹ kàn hlan we, dile etlẹ yindọ yẹn to linlẹn nado wá dè we to madẹnmẹ, 15  ṣigba eyin e wá jọ bọ yẹn dọngbàn, na hiẹ nido sọgan yọ́n lehe hiẹ dona yinuwa to whédo Jiwheyẹwhe tọn mẹ do,+ ehe yin agun Jiwheyẹwhe ogbẹ̀nọ lọ tọn, yèdọ dòtin podọ alọgọ nugbo lọ tọn. 16  Na nugbo tọn, e họnwun hezeheze dọ daho wẹ aṣli wiwe mẹdezejo na Jiwheyẹwhe tọn ehe: ‘Ewọ yin hinhẹn sọawuhia to agbasalan mẹ+ bo yin lilá di dodonọ to gbigbọ mẹ+ bosọ sọawuhia angẹli lẹ,+ bọ yẹwheho yin didọ gando ewọ go to akọta lẹ ṣẹnṣẹn,+ yè sọ yí i sè to aihọn mẹ,+ podọ ewọ yin yíyí sọyi aga to gigo mẹ.’

Nudọnamẹ Odò Tọn

Kavi “lẹnpọn dagbenọ.”
Kavi “nulimẹtọ.”
Kavi “deanana.”
Kavi “deanana.”
Kavi “yinkọ dagbe.”
Kavi “winyan.”
Kavi “mẹhe nọ yí ohó do klọmẹ.”
Kavi “eyin yé pegan.”