Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

1 Timoti 2:1-15

NUHE E BẸHẸN LẸ

  • Odẹ̀ do gbẹtọ wunmẹ lẹpo tamẹ (1-7)

    • Jiwheyẹwhe dopo, whẹgbọtọ dopo (5)

    • Ofligọ he sọzẹn de na mẹlẹpo (6)

  • Anademẹ na sunnu po yọnnu po (8-15)

    • Nọ sọnú po mẹdehihọ́ po (9, 10)

2  Enẹwutu, jẹnukọn whẹ́, tudohomẹnamẹ ṣie wẹ yindọ ovẹvivẹ lẹ, odẹ̀ lẹ po pẹdido lẹ po ni nọ yin bibasi do ota gbẹtọ wunmẹ lẹpo tọn mẹ,  do ota ahọlu lẹ tọn mẹ podọ do ota mẹhe tin to otẹn daho*+ mẹ lẹpo tọn mẹ, na mí nido sọgan yí mẹdezejo mlẹnmlẹn na Jiwheyẹwhe po wunza po do zindonukọn to gbẹzan abọẹninọ tọn po whii-ninọ tọn po zinzan mẹ.+  Ehe wẹ yọ́n bo yin alọkẹyi to nukun Mẹwhlẹngántọ mítọn, yèdọ Jiwheyẹwhe+ tọn mẹ,  mẹhe ojlo etọn wẹ yindọ gbẹtọ wunmẹ lẹpo ni yin whinwhlẹngán+ bo wá oyọnẹn he pegan nugbo tọn kọ̀n.  Na Jiwheyẹwhe dopo wẹ tin,+ podọ whẹgbọtọ+ dopo to Jiwheyẹwhe po gbẹtọ lẹ po ṣẹnṣẹn,+ enẹ wẹ dawe lọ, Klisti Jesu,+  mẹhe ze ede jo di ofligọ he sọzẹn de na mẹlẹpo*+—enẹ go wẹ kunnu na yin dide gando to ojlẹ sisọ etọn mẹ.  Na lẹndai kunnudide ehe tọn+ wutu wẹ yẹn yin dide di yẹwhehodọtọ de podọ apọsteli de+—nugbo dọ wẹ yẹn te, yẹn ma to lalodo—yèdọ di mẹplọntọ akọta lẹ tọn+ gando whẹho yise po nugbo po tọn go.  Enẹwutu, yẹn jlo dọ to filẹpo, sunnu lẹ ni nọ to dẹ̀ho bo nọ to alọ wiwe yetọn lẹ zedaga,+ matin homẹgble+ po nudindọn+ lẹ po.  Mọdopolọ, yọnnu lẹ ni nọ gbọn mẹdehihọ́ po wunza* po dali yí avọ̀ he jẹ* do doaṣọ́na yede, e ma yin oda biblá lẹ po sika po kavi peali kavi avọ̀ he vẹahi tlala lẹ+ gba, 10  ṣigba to aliho he jẹna yọnnu he nọ sọalọakọ́n dọ emi to emide zejo na Jiwheyẹwhe lẹ tọn mẹ,+ yèdọ gbọn azọ́n dagbe lẹ gblamẹ. 11  Na yọnnu ni nọ plọnnu to abọẹninọ* mẹ po taliai mlẹnmlẹn po.+ 12  Yẹn ma nagbè yọnnu de nado nọ plọnmẹ kavi nado nọ paṣẹ do sunnu ji gba, ṣigba ewọ dona nọ gbọṣi abọẹ.*+ 13  Na Adam wẹ yin didá jẹnukọn, enẹgodo, Evi.+ 14  Humọ, e ma yin Adam wẹ yin kiklọ gba, ṣigba yọnnu lọ wẹ yin kiklọ pete+ bo lẹzun sẹ́nhẹngbatọ. 15  Etomọṣo, ewọ na yin hihla dai gbọn vijiji gblamẹ,+ eyin e* gbọṣi yise, owanyi, wiwe-yinyin po wunza* po mẹ.+

Nudọnamẹ Odò Tọn

Kavi “otẹn aṣẹpipa tọn.”
Kavi “gbẹtọ wunmẹ lẹpo.”
Kavi “lẹnpọn dagbe.”
Kavi “he do sisi hia.”
Kavi “whii-ninọ.”
Kavi “gbọṣi whii.”
To paa mẹ, “yé.”
Kavi “lẹnpọn dagbe.”