Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

1 Pita 2:1-25

NUHE E BẸHẸN LẸ

  • Wleawuna ojlo vẹkuvẹku na ohó lọ (1-3)

  • Zannu ogbẹ̀nọ lẹ he yin dido daga zun ohọ̀ gbigbọmẹ tọn (4-10)

  • Gbẹninọ taidi jonọ lẹ to aihọn mẹ (11, 12)

  • Mẹmẹglọnọ-yinyin he sọgbe (13-25)

    • Klisti, apajlẹ de na mí (21)

2  Enẹwutu, mì gbẹ́ ylanwiwa,+ mẹkiklọ, yẹnuwiwa po nuvẹun lẹpo po dai, gọna ajàndido wunmẹ lẹpo.  Taidi viyẹyẹ he yè ṣẹṣẹ ji,+ mì wleawuna ojlo vẹkuvẹku na anọ́sin he ma yin fuflusọ* ohó lọ tọn, na mì nido sọgan whẹ́n gbọn dali etọn jẹ whlẹngán kọ̀n,+  eyin mì ko dọ́ Oklunọ pọ́n bo mọdọ homẹdagbenọ wẹ ewọ.  Dile mì to ewọ dè wá, yèdọ zannu ogbẹ̀nọ he yin gbigbẹdai gbọn gbẹtọ lẹ dali,+ ṣigba he yin dide bosọ họakuẹ na Jiwheyẹwhe,+  mìlọsu taidi zannu ogbẹ̀nọ lẹ to yinyin dido daga zun ohọ̀ gbigbọmẹ tọn de+ nado yin yẹwhenọduta wiwe de, nado sọgan sán avọ́ gbigbọmẹ tọn lẹ+ he yin alọkẹyi to Jiwheyẹwhe dè gbọn Jesu Klisti gblamẹ.+  Na e yin didọ to Owe-wiwe mẹ dọmọ: “Mì pọ́n! Yẹn to zannu dide de zedai to Ziọni, yèdọ zannu dodonu họ̀gosu tọn he họakuẹ de, podọ mẹdepope he do yise hia to e mẹ ma na yin hinhẹn jẹflumẹ* gbede.”+  Enẹwutu, mìwlẹ wẹ e họakuẹ na, na mì yin yisenọ wutu; ṣigba na mẹhe ma yise lẹ, “zannu he họ̀dotọ lẹ gbẹ́ dai,+ ehe lọ wẹ ko lẹzun zannu gángánsu họ̀gosu tọn,”+  podọ “zannu ahlidida tọn po osé he nọ hẹnmẹ klẹnafọ de po.”+ Yé to ahlida, na yé vẹtolina ohó lọ wutu. Na yanwle ehe taun wutu wẹ yé yin dide.  Ṣigba, mìwlẹ wẹ “akọ̀ dide de, yẹwhenọ he to sinsẹ̀n di ahọlu lẹ, akọta wiwe de,+ mẹhe yin dide nado yin nutindo vonọtaun lẹ,+ na mì nido lá gigo daho”*+ Mẹlọ he ylọ mì sọn zinvlu mẹ wá hinhọ́n jiawu etọn mẹ tọn lẹ.+ 10  Na mìwlẹ ma yin akọta de dai, ṣigba mì ko yin akọta Jiwheyẹwhe tọn todin;+ lẹblanu ma ko yin didohia mì dai, ṣigba lẹblanu ko yin didohia mì todin.+ 11  Mẹyiwanna emi, yẹn to tudohomẹna mì taidi jonọ podọ gbéjinọtọ ojlẹ gli tọn lẹ+ nado nọ nọla na ojlo agbasalan tọn lẹ+ he nọ to avùnho sọta mì.*+ 12  Mì hẹn walọyizan dagbe mìtọn go to akọta lẹ ṣẹnṣẹn,+ bọ eyin yé to whẹsadokọna mì taidi ylanwatọ lẹ, yé nido mọ azọ́n dagbe mìtọn lẹ+ bo gbọnmọ dali pagigona Jiwheyẹwhe to azán dlapọn etọn tọn gbè. 13  Na Oklunọ tọn wutu, mì yin mẹmẹglọ na nuzedai gbẹtọ tọn lẹpo,+ vlavo na ahọlu+ taidi mẹhe yiaga 14  kavi na ayimatẹn-gán lẹ taidi mẹhe yin didohlan gbọn ewọ dali nado sayana ylanwatọ lẹ ṣigba nado na pipà mẹhe wà dagbe lẹ.+ 15  Na ojlo Jiwheyẹwhe tọn wẹ yindọ, gbọn dagbe wiwà dali mì ni bọnùdo na* gbẹtọ nulunọ he to ohó wunvi tọn dọ lẹ.+ 16  Mì tin taidi mẹhe to mẹdekannu,+ amọ́ mì ma nọ yí mẹdekannujẹ mìtọn zan taidi nukunmẹṣinyọnnu* de na ylanwiwa blo,+ ṣigba taidi afanumẹ Jiwheyẹwhe tọn lẹ.+ 17  Mì gbògbéna gbẹtọ wunmẹ lẹpo,+ mì tindo owanyi na pipli mẹmẹsunnu lẹ tọn pete,+ mì dibusi Jiwheyẹwhe,+ mì gbògbéna ahọlu.+ 18  Mì gbọ devizọnwatọ lẹ ni nọ yin mẹmẹglọ na ogán yetọn lẹ po budisi he jẹ lẹpo po,+ e ma yin na mẹdagbe po lẹnpọn dagbenọ lẹ kẹdẹ po gba, ṣigba na mẹhe e nọ vẹawu nado hẹn homẹhun lẹ ga. 19  Na nuhe yin alọkẹyi de wẹ, eyin mẹde nọ doakọnna awusinyẹnnamẹnu* bo nọ jiya mahuwhẹ, na ayihadawhẹnamẹnu etọn to Jiwheyẹwhe nukọn wutu.+ 20  Na ale tẹwẹ tin to e mẹ eyin mì nọ doakọnna to whenue mì waylando bọ yè to nuli mì?+ Ṣigba, eyin mì nọ doakọnna yajiji na mì to dagbe wà wutu, nuhe yin alọkẹyi to Jiwheyẹwhe dè wẹ ehe.+ 21  Na nugbo tọn, aliho ehe ji wẹ mì yin yiylọ do, na Klisti lọsu jiya na mì,+ bo ze apajlẹ de dai na mì, na mì nido hodo afọdòmẹ etọn lẹ pẹkipẹki.+ 22  E ma waylando depope,+ mọjanwẹ oklọ ma yin mimọ to onù etọn mẹ.+ 23  To whenuena yè to zunzun in,*+ ewọ lọsu ma zunmẹ.+ To whenuena ewọ to yaji,+ e ma gblọn-adán, ṣigba e ze ede do alọmẹ na Mẹlọ he nọ yí dodo do dawhẹ.+ 24  Ewọ lọsu hẹn ylando mítọn lẹ+ to agbasa ede tọn mẹ to pòtin* ji,+ na mí nido sọgan kú na nuhe dù ylando* bo nọgbẹ̀ na dodowiwa. Podọ “gbọn awugble etọn lẹ dali wẹ mìwlẹ yin azọ̀nhẹngbọna.”+ 25  Na mì ko taidi lẹngbọ he to dindanbu lẹ dai,+ ṣigba todin mì ko lẹkọ do lẹngbọhọtọ+ po nugopọntọ alindọn* mìtọn lẹ tọn po dè.

Nudọnamẹ Odò Tọn

Kavi “anọ́sin wiwe-ṣeke.”
To paa mẹ, “ma na duwinyan.”
To paa mẹ, “jijọ dagbe,” enẹ wẹ jẹhẹnu po nuyiwa etọn he jẹna pipà lẹ po.
Kavi “alindọn mìtọn.”
To paa mẹ, “doajànuna.”
Kavi “whẹjijọ.”
Kavi “awubla; awufiẹsa.”
Kavi “vivlẹ ẹ.”
Kavi “atin.”
Kavi “vò sọn ylando si.”
Kavi “ogbẹ̀.”