Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

1 Johanu 5:1-21

NUHE E BẸHẸN LẸ

  • Yise to Jesu mẹ nọ gbawhàn aihọn tọn (1-12)

    • Nuhe wanyina Jiwheyẹwhe zẹẹmẹdo (3)

  • Dejido huhlọn odẹ̀ tọn mẹ go (13-17)

  • Họ́ dewe to aihọn ylankan de mẹ (18-21)

    • Aihọn to huhlọn mẹylankan tọn glọ (19)

5  Mẹdepope he yise dọ Jesu wẹ Klisti lọ ko yin jiji sọn Jiwheyẹwhe dè,+ podọ mẹdepope he yiwanna otọ́ lọ nọ yiwanna mẹlọ he ko yin jiji sọn ewọ dè.  Gbọn ehe dali wẹ míwlẹ nọ yọnẹn dọ mí yiwanna ovi Jiwheyẹwhe tọn lẹ,+ eyin mí yiwanna Jiwheyẹwhe bo to gbedide etọn lẹ yìn.  Na nuhe owanyi Jiwheyẹwhe tọn zẹẹmẹdo die, dọ mí ni yìn gbedide etọn lẹ;+ ṣogan gbedide etọn lẹ ma pẹnagbànmẹ,+  na mẹdepope* he yin jiji sọn Jiwheyẹwhe dè nọ gbawhàn aihọn tọn.+ Podọ ehe wẹ nulọ he ko gbawhàn aihọn tọn, yèdọ yise mítọn.+  Mẹnu wẹ sọgan gbawhàn aihọn tọn?+ Be e ma yin mẹhe yise dọ Jesu wẹ Visunnu Jiwheyẹwhe tọn wẹ?+  Ehe wẹ mẹlọ he wá gbọn osin po ohùn po gblamẹ, yèdọ Jesu Klisti, e ma yin gbọn osin kẹdẹ dali gba,+ ṣigba gbọn osin po ohùn po dali.+ Podọ gbigbọ lọ wẹ to kunnude,+ na gbigbọ lọ wẹ nugbo.  Na kunnudetọ atọ̀n wẹ to kunnude:  gbigbọ,+ osin+ po ohùn po;+ podọ atọ̀n lẹ kọngbedopọ.  Eyin mí nọ kẹalọyi kunnudide gbẹtọ tọn, kunnudide Jiwheyẹwhe tọn klohu. Na kunnu he Jiwheyẹwhe de die, yèdọ kunnu he ewọ ko de gando Visunnu etọn go. 10  Mẹhe tindo yise to Visunnu Jiwheyẹwhe tọn mẹ tindo kunnudide lọ to ede mẹ. Mẹhe ma tindo yise to Jiwheyẹwhe mẹ ko hẹn ẹn zun lalonọ de,+ na e ma ko tindo yise to kunnu he Jiwheyẹwhe de gando Visunnu etọn go mẹ. 11  Podọ ehe wẹ kunnudide lọ, dọ Jiwheyẹwhe na mí ogbẹ̀ madopodo,+ ogbẹ̀ ehe sọ tin to Visunnu etọn mẹ.+ 12  Mẹhe tindo Visunnu lọ tindo ogbẹ̀ ehe; mẹhe ma tindo Visunnu Jiwheyẹwhe tọn ma tindo ogbẹ̀ ehe.+ 13  Yẹn to onú ehelẹ kàn hlan mì, na mìwlẹ nido sọgan yọnẹn dọ mì tindo ogbẹ̀ madopodo,+ yèdọ mì mẹhe tindo yise to oyín Visunnu Jiwheyẹwhe tọn mẹ lẹ.+ 14  Ehe sọ wẹ jidide* he mí tindo to ewọ mẹ,+ dọ nudepope he mí biọ sọgbe hẹ ojlo etọn, ewọ nọ sè mítọn.+ 15  Podọ eyin mí yọnẹn dọ e nọ sè mítọn gando nudepope he mí to bibiọ go, mí yọnẹn dọ mí na mọ nuhe mí biọ lẹ yí, to whenuena e yindọ mí ko biọ yé sọn ewọ dè.+ 16  Eyin mẹde sọnukunmọ mẹmẹsunnu etọn bọ e to ylando he ma nọ hẹn okú wá de wà, e na basi ovẹvivẹ do ota etọn mẹ, podọ Jiwheyẹwhe na na ẹn ogbẹ̀.+ Ehe gando mẹhe to ylando he ma nọ hẹn okú wá de wà lẹ go. Ṣigba, ylando de tin he nọ hẹn okú wá.+ Yẹn ma dọna ẹn nado basi obiọ gando ylando enẹ go gba. 17  Mawadodo lẹpo wẹ yin ylando,+ ṣogan ylando de tin he ma nọ hẹn okú wá. 18  Mí yọnẹn dọ mẹdepope he yin jiji sọn Jiwheyẹwhe dè ma nọ hẹn ylando zun aṣa, ṣigba mẹlọ he yin jiji sọn Jiwheyẹwhe dè* nọ basi hihọ́na ẹn, bọ alọ mẹylankan lọ tọn ma sọgan jẹ e go.*+ 19  Mí yọnẹn dọ Jiwheyẹwhe dè wẹ míwlẹ wá sọn, ṣigba aihọn lọ pete tin to huhlọn mẹylankan lọ tọn glọ.+ 20  Amọ́, mí yọnẹn dọ Visunnu Jiwheyẹwhe tọn ko wá,+ podọ e ko hẹn mí tindo zinzin,* na mí nido sọgan yọ́n omẹ nugbo lọ. Podọ mí tin to kọndopọ mẹ hẹ omẹ nugbo lọ,+ gbọn Visunnu etọn Jesu Klisti gblamẹ. Ehe wẹ Jiwheyẹwhe nugbo lọ po ogbẹ̀ madopodo po.+ 21  Yọpọ lẹ emi, mì họ́ mìde sọta boṣiọ lẹ.+

Nudọnamẹ Odò Tọn

To paa mẹ, “nudepope.”
Kavi “awuvivo hodidọ tọn.”
Enẹ wẹ, Jesu Klisti, Visunnu Jiwheyẹwhe tọn.
Kavi “ma nọ hẹn e go majomajo.”
To paa mẹ, “nugopipe apọ̀nmẹ tọn; nugopipe nukunnumọjẹnumẹ tọn.”