Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

1 Johanu 2:1-29

NUHE E BẸHẸN LẸ

  • Jesu, avọ́sinsan oyẹsu tọn de (1, 2)

  • Tonusisena gbedide Jiwheyẹwhe tọn lẹ (3-11)

    • Gbedide hoho lọ po yọyọ lọ po (7, 8)

  • Whẹwhinwhẹ́n he wutu e do kanwe (12-14)

  • Ma yiwanna aihọn blo (15-17)

  • Avase gando agọjẹdoklistitọ lọ go (18-29)

2  Yọpọ ṣie lẹ emi, yẹn to onú ehelẹ kàn hlan mì, na mìwlẹ ma nado waylando. Ṣogan, eyin mẹdepope waylando, mí tindo alọgọtọ* de to Otọ́ dè, yèdọ Jesu Klisti,+ dodonọ de.+  Podọ ewọ wẹ avọ́sinsan oyẹsu tọn*+ de na ylando mítọn lẹ,+ ṣogan e ma yin na míwlẹ kẹdẹ tọn, ṣigba na aihọn lọ pete tọn ga.+  Podọ gbọn ehe dali wẹ mí mọdọ mí ko wá yọ́n ewọ, yèdọ eyin mí zindonukọn nado nọ payi gbedide etọn lẹ go.  Mẹhe dọ dọ, “N’ko wá yọ́n ewọ,” ṣogan bo ma nọ payi gbedide etọn lẹ go yin lalonọ, podọ nugbo ma tin to omẹ ehe mẹ.  Ṣigba, mẹdepope he nọ payi ohó etọn go, owanyi Jiwheyẹwhe tọn ko yin hinhẹn zun pipé to omẹ ehe mẹ nugbonugbo.+ Gbọn ehe dali wẹ mí yọnẹn dọ mí tin to kọndopọ mẹ hẹ ewọ.+  Mẹhe dọ dọ emi gbọṣi kọndopọ mẹ hẹ ẹ lọsu tin to dandannu glọ nado to zọnlinzin zọnmii kẹdẹdile omẹ enẹ zinzọnlin do.+  Mẹyiwanna lẹ emi, e ma yin gbedide yọyọ de wẹ yẹn to kinkan hlan mì, ṣigba gbedide hoho de, he mì ko tindo sọn bẹjẹeji.+ Gbedide hoho ehe wẹ ohó lọ he mì ko sè.  Ṣogan, yẹn to gbedide yọyọ de kàn hlan mì, he yin nugbo gando ewọ po mìwlẹ po go, na zinvlu to jujuyi bọ hinhọ́n nugbo lọ ko to wunhọ́n.+  Mẹhe dọ dọ emi tin to hinhọ́n lọ mẹ ṣogan bo gbẹwanna+ mẹmẹsunnu etọn gbẹ́ tin to zinvlu mẹ.+ 10  Mẹhe yiwanna mẹmẹsunnu etọn gbọṣi hinhọ́n lọ mẹ,+ podọ ahlidanu depope ma tin to ewọ mẹ. 11  Ṣigba, mẹhe gbẹwanna mẹmẹsunnu etọn tin to zinvlu mẹ bosọ to zọnlinzin to zinvlu mẹ,+ podọ e ma yọ́n fie e jei,+ na zinvlu ko tọ́nnukunna ẹn. 12  Yẹn to wekanhlan mì yọpọ lẹ, na yè ko jo ylando mìtọn lẹ na mì, na oyín etọn wutu.+ 13  Yẹn to wekanhlan mì otọ́ lẹ, na mì ko wá yọ́n ewọ he ko tin sọn bẹjẹeji. Yẹn to wekanhlan mì dẹpẹ lẹ, na mì ko gbawhàn mẹylankan lọ tọn.+ Yẹn to wekanhlan mì yọpọvu lẹ, na mì ko wá yọ́n Otọ́ lọ.+ 14  Yẹn to wekanhlan mì otọ́ lẹ, na mì ko wá yọ́n ewọ he ko tin sọn bẹjẹeji. Yẹn to wekanhlan mì dẹpẹ lẹ, na mì yin huhlọnnọ+ bọ ohó Jiwheyẹwhe tọn gbọṣi mì mẹ+ bọ mì ko sọ gbawhàn mẹylankan lọ tọn.+ 15  Mì yiwanna aihọn kavi nuhe tin to aihọn mẹ lẹ blo.+ Eyin mẹde yiwanna aihọn, owanyi Otọ́ tọn ma tin to ewọ mẹ;+ 16  na nuhe tin to aihọn mẹ lẹpo—yèdọ ojlo agbasalan tọn,+ ojlo nukun tọn+ po nutindo gbẹ̀mẹ tọn mẹtọn lẹ jijlá po*—ma wá sọn Otọ́ dè gba, ṣigba wá sọn aihọn dè. 17  Humọ, aihọn to jujuyi po ojlo etọn po ga,+ ṣigba mẹhe wà ojlo Jiwheyẹwhe tọn na gbọṣi aimẹ kakadoi.+ 18  Yọpọ lẹ emi, gànhiho godo tọn lọ die, podọ kẹdẹdile mì ko sè do dọ agọjẹdoklistitọ lọ ja,+ agọjẹdoklistitọ susu wẹ tlẹ ko sọawuhia todin+ bọ gbọn ehe dali wẹ mí do yọnẹn dọ gànhiho godo tọn lọ die. 19  Yé tọ́nyi sọn mí mẹ, ṣigba yé ma yin míwlẹ nkọ;*+ na eyin yé ko yin míwlẹ nkọ wẹ, yé na ko gbọṣi mí dè. Ṣigba, yé tọ́nyi na e nido yin didehia hezeheze dọ e ma yin mẹlẹpo wẹ yin míwlẹ nkọ.+ 20  Podọ mì ko yin amisisayidode gbọn omẹ wiwe lọ dali,+ mìmẹpo wẹ sọ tindo oyọnẹn. 21  Yẹn to wekanhlan mì, e ma yin na mì ma yọ́n nugbo lọ wutu wẹ gba,+ ṣigba na mì yọ́n ẹn wutu, podọ na lalo de ma nọ wá sọn nugbo lọ mẹ wutu.+ 22  Mẹnu wẹ yin lalonọ lọ adavo mẹhe mọ́n dọ Jesu wẹ Klisti lọ?+ Agọjẹdoklistitọ lọ die,+ yèdọ mẹhe mọ́n Otọ́ lọ po Visunnu lọ po. 23  Mẹdepope he mọ́n Visunnu ma tindo Otọ́ lọsu.+ Ṣigba, mẹdepope he yigbe dọ emi yọ́n Visunnu+ lọ tindo Otọ́ lọ ga.+ 24  Na mìwlẹ tọn, nuhe mì ko sè sọn bẹjẹeji ni gbọṣi mì mẹ.+ Eyin nuhe mì ko sè sọn bẹjẹeji gbọṣi mì mẹ, mì nasọ gbọṣi kọndopọ mẹ hẹ Visunnu lọ podọ to kọndopọ mẹ hẹ Otọ́ lọ ga. 25  Humọ, nuhe ewọ lọsu ko dopagbe etọn na mí lọ die—yèdọ ogbẹ̀ madopodo.+ 26  Onú ehelẹ wẹ yẹn to kinkan hlan mì gando mẹhe to tintẹnpọn nado hẹn mì buali lẹ go. 27  Podọ na mìwlẹ tọn, amisisayidode he mì ko mọyi sọn ewọ dè+ gbọṣi mì mẹ, podọ mì ma tindo nuhudo mẹdepope tọn nado to nuplọn mì; ṣigba amisisayidode lọ he wá sọn ewọ dè yin nugbo bo ma yin lalo bosọ to nuplọn mì gando nulẹpo go.+ Kẹdẹdile e ko plọn mì do, mì gbọṣi kọndopọ mẹ hẹ ewọ.+ 28  Enẹwutu todin, yọpọ lẹ emi, mì gbọṣi kọndopọ mẹ hẹ ewọ, gbọnmọ dali to whenue ewọ na yin hinhẹn sọawuhia, mí nido sọgan tindo awuvivo hodidọ tọn+ bo ma na yì sọn e dè po winyan po to tintin tofi etọn whenu. 29  Eyin mì yọnẹn dọ dodonọ wẹ ewọ, be mì ko yọnẹn ga dọ mẹdepope he nọ yinuwa po dodowiwa po ko yin jiji sọn ewọ dè.+

Nudọnamẹ Odò Tọn

Kavi “whẹ̀yidọtọ.”
Kavi “avọ́sinsan ovẹsè tọn; aliho ovẹvivẹ tọn.”
Kavi “po kikla gando nutindo mẹtọn lẹ go po.”
Kavi “yé ma yin míwlẹ tọn.”