Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

1 Otànnugbo lẹ 5:1-26

NUHE E BẸHẸN LẸ

  • Kúnkan Leubẹni tọn lẹ (1-10)

  • Kúnkan Gad tọn lẹ (11-17)

  • Yè gbawhàn Haglinu lẹ tọn (18-22)

  • Mado-awe hẹnnu Manasse tọn (23-26)

5  Ehelẹ wẹ visunnu Leubẹni+ he yin plọnji Islaeli tọn tọn lẹ. Ewọ wẹ plọnji lọ, ṣigba na e hẹn adọzan otọ́ etọn tọn flu wutu,+ jlọjẹ viplọnji tọn etọn yin nina visunnu Josẹfu+ he yin visunnu Islaeli tọn tọn lẹ, enẹwutu e ma tin to todohukanji kúnkan lẹ tọn mẹ na nuhe dù jlọjẹ viplọnji tọn lọ.  Mahopọnna dọ Juda+ wẹ tọ́nta hú nọvisunnu etọn lẹ bọ mẹhe na yin nukọntọ+ lọ na wá sọn ewọ mẹ, Josẹfu wẹ tindo jlọjẹ viplọnji tọn lọ.  Leubẹni he yin plọnji Islaeli tọn sin visunnu lẹ wẹ Hanọki, Palu, Hẹzloni po Kalmi po.+  Visunnu Joẹli tọn lẹ wẹ Ṣemaia visunnu etọn, Gọgi visunnu etọn, Ṣimei visunnu etọn,  Mika visunnu etọn, Leaia visunnu etọn, Baali visunnu etọn,  podọ Beela visunnu etọn he Ahọlu Tilgati-pilnesẹli+ Asilia tọn hẹn yì kanlinmọgbenu; ewọ yin ahọvi Leubẹninu lẹ tọn de.  Nọvisunnu etọn he to todohukanji kúnkan lẹ tọn lọ mẹ sọgbe hẹ whẹndo yetọn lẹ wẹ Jeiẹli he yin nukọntọ, Zekalia,  gọna Bela visunnu Azazi tọn visunnu Ṣema he yin visunnu Joẹli tọn, mẹhe nọ nọ̀ Aloeli+ podọ kaka yì Nebo po Baali-meọni po.+  E sawhé do whèzẹtẹn-waji kaka yì bẹjẹeji danfafa lọ tọn to Tọ̀sisa Euflate kọ̀n,+ na kanlin-yìnyìn yetọn lẹ ko jideji to aigba Giliadi tọn ji+ wutu. 10  To azán Sauli tọn lẹ gbè, yé funawhàn hẹ Haglinu lẹ he ṣíawhàn to nukọn yetọn, enẹwutu wẹ yé do nọ nọ̀ gòhọ yetọn lẹ mẹ to aigba he to whèzẹtẹn Giliadi tọn lọ blebu ji. 11  Todin, kúnkan Gad tọn lẹ nọ nọ̀ apá yetọn to aigba Baṣani tọn ji kaka yì Saleka.+ 12  Joẹli wẹ yin nukọntọ, Ṣafami yin awetọ, gọna Janai po Ṣafati po to Baṣani. 13  Nọvisunnu yetọn he to whédo otọ́ yetọn tọn lẹ mẹ wẹ Mikaẹli, Meṣulami, Ṣeba, Jolai, Jakani, Zia po Ebeli po, yemẹpo yin omẹ ṣinawe. 14  Ehelẹ wẹ visunnu Abihaili visunnu Huli tọn visunnu Jaloa tọn visunnu Giliadi tọn visunnu Mikaẹli tọn visunnu Jeṣiṣai tọn visunnu Jado he yin visunnu Buz tọn tọn lẹ. 15  Ahi visunnu Abdiẹli tọn he yin visunnu Guni tọn wẹ yin nukọntọ whédo otọ́ yetọn lẹ tọn. 16  Yé nọ nọ̀ Giliadi+ to Baṣani+ gọna tòpẹvi he to oglọ na ẹn* lẹ po kanlindugbo Ṣalọni tọn lẹpo po kaka yì fie yé fó do. 17  Yemẹpo wẹ tin to todohukanji kúnkan lẹ tọn lọ mẹ to azán Ahọlu Jotami+ Juda tọn tọn lẹ gbè podọ to azán Ahọlu Jeloboami*+ Islaeli tọn tọn lẹ gbè. 18  Leubẹninu lẹ, Gadinu lẹ po mado-awe hẹnnu Manasse tọn po tindo awhànfuntọ adọgbotọ 44 760 to awhànpa yetọn mẹ he nọ hẹn awọ̀yinu, ohí po ogá po bosọ plọn awhàn. 19  Yé funawhàn hẹ Haglinu lẹ,+ Jẹtuli, Nafiṣi+ po Nodabi po. 20  Yé sọ mọ alọgọ nado hoavùn hẹ yé sọmọ bọ Haglinu lẹ po mẹhe topọ hẹ yé lẹpo po yin jijodo alọ yetọn mẹ, na yé ko dawhá ylọ Jiwheyẹwhe nado mọ alọgọ to awhàn lọ mẹ, bọ ewọ sè ovẹ̀ yetọn, na yé ko dejido e go wutu.+ 21  Yé bẹ kanlin-yìnyìn yetọn lẹ—yèdọ kanklosọ́ 50 000, lẹngbọ 250 000 po kẹtẹkẹtẹ 2 000 po—gọna gbẹtọ* 100 000. 22  Mẹsusu yin hùhù, na Jiwheyẹwhe nugbo lọ wẹ funawhàn lọ.+ Yé sọ jẹ otẹn yetọn mẹ nọ ji kakajẹ kanlinmọgbenu-yìyì whenu.+ 23  Mado-awe hẹnnu Manasse tọn+ sin kúnkan nọ nọ̀ aigba lọ ji sọn Baṣani yì Baali-hẹlmọni po Senili po, gọna Osó Hẹlmọni.+ Yé sù taun. 24  Nukọntọ whédo otọ́ yetọn lẹ tọn lẹ die: Efẹli, Iṣi, Eliẹli, Azliẹli, Jelemia, Hodavia po Jadiẹli po; sunnu awhànfuntọ huhlọnnọ he diyin lẹ wẹ yé bosọ yin nukọntọ whédo otọ́ yetọn lẹ tọn lẹ. 25  Ṣigba, yé yinuwa hẹ Jiwheyẹwhe tọgbo yetọn lẹ tọn po nugbonọ-mayin po bo lọga hẹ yẹwhe mẹhe nọ nọ̀ aigba lọ ji lẹ tọn lẹ,+ yèdọ mẹhe Jiwheyẹwhe ko sukúndona sọn nukọn yetọn lẹ. 26  Enẹwutu, Jiwheyẹwhe Islaeli tọn whàn ayiha Ahọlu Puli Asilia tọn+ (yèdọ Ahọlu Tilgati-pilnesẹli+ Asilia tọn) bọ e bẹ Leubẹninu lẹ, Gadinu lẹ po mado-awe hẹnnu Manasse tọn po yì kanlinmọgbenu bo bẹ yé do Halahi, Habọli, Hala podọ tọ̀sisa Gozani+ pá, bọ yé to finẹ kakajẹ egbé.

Nudọnamẹ Odò Tọn

Kavi “he lẹdo e pé.”
Enẹ wẹ, Jeloboami 2tọ.
Kavi “alindọn gbẹtọ tọn.”