Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

1 Otànnugbo lẹ 4:1-43

NUHE E BẸHẸN LẸ

  • Kúnkan Juda tọn devo lẹ (1-23)

    • Jabẹzi po odẹ̀ he e hò po (9, 10)

  • Kúnkan Simeoni tọn lẹ (24-43)

4  Visunnu Juda tọn lẹ wẹ Pelẹzi,+ Hẹzloni,+ Kalmi, Huuli+ po Ṣobali+ po.  Leaia visunnu Ṣobali tọn ji Jahati; Jahati ji Ahumai po Lahadi po. Ehelẹ wẹ whẹndo Zolanu lẹ+ tọn lẹ.  Visunnu otọ́ Etami+ tọn tọn lẹ die: Jezleẹli, Iṣma po Idbaṣi po (oyín nọviyọnnu yetọn tọn sọ wẹ Hazelẹliponi),  podọ Penuẹli yin otọ́ Gedọli tọn, bọ Ezeli yin otọ́ Huṣa tọn. Ehelẹ wẹ visunnu Huuli+ tọn lẹ, yèdọ plọnji Eflata tọn lọ he yin otọ́ Bẹtlẹhẹm+ tọn.  Aṣhuli+ he yin otọ́ Tekoa+ tọn tindo asi awe, yèdọ Hela po Naala po.  Naala ji Ahuzami, Hefeli, Temeni po Haahaṣtali po na ẹn. Ehelẹ wẹ visunnu Naala tọn lẹ.  Visunnu Hela tọn lẹ wẹ Zeleti, Izhali po Etinani po.  Kọzi ji Anubi po Zobeba po, gọna whẹndo Ahalheli visunnu Halumi tọn lẹ.  Jabẹzi wẹ tindo yẹyi hugan to nọvisunnu etọn lẹ mẹ; podọ onọ̀ etọn do oyín lọ Jabẹzi* na ẹn, dọmọ: “Awufiẹsa mẹ wẹ n’ji i te.” 10  Jabẹzi dawhá ylọ Jiwheyẹwhe Islaeli tọn dọmọ: “Ṣo, na hiẹ ni dona mi bo hẹn aigba ṣie gbloada bosọ dike alọ towe ni tin hẹ mi bo họ́ mi sọn nugbajẹmẹji mẹ, na e nikaa hẹn awugble wá na mi!” Jiwheyẹwhe sọ na ẹn nuhe e biọ. 11  Kẹlubi nọvisunnu Ṣuha tọn ji Mẹhili he yin otọ́ Ẹṣtọni tọn. 12  Ẹṣtọni ji Bẹti-lafa, Pasea po Tehinna he yin otọ́ Ili-nahaṣi tọn po. Ehelẹ wẹ sunnu Leka tọn lẹ. 13  Visunnu Kenazi tọn lẹ wẹ Otniẹli+ po Selaia po, podọ visunnu Otniẹli tọn* wẹ Hatati. 14  Meonọtai ji Ofla. Selaia ji Joabi he yin otọ́ mẹhe nọ nọ̀ Ge-halaṣimi* lẹ tọn; yé nọ yinmọ na anazọ́nwatọ lẹ wẹ yé wutu. 15  Kalẹbi+ visunnu Jẹfunnẹ tọn sin visunnu lẹ wẹ Ilu, Elahi po Naami po; visunnu Elahi tọn* sọ wẹ Kenazi. 16  Visunnu Jehalelẹli tọn lẹ wẹ Zifi, Zifa, Tilia po Asalẹli po. 17  Visunnu Ẹzlahi tọn lẹ wẹ Jetẹli, Melẹdi, Efẹli po Jalọni po; yọnnu lọ* sọ mọhò bo ji Miliami, Ṣamai po Iṣba he yin otọ́ Eṣitemoa tọn po. 18  (Asi etọn Juvi lọ sọ ji Jelẹdi he yin otọ́ Gedọli tọn, Hebeli he yin otọ́ Soko tọn po Jekutiẹli he yin otọ́ Zanoa tọn po.) Ehelẹ wẹ visunnu Bitia tọn lẹ, yèdọ viyọnnu Falo tọn he Melẹdi dà lọ. 19  Asi Hodia tọn he yin nọviyọnnu Nahami tọn sin visunnu lẹ wẹ otọ́ Keila Galminu lọ tọn lẹ po Eṣitemoa Maakatinu lọ po. 20  Visunnu Ṣimọni tọn lẹ wẹ Amnọni, Lina, Bẹni-hanani po Tilọni po. Visunnu Iṣi tọn lẹ wẹ Zohẹti po Bẹni-zohẹti po. 21  Visunnu Ṣela+ he yin visunnu Juda tọn tọn lẹ wẹ Ẹẹli otọ́ Leka tọn, Laada otọ́ Malẹṣa tọn, whẹndo mẹhe nọ lọ̀n avọ̀ dagbedagbe lẹ tọn lẹ to whédo Aṣbea tọn mẹ, 22  Jokimi, sunnu Kozeba tọn lẹ, Joaṣi po Salafi po, yèdọ yé mẹhe dà yọnnu Moabinu lẹ, gọna Jaṣubi-lehẹmi. Kandai hoho wẹ ehelẹ.* 23  Zẹ́ndotọ lẹ wẹ yé bo nọ nọ̀ Netaimi po Gedela po. Yé nọ nọ̀ finẹ bo nọ wazọ́n na ahọlu. 24  Visunnu Simeoni+ tọn lẹ wẹ Nemuẹli, Jamini, Jalibi, Zela po Ṣauli po.+ 25  Ṣalumi yin visunnu etọn, Mibsami visunnu etọn, podọ Miṣma visunnu etọn. 26  Visunnu Miṣma tọn lẹ wẹ Hamuẹli visunnu etọn, Zakuli visunnu etọn podọ Ṣimei visunnu etọn. 27  Ṣimei sọ tindo visunnu 16 po viyọnnu 6 po; amọ́ nọvisunnu etọn lẹ ma tindo visunnu susu, podọ depope to whẹndo yetọn lẹ mẹ ma sù sọ omẹ Juda tọn lẹ.+ 28  Yé nọ nọ̀ Beẹli-ṣeba,+ Molada,+ Hazali-ṣuali,+ 29  Bilha, Ẹzemi,+ Toladi, 30  Bẹtuẹli,+ Họlma,+ Ziklagi,+ 31  Bẹti-malkabọti, Hazali-susimi,+ Bẹti-bili po Ṣaalaimi po. Ehelẹ wẹ tòdaho yetọn lẹ kakajẹ gandudu Davidi tọn whenu. 32  Nọtẹn yetọn lẹ wẹ Etami, Aini, Limọni, Tokẹni po Aṣani+ po, yèdọ tòdaho atọ́n, 33  gọna nọtẹn he lẹdo tòdaho ehelẹ pé lẹ kaka yì Baali. Ehelẹ wẹ todohukanji kúnkan yetọn lẹ tọn po fihe yé nọ nọ̀ lẹ po. 34  Meṣobabi, Jamlẹki, Joṣa visunnu Amazia tọn, 35  Joẹli, Jehu visunnu Joṣibia tọn visunnu Selaia he yin visunnu Asiẹli tọn, 36  podọ Elioenai, Jaakoba, Jeṣohaia, Asaia, Adiẹli, Jesimiẹli, Bẹnaia, 37  gọna Ziza visunnu Ṣifi tọn visunnu Alọni tọn visunnu Jedaia tọn visunnu Ṣimli he yin visunnu Ṣemaia tọn; 38  mẹhe oyín yetọn yin sislẹ ehelẹ wẹ yin ahọvi to whẹndo yetọn lẹ mẹ, whédo tọgbo yetọn lẹ tọn sọ jideji to sọha mẹ. 39  Yé sọ yì họngbo Gedọli tọn ji, to whèzẹtẹn-waji agbàdo lọ tọn nado dín kanlindugbo lẹ na lẹngbọpa yetọn lẹ. 40  To godo mẹ, yé mọ kanlindugbo dagbe he vùn ganji lẹ bọ aigba lọ sọ gblo bo to fẹẹ mẹ bosọ vò. Mẹhe nọ finẹ dai lẹ wẹ omẹ Ham tọn lẹ.+ 41  Mẹhe oyín yetọn yin titodohukanji ehelẹ wá to azán Ahọlu Hẹzekia+ Juda tọn lẹ gbè bo họ́ gòhọ omẹ Ham tọn lẹ tọn lẹ liai bosọ hù Mẹunimi he to finẹ lẹ. Yé và yé sudo mlẹnmlẹn kakajẹ egbé; yé sọ jẹ otẹn yetọn mẹ, na kanlindugbo lẹ tin to finẹ na lẹngbọpa yetọn lẹ wutu. 42  Simeoninu delẹ, yèdọ sunnu 500, yì Osó Seili+ ji hẹ Pelatia, Nealia, Lefaia po Uziẹli po, yèdọ visunnu Iṣi tọn he deanana yé lẹ. 43  Yé sọ hù pipotọ Amalẹkinu lẹ tọn he họ̀ngán,+ podọ yé pò to finẹ kakajẹ egbé.

Nudọnamẹ Odò Tọn

Yinkọ lọ Jabẹzi sọgan ko tindo kanṣiṣa hẹ hogbe Heblugbe tọn de he zẹẹmẹdo “awufiẹsa.”
To paa mẹ, “visunnu Otniẹli tọn lẹ.”
Zẹẹmẹdo “Agbàdo Anazọ́nwatọ lẹ Tọn.”
To paa mẹ, “visunnu Elahi tọn lẹ.”
Vlavo to alọdlẹndo Bitia he tin to wf 18 mẹ.
Kavi “Hodidọ lọ lẹ wá sọn otàn hoho lẹ mẹ.”