Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

1 Otànnugbo lẹ 26:1-32

NUHE E BẸHẸN LẸ

  • Pipli họ̀njinọtọ lẹ tọn (1-19)

  • Akuẹbẹhẹntọ lẹ po ahọluzọnwatọ devo lẹ po (20-32)

26  Pipli họ̀njinọtọ+ lẹ tọn lẹ die: sọn Kolanu lẹ mẹ, Meṣelemia+ visunnu Kole tọn sọn visunnu Asafi tọn lẹ mẹ.  Meṣelemia sọ tindo visunnu lẹ: yèdọ Zekalia plọnji lọ, Jediaẹli omẹ awetọ, Zebadia omẹ atọ̀ntọ, Jatniẹli omẹ ẹnẹtọ,  Elami omẹ atọ́ntọ, Jehohanani omẹ ṣidopotọ, Eliẹho-enai omẹ ṣinawetọ.  Obẹdi-edomi sọ tindo visunnu lẹ: yèdọ Ṣemaia plọnji lọ, Jehozabadi omẹ awetọ, Joa omẹ atọ̀ntọ, Sakali omẹ ẹnẹtọ, Netanẹli omẹ atọ́ntọ,  Amiẹli omẹ ṣidopotọ, Isakali omẹ ṣinawetọ, podọ Peuletai omẹ ṣinatọ̀ntọ; na Jiwheyẹwhe ko dona ẹn.  Podọ visunnu lẹ yin jiji na Ṣemaia visunnu etọn, yewlẹ sọ wẹ ogán whédo otọ́ yetọn lẹ tọn lẹ, na yé yin sunnu huhlọnnọ podọ nugopetọ lẹ.  Visunnu Ṣemaia tọn lẹ wẹ: Otni, Lefaẹli, Obẹdi po Ẹlzabadi po; podọ Elihu po Semakia po he yin nọvisunnu etọn lẹ sọ yin sunnu nugopetọ lẹ ga.  Omẹ ehe lẹpo wẹ yin visunnu Obẹdi-edomi tọn lẹ; yewlẹ po visunnu yetọn lẹ po gọna nọvisunnu yetọn lẹ yin sunnu nugopetọ lẹ he pegan na sinsẹ̀nzọn lọ, yèdọ omẹ Obẹdi-edomi tọn 62.  Meṣelemia+ sọ tindo visunnu lẹ po nọvisunnu lẹ po, yèdọ sunnu nugopetọ 18. 10  Podọ Hosa he yin dopo to visunnu Melali tọn lẹ mẹ tindo visunnu lẹ. Ṣimli wẹ yin nukọntọ, na dile etlẹ yindọ ewọ ma yin plọnji lọ, otọ́ etọn de e taidi nukọntọ, 11  Hilkia wẹ yin omẹ awetọ, Tebalia omẹ atọ̀ntọ, Zekalia omẹ ẹnẹtọ. Visunnu po nọvisunnu Hosa tọn lẹ po to pọmẹ yin omẹ 13. 12  Gando pipli họ̀njinọtọ lẹ tọn ehelẹ go, nukọntọ lọ lẹ po nọvisunnu yetọn lẹ po to pọmẹ wẹ tindo azọngban lẹ, enẹ wẹ nado nọ yilizọn to ohọ̀ Jehovah tọn mẹ. 13  Enẹwutu, nado yọ́n họngbo he kọ̀n mẹdopodopo na nọ, yé de ovò+ sọgbe hẹ whédo otọ́ yetọn lẹ tọn lẹ, yèdọ na omẹ pẹvi po omẹ daho po do zẹnzẹn. 14  To whenẹnu, ovò de Ṣelemia do whèzẹtẹn-waji. Na Zekalia visunnu etọn he yin ayinamẹtọ nuyọnẹntọ de, yé de ovò bọ ovò de e do agewaji. 15  Obẹdi-edomi tọn tin to hùwaji, bọ visunnu etọn lẹ+ yin dide nado penukundo agbànhọ lẹ go. 16  Ṣupimi po Hosa+ po tọn lẹ tin to whèyihọ-waji, sẹpọ Họngbo Ṣalekẹti tọn to alihogbó he hẹji yiaga lọ ji, yèdọ ogbẹ́ nuhọ́tọ tọn de to apá na ogbẹ́ nuhọ́tọ tọn devo; 17  Levinu ṣidopo wẹ to whèzẹtẹn-waji; to agewaji, omẹ ẹnẹ to gbèdopo, podọ to hùwaji omẹ ẹnẹ to gbèdopo; na agbànhọ lọ lẹ,+ omẹ awe-awe; 18  na agbàsẹnu he to whèyihọ-waji lọ, yé omẹ ẹnẹ wẹ to alihogbó+ lọ ji bọ omẹ awe to agbàsẹnu lọ. 19  Ehelẹ wẹ pipli họ̀njinọtọ lẹ tọn sọn visunnu Kolanu lẹ po Melalinu lẹ po tọn mẹ. 20  Na nuhe dù Levinu lẹ, Ahija wẹ nọ penukundo adọkunnu sẹdotẹn ohọ̀ Jiwheyẹwhe nugbo lọ tọn go gọna adọkunnu sẹdotẹn nuhe yin hinhẹn zun wiwe* lẹ tọn.+ 21  Visunnu Ladani tọn lẹ die: sọn visunnu Gẹlṣọninu lọ tọn lẹ he yin Ladani tọn mẹ, yèdọ nukọntọ whédo otọ́ yetọn lẹ tọn he yin Ladani Gẹlṣọninu lọ tọn lẹ, Jehieli+ 22  po visunnu Jehieli tọn lẹ po, yèdọ Zetami po Joẹli nọvisunnu etọn po. Yewlẹ wẹ nọ penukundo adọkunnu sẹdotẹn ohọ̀ Jehovah tọn go.+ 23  Sọn Amlaminu lẹ, Izhalinu lẹ, Heblọninu lẹ po Uziẹlinu+ lẹ po mẹ, 24  Ṣẹbueli visunnu Gẹlṣọmi he yin visunnu Mose tọn wẹ yin nukọntọ he nọ penukundo agbànhọ lọ lẹ go. 25  Na nuhe dù nọvisunnu etọn lẹ, yèdọ sọn Eliezẹli+ mẹ, yewlẹ wẹ Lehabia+ visunnu etọn, Jeṣaia visunnu etọn, Jolami visunnu etọn, Zikli visunnu etọn podọ Ṣelomọti visunnu etọn. 26  Ṣelomọti ehe po nọvisunnu etọn lẹ po wẹ nọ penukundo adọkunnu sẹdotẹn nuhe yin hinhẹn zun wiwe lẹ tọn go,+ ehe Ahọlu Davidi,+ to pọmẹ hẹ nukọntọ whédo otọ́ yetọn lẹ tọn lẹ,+ ogán omẹ fọtọ́n lẹ tọn lẹ po omẹ kanweko lẹ tọn lẹ po gọna ogán awhànpa lọ tọn lẹ ko hẹn zun wiwe. 27  Yé ko hẹn nulẹ zun wiwe sọn ogblànnu+ awhàn tọn lẹ mẹ+ nado hẹn ohọ̀ Jehovah tọn do ninọmẹ dagbe mẹ; 28  gọna nuhe Samuẹli numọtọ lọ,+ Sauli visunnu Kiṣi tọn, Abneli+ visunnu Neli tọn po Joabi+ visunnu Zeluia tọn+ po ko hẹn zun wiwe lẹpo. Nudepope he mẹdepope hẹn zun wiwe nọ yin nukunpedego gbọn Ṣelomiti po nọvisunnu etọn lẹ po dali. 29  Sọn Izhalinu+ lẹ mẹ, Kẹnania po visunnu etọn lẹ po mọ azọ́ndenamẹ paa he ma gando ohọ̀ Jiwheyẹwhe tọn go lẹ yí taidi anademẹtọ po whẹdatọ+ lẹ po do Islaeli ji. 30  Sọn Heblọninu+ lẹ mẹ, Haṣabia po nọvisunnu etọn lẹ po, yèdọ sunnu nugopetọ 1 700 wẹ nọ penukundo omẹ Islaeli tọn he tin to whèyihọ-waji Jọdani tọn lẹ go, na nuhe dù azọ́n Jehovah tọn lẹpo po devizọn ahọlu tọn po. 31  Sọn Heblọninu lẹ mẹ, Jelija+ wẹ yin nukọntọ Heblọninu lẹ tọn sọgbe hẹ kúnkan whédo otọ́ yetọn lẹ tọn. To owhe 40tọ gandudu Davidi tọn mẹ,+ yé yin gbigbejepọn bọ sunnu huhlọnnọ podọ nugopetọ lẹ yin mimọ to yé mẹ to Jazẹli+ to Giliadi. 32  Sọha nọvisunnu etọn lẹ tọn wẹ sunnu nugopetọ 2 700, yèdọ nukọntọ whédo otọ́ yetọn lẹ tọn lẹ. Enẹwutu, Ahọlu Davidi de yé do Leubẹninu lẹ, Gadinu lẹ po mado-awe hẹnnu Manassenu lẹ tọn po ji, na nuhe dù whẹho Jiwheyẹwhe nugbo lọ tọn po whẹho ahọlu tọn depope po.

Nudọnamẹ Odò Tọn

Kavi “nuhe yin kinklandowiwe.”