Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

1 Otànnugbo lẹ 20:1-8

NUHE E BẸHẸN LẸ

  • Laba yin yíyí (1-3)

  • Filistinu gángánsu lẹ yin hùhù (4-8)

20  To bẹjẹeji owhe tọn,* to ojlẹ he mẹ ahọlu lẹ nọ yì awhàn te, Joabi+ nọ nukọnna awhànpa lọ yì awhàngbenu bo và aigba Amọninu lẹ tọn sudo; e sọ wá bo dosla lẹdo Laba,+ amọ́ Davidi gbọṣi Jelusalẹm.+ Joabi tọ́nawhàn Laba bo gbà ẹ kija.+  Enẹgodo, Davidi de jẹgbakun Malkami tọn sọn ota na ẹn, bo mọdọ e pẹnzin sọ talẹnti* sika tọn dopo, bọ zannu akuẹgegenu tọn lẹ to e go; e sọ yin ṣinṣinyọn na Davidi. Humọ, ewọ bẹ ogblànnu susugege sọn tòdaho lọ mẹ.+  E sọ bẹ mẹhe to e mẹ lẹ tọ́n bo hẹn yé nado nọ wazọ́n+ zannu pipà tọn podọ nado nọ yí azọ́nwanu gànyuu tọn didá lẹ po asiọvi lẹ po do wazọ́n. Nuhe Davidi wà hẹ tòdaho Amọninu lẹ tọn lẹpo niyẹn. To godo mẹ, Davidi po awhànfuntọ etọn lẹpo po lẹkọwa Jelusalẹm.  Enẹgodo, awhàn sọ yin fùnfùn hẹ Filistinu lẹ to Gezẹli. To ojlẹ enẹ mẹ, Sibekai+ Huṣanu lọ hù Sipai he yin kúnkan Lefaimi lẹ+ tọn de, yé sọ duto Filistinu lẹ ji.  Awhàn devo sọ yin fùnfùn hẹ Filistinu lẹ, bọ Ẹlhanani visunnu Jaili tọn hù Lahmi he yin nọvisunnu Goliati+ Gatinu lọ tọn, mẹhe akún owhán etọn tọn klo taidi dòtin avọ̀lọ̀ntọ lẹ tọn.+  Whladopo dogọ, awhàn devo sọ yin fùnfùn to Gati,+ fie dawe he tọ́nalùn tlala de te,+ e sọ tindo alọvi 6 to alọ dopodopo go podọ afọvi 6 to afọ dopodopo go, bọ popolẹpo yin 24; ewọ lọsu yin dopo to kúnkan Lefaimi lẹ tọn mẹ.+  E sọ to Islaeli vlẹko mapote.+ Enẹwutu, Jonatani visunnu Ṣimea+ he yin nọvisunnu Davidi tọn hù i.  Omẹ ehelẹ yin kúnkan Lefaimi lẹ+ tọn to Gati,+ yé sọ yin hùhù gbọn Davidi po devizọnwatọ etọn lẹ po dali.

Nudọnamẹ Odò Tọn

Enẹ wẹ, to amakikọ-whenu.
Talẹnti dopo sọzẹn hẹ kg 34,2. Pọ́n Nud. B14.