Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

1 Otànnugbo lẹ 19:1-19

NUHE E BẸHẸN LẸ

  • Amọninu lẹ dowinyan wẹnsagun Davidi tọn lẹ (1-5)

  • Yè gbawhàn Amọni po Silia po tọn (6-19)

19  To godo mẹ, Nahaṣi ahọlu Amọninu lẹ tọn kú, bọ visunnu etọn lẹzun ahọlu do otẹn etọn mẹ.+  Whenẹnu, Davidi dọmọ: “N’na do owanyi nugbo hia+ Hanuni visunnu Nahaṣi tọn, na otọ́ etọn ko do owanyi nugbo hia mi.” Enẹwutu, Davidi do wẹnsagun lẹ hlan nado yì miọnhomẹna ẹn, na otọ́ etọn he kú wutu. Ṣigba, whenue devizọnwatọ Davidi tọn lẹ wá aigba Amọninu lẹ+ tọn ji nado miọnhomẹna Hanuni,  ahọvi Amọninu lẹ tọn lẹ dọna Hanuni dọmọ: “A lẹndọ yẹyidogona otọ́ towe wẹ Davidi te gbọn homẹmiọnnamẹtọ lẹ didohlan we dali wẹ ya? Be e ma yin nado dindona aigba lọ pete bo bẹ̀ ẹ pọ́n bosọ và we sudo wutu wẹ devizọnwatọ etọn lẹ do wá dè we ya?”  Enẹwutu, Hanuni wle devizọnwatọ Davidi tọn lẹ bo whlẹ́ ogbì yetọn lẹ+ bosọ sán awù yetọn lẹ do alinkàn bo do yé hlan.  To whenue nuhe jọ do sunnu lọ lẹ go yin didọna Davidi, e do mẹdevo lẹ hlan to afọdopolọji nado yì pé yé, na yé ko yin winyando tlala wutu; ahọlu sọ dọna yé dọmọ: “Mì gbọṣi Jẹliko+ kaka ogbì mìtọn lẹ nado vọ́ wú, enẹgodo mì na lẹkọwa.”  To nukọn mẹ, Amọninu lẹ mọdọ emi ko lẹzun awuhiọnu de na Davidi, enẹwutu Hanuni po Amọninu lẹ po do talẹnti* fataka tọn 1000 hlan nado dà osọ́-kẹkẹ lẹ po osọ́nọ lẹ po sọn Mẹsopotamia,* Alami-maaka po Zoba+ po.  Gbọnmọ dali, yé dà osọ́-kẹkẹ 32000 gọna ahọlu Maaka tọn po omẹ etọn lẹ po. Yé sọ wá bo dosla do Medeba+ nukọn. Amọninu lẹ bẹ yede pli dopọ sọn tòdaho yetọn lẹ mẹ bo tọ́njẹgbonu nado funawhàn.  Whenue Davidi sè ehe, e do Joabi+ po awhànpa lọ pete po hlan, gọna awhànfuntọ huhlọnnọ etọn lẹ.+  Amọninu lẹ sọ tọ́njẹgbonu bo to yede kannukannu di awhànfuntọ do họntonu tòdaho lọ tọn, bọ ahọlu he wá lọ lẹ tin to ovò to danji. 10  Whenue Joabi mọdọ awhàn lọ jlo na gbà emi sọn nukọn po godo po, e de delẹ sọn awhànfuntọ dagbe hugan Islaeli tọn lẹ mẹ bo to yé kannukannu nado yì pehẹ Silianu lẹ.+ 11  E de sunnu he pò lẹ do anademẹ* Abiṣai+ nọvisunnu etọn tọn glọ, na ewọ nido to yé kannukannu nado yì pehẹ Amọninu lẹ. 12  Enẹgodo, e dọmọ: “Eyin huhlọn Silianu lẹ+ tọn hugan mi, whenẹnu hiẹ na wá gọalọna mi; amọ́ eyin huhlọn Amọninu lẹ tọn hugan we, be yẹn wẹ na gọalọna we. 13  Mí dona yin huhlọnnọ bo yin adọgbotọ+ do omẹ mítọn lẹ tamẹ podọ do tòdaho Jiwheyẹwhe mítọn tọn lẹ tamẹ, Jehovah nasọ wà nuhe yọ́n to nukun etọn mẹ.” 14  To whenẹnu, Joabi po sunnu etọn lẹ po tọ́n pé Silianu lẹ nado funawhàn hẹ yé, bọ yé họnyi sọn nukọn etọn.+ 15  Whenue Amọninu lẹ mọdọ Silianu lẹ ko họnyi, yelọsu họnyi sọn nọvisunnu etọn Abiṣai nukọn bo biọ tòdaho lọ mẹ. Enẹgodo, Joabi wá Jelusalẹm. 16  Whenue Silianu lẹ mọdọ Islaeli ko gbawhàn yetọn, yé do wẹnsagun lẹ hlan nado ylọ Silianu he to agbegbe Tọ̀sisa* lọ tọn+ ji lẹ pli, to anademẹ Ṣofaki ogán awhànpa Hadadezẹli tọn glọ.+ 17  Whenue linlin lọ yin nina Davidi, e bẹ Islaeli pete pli to afọdopolọji bo dasá Jọdani wá yé dè bosọ to awhànfuntọ etọn lẹ kannukannu sọta yé. Davidi to awhànfuntọ etọn lẹ kannukannu nado yì pé Silianu lẹ, bọ yé hoavùn hẹ ẹ.+ 18  Ṣigba, Silianu lẹ họnyi sọn Islaeli nukọn; Davidi sọ hù osọ́-kẹkẹ kùntọ 7 000 po awhànfuntọ he nọ zọ̀n afọ 40 000 po sọn Silianu lẹ mẹ, e sọ hù Ṣofaki ogán awhànpa lọ tọn. 19  Whenue devizọnwatọ Hadadezẹli tọn lẹ mọdọ Islaeli ko gbawhàn yetọn,+ yé yawu basi alẹnu jijọho tọn hẹ Davidi bo lẹzun mẹmẹglọ na ẹn;+ bẹsọn whenẹnu, Silianu lẹ masọ jlo nado gọalọna Amọninu lẹ ba.

Nudọnamẹ Odò Tọn

Talẹnti dopo sọzẹn hẹ kg 34,2. Pọ́n Nud. B14.
To paa mẹ, “Alami-nahalaimi.”
To paa mẹ, “do alọmẹ na.”
Enẹ wẹ, Euflate.