Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

1 Otànnugbo lẹ 16:1-43

NUHE E BẸHẸN LẸ

  • Apotin lọ yin zizedo gòhọ mẹ (1-6)

  • Ohàn pẹdido tọn he Davidi ji (7-36)

    • “Jehovah ko lẹzun Ahọlu!” (31)

  • Sinsẹ̀nzọnwiwa to Apotin lọ nukọn (37-43)

16  Mọ wẹ yé hẹn Apotin Jiwheyẹwhe nugbo lọ tọn wá do, bo ze e do gòhọ he Davidi ko pẹ́n dai na ẹn lọ mẹ;+ yé sọ basi avọ́nunina mimẹ̀ lẹ po avọ́sinsan jijọho tọn lẹ po to Jiwheyẹwhe nugbo lọ nukọn.+  Whenue Davidi ko basi avọ́nunina mimẹ̀+ po avọ́sinsan jijọho tọn+ lọ lẹ po godo, e dona gbẹtọ lọ lẹ to oyín Jehovah tọn mẹ.  Humọ, e má akla plẹ́bẹ́, akla hìhì he yè yí odé do basi po akla hìhì ovẹn sinsẹ́n tọn po na Islaelivi lẹpo, yèdọ sunnu po yọnnu po.  Enẹgodo, e de Levinu delẹ nado nọ yilizọn to Apotin Jehovah tọn lọ nukọn,+ podọ nado nọ gbògbéna* Jehovah Jiwheyẹwhe Islaeli tọn bo nọ dopẹna ẹn bosọ nọ na ẹn pipà.  Asafi+ wẹ yin nukọntọ bọ Zekalia bọdego; Jeiẹli, Ṣemilamọti, Jehiẹli, Matitia, Eliabi, Bẹnaia, Obẹdi-edomi po Jeiẹli po+ wẹ nọ hò hànjinu okànnọ lẹ po ajalẹn lẹ po;+ Asafi wẹ nọ hò ajogàn,+  podọ Bẹnaia po Jahaziẹli po he yin yẹwhenọ lẹ wẹ nọ kún opẹ̀n to apotin alẹnu tọn Jiwheyẹwhe nugbo lọ tọn nukọn to whepoponu.  Gbenẹgbe wẹ Davidi pà ohàn pẹdido tọn etọn tintan hlan Jehovah bọ e yin jiji gbọn Asafi+ po nọvisunnu etọn lẹ po dali dọmọ:  “Mì nọ dopẹna Jehovah,+ bo nọ dawhá ylọ oyín etọn, Mì nọ hẹn azọ́n etọn lẹ zun yinyọnẹn to gbẹtọ lẹ ṣẹnṣẹn!+  Mì jihàn hlan ẹn, mì jihàn pipà tọn lẹ hlan ẹn,+ Mì nọ lẹnnupọndo* azọ́njiawu etọn lẹpo ji.+ 10  Mì nọ doawagun to oyín wiwe etọn mẹ.+ Mì gbọ ahun mẹhe to Jehovah dín lẹ tọn ni jaya.+ 11  Mì nọ dín Jehovah+ bo nọ biọ huhlọn etọn. Mì nọ dín nado nọte to nukọn etọn to whepoponu.+ 12  Mì nọ flin azọ́njiawu he e ko wà lẹ,+ Yèdọ azọ́njiawu etọn lẹ po whẹdida etọn lẹ po, 13  Mì kúnkan* Islaeli devizọnwatọ etọn tọn lẹ emi,+ Mì visunnu Jakọbu tọn lẹ, yèdọ mẹdide etọn lẹ.+ 14  Ewọ wẹ Jehovah Jiwheyẹwhe mítọn.+ Whẹdida etọn lẹ tin to filẹpo lẹdo aihọn pé.+ 15  Mì nọ flin alẹnu etọn kakadoi, Yèdọ opà he e do,* kakajẹ whẹndo fọtọ́ntọ ji,+ 16  Alẹnu he e basi hẹ Ablaham,+ Podọ whiwhle he e whlé na Isaki,+ 17  Ehe e hẹn lodo taidi gbedide de na Jakọbu+ Podọ taidi alẹnu he na dẹn-to-aimẹ de na Islaeli, 18  Dọ, ‘Yẹn na na we aigba Kenani tọn+ Taidi mimá he na yin ogú towe.’+ 19  E dọ ehe to whenue mìwlẹ gbẹ́ whè to sọha mẹ, Mọwẹ, sọha mìtọn whè taun, bọ mì yin jonọ lẹ to aigba lọ ji.+ 20  Yé zinzọnlin sọn akọta de mẹ jẹ devo mẹ, Podọ sọn ahọluduta de mẹ jẹ devo mẹ.+ 21  Ewọ ma dike mẹdepope ni gbidikọna yé,+ Ṣigba, e wọhẹ ahọlu lẹ na yewlẹ tọn wutu,+ 22  Dọ, ‘Mì doalọ mẹyiamisisadode ṣie lẹ go blo, Mì sọ wà nuylankan de na yẹwhegán ṣie lẹ blo.’+ 23  Mì jihàn hlan Jehovah, mì aigba lẹpo emi! Mì nọ lá whlẹngán etọn egbesọegbesọ!+ 24  Mì nọ lá gigo etọn to akọta lẹ ṣẹnṣẹn, Podọ azọ́njiawu etọn lẹ to gbẹtọ lẹpo ṣẹnṣẹn. 25  Na Jehovah klo bosọ jẹna pipà tlala. Ewọ wẹ jẹna budisi hugan yẹwhe he pò lẹpo.+ 26  Yẹwhe ovọ́ lẹ wẹ yẹwhe gbẹtọ lẹ tọn lẹpo yin,+ Ṣigba, Jehovah wẹ dá olọn lẹ.+ 27  Gigo* po whanpẹ daho po tin to nukọn etọn;+ Huhlọn po ayajẹ po tin to fininọ etọn.+ 28  Mì na Jehovah nuhe ewọ jẹna, mì whẹndo gbẹtọ lẹ tọn lẹ emi, Mì na Jehovah nuhe ewọ jẹna, na gigo po huhlọn etọn po wutu.+ 29  Mì na Jehovah gigo he oyín etọn jẹna;+ Mì hẹn nunina wá bo wá nukọn etọn.+ Mì dẹ́ do odò na* Jehovah to aṣọ́donu wiwe mẹ.*+ 30  Mì sisọ to nukọn etọn, mì aigba lẹpo emi! Aigba ko yin didoai gligli; e ma sọgan yin tẹnsẹna.*+ 31  Mì gbọ olọn lẹ ni hùnhomẹ, podọ aigba ni jaya;+ Mì lá to akọta lẹ ṣẹnṣẹn dọ: ‘Jehovah ko lẹzun Ahọlu!’+ 32  Mì gbọ ohù po nuhe tin to e mẹ lẹpo po ni dọnú di hẹviosò; Mì gbọ ogle lẹ po nuhe tin to yé mẹ lẹpo po ni hùnhomẹ. 33  To ojlẹ dopolọ mẹ, mì gbọ atin he tin to zungbo mẹ lẹpo ni yí ayajẹ do dawhá to Jehovah nukọn, Na ewọ ja* nado dawhẹna aigba. 34  Mì nọ dopẹna Jehovah, na ewọ yọ́n;+ Owanyi nugbo etọn na gbọṣi aimẹ kakadoi.+ 35  Mì nisọ dọmọ, ‘Jiwheyẹwhe whlẹngán mítọn tọn E, whlẹn mí,+ Bẹ mí pli bo tún mí dote sọn akọta lẹ ṣẹnṣẹn, Na míwlẹ nido pà oyín wiwe towe+ Bo jẹaglin do pà we.*+ 36  Na Jehovah Jiwheyẹwhe Islaeli tọn ni yin pipà Kaka sọyi mavọmavọ.’”* Gbẹtọ lọ lẹpo sọ dọ, “Niṣẹ!”* bo pà Jehovah. 37  Enẹgodo, Davidi jo Asafi+ po nọvisunnu etọn lẹ po do finẹ to apotin alẹnu tọn Jehovah tọn nukọn nado nọ yilizọn to Apotin lọ nukọn to whepoponu,+ dile e nọ yin bibasi do egbesọegbesọ.+ 38  Obẹdi-edomi po nọvisunnu etọn lẹ po, yèdọ yé omẹ 68, podọ Obẹdi-edomi, visunnu Jedutuni tọn po Hosa po wẹ yin họ̀njinọtọ lẹ; 39  Zadọki+ yẹwhenọ lọ po yẹwhenọ hatọ etọn lẹ po nọ nọ̀ gòhọtúntún Jehovah tọn nukọn to ofi yiaga he to Gibeọni lọ+ 40  nado nọ basi avọ́nunina mimẹ̀ lẹ hlan Jehovah to agbà avọ́nunina mimẹ̀ tọn lọ ji whẹwhẹ, yèdọ afọnnu po whèjai po, podọ nado nọ wà nulọ lẹpo he yin kinkan do Osẹ́n Jehovah tọn he e ko na Islaeli mẹ.+ 41  Hemani po Jedutuni+ po sọ to finẹ hẹ yé, gọna pipotọ sunnu he yin dide gbọn yinkọ dali nado nọ dopẹna Jehovah lẹ tọn,+ na “owanyi nugbo etọn na gbọṣi aimẹ kakadoi”;+ 42  podọ Hemani+ po Jedutuni po to finẹ hẹ yé nado nọ kún opẹ̀n lẹ bo nọ hò ajogàn po hànjinu okànnọ lẹ po he nọ yin yiyizan nado pà Jiwheyẹwhe nugbo lọ; visunnu Jedutuni+ tọn lẹ wẹ yin dide do họngbo ji. 43  Enẹgodo, gbẹtọ lọ lẹpo lẹkọyi owhé yetọn lẹ gbè, bọ Davidi dedo nado yì dona whédo etọn titi.

Nudọnamẹ Odò Tọn

To paa mẹ, “flin.”
Kavi vlavo, “dọho gando.”
To paa mẹ, “okún.”
To paa mẹ, “ohó he e degbe etọn.”
Kavi “Yẹyi.”
Kavi “basi sinsẹ̀n hlan.”
Kavi vlavo, “na whanpẹ daho wiwe-yinyin etọn tọn wutu.”
Kavi “e ma sọgan yin whinwhàn; e ma sọgan dahli.”
Kavi “ko wá.”
Kavi “jẹaglin to pipà towe mẹ.”
Kavi “Sọn madopodo jẹ madopodo.”
Kavi “Amẹn” to Heblugbe mẹ.