Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

1 Otànnugbo lẹ 14:1-17

NUHE E BẸHẸN LẸ

  • Yè hẹn gandudu Davidi tọn lodo (1, 2)

  • Whẹndo Davidi tọn (3-7)

  • Yè gbawhàn Filistinu lẹ tọn (8-17)

14  Ahọlu Hilami+ Tile tọn do wẹnsagun lẹ hlan Davidi bosọ do owhlẹ kedali tọn lẹ, zannu-dótọ* lẹ po atin-zọ́nwatọ lẹ po hlan nado gbá owhé* de na ẹn.+  Davidi sọ yọnẹn dọ Jehovah ko hẹn ahọlu-yinyin emitọn lodo gligli do Islaeli ji,+ na gandudu etọn ko yin zizedaga, na Islaeli omẹ Etọn lẹ tọn wutu.+  Podọ Davidi dà asi lẹ dogọ+ to Jelusalẹm, bọ visunnu po viyọnnu devo lẹ po yin jiji na Davidi.+  Oyín ovi he yin jiji na ẹn to Jelusalẹm lẹ tọn die:+ Ṣamua, Ṣobabi, Natani,+ Sọlomọni,+  Ibhali, Eliṣua, Ẹlpelẹti,  Noga, Nefẹgi, Jafia,  Eliṣama, Beẹliada po Elifelẹti po.  Whenue Filistinu lẹ sè dọ Davidi ko yin amisisayidode taidi ahọlu do Islaeli pete ji,+ Filistinu lẹpo hẹji wá nado dín Davidi mọ.+ Whenue Davidi sè ehe, e tọ́nyi nado tọ́nawhàn yé.  Filistinu lẹ sọ wá bo tọ́navùn mẹhe to Agbàdo Lefaimi tọn mẹ lẹ.+ 10  Davidi kanhose Jiwheyẹwhe dọmọ: “Ma hẹji yì hoavùn hẹ Filistinu lẹ ya? Be hiẹ na jo yé do alọ ṣie mẹ ya?” Jehovah sọ gblọnna ẹn dọmọ: “Hẹji yì, na yẹn na jo yé do alọ towe mẹ dandan.”+ 11  Enẹwutu, Davidi hẹji yì Baali-pelazimi+ bo hù yé to finẹ. Whenẹnu, Davidi dọmọ: “Jiwheyẹwhe nugbo lọ ko gbà kẹntọ ṣie lẹ do gbọn alọ ṣie gblamẹ, kẹdẹdile osin nọ zẹ̀ adó do.” Enẹwutu wẹ yé do ylọ oyín filọ tọn dọ Baali-pelazimi.* 12  Filistinu lẹ sọ họ̀n jo yẹwhe yetọn lẹ do finẹ, bọ to whenue Davidi degbe, yẹwhe ehelẹ yin mimẹ̀ to miyọ́n mẹ.+ 13  To nukọn mẹ, Filistinu lẹ sọ vọ́ tọ́navùn mẹhe to agbàdo lọ mẹ lẹ.+ 14  Davidi sọ vọ́ kanhose Jiwheyẹwhe, ṣigba Jiwheyẹwhe nugbo lọ dọna ẹn dọmọ: “A hẹji yì tlọlọ nado dómọna yé blo. Kakatimọ, gbọn godo na yé bo tọ́n do yé ji to zunkan baka tọn lẹ nukọn.+ 15  Podọ whenue hiẹ na sè afọgbè zọnlinzinzin tọn gbọn zunkan baka tọn lẹ ji, whenẹnu wẹ hiẹ ni tọ́nawhàn yé, na Jiwheyẹwhe nugbo lọ na ko tọ́nyi jẹnukọnna we nado hù awhànpa Filistinu lẹ tọn.”+ 16  Enẹwutu, Davidi basi kẹdẹdile Jiwheyẹwhe nugbo lọ ko degbena ẹn do,+ bọ yé hù awhànpa Filistinu lẹ tọn sọn Gibeọni kaka yì Gezẹli.+ 17  Davidi sọ diyin gbọn aigba lọ lẹpo ji, bọ Jehovah hẹn akọta lọ lẹpo nado tin to sijọsijọ ji na ewọ tọn wutu.+

Nudọnamẹ Odò Tọn

Kavi “adó-dótọ.”
Kavi “họ̀nmẹ.”
Zẹẹmẹdo “Ogán Gbigbàdo Tọn.”