Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

1 Kọlintinu lẹ 8:1-13

NUHE E BẸHẸN LẸ

  • Núdùdù he yin yíyí do sanvọ́ (1-13)

    • Jiwheyẹwhe dopo wẹ tin (5, 6)

8  Todin, gando núdùdù he yin yíyí do sanvọ́ hlan boṣiọ lẹ go:+ Mí yọnẹn dọ mímẹpo wẹ tindo oyọnẹn gando whẹho ehe go.+ Oyọnẹn nọ kla, ṣigba owanyi nọ jlọmẹdote.+  Eyin mẹdepope tlẹ lẹndọ emi yọ́n nude, be ewọ ma ko yọ́n ẹn ganji dile e dona yọ́n ẹn do.  Ṣigba, eyin mẹde yiwanna Jiwheyẹwhe, omẹ ehe wẹ ewọ yọnẹn.  Todin, gando núdùdù he yin yíyí do sanvọ́ hlan boṣiọ lẹ dùdù go, mí yọnẹn dọ boṣiọ ma yin nude+ to aihọn lọ mẹ, podọ Jiwheyẹwhe devo de ma tin adavo dopo.+  Na dile etlẹ yindọ mẹdelẹ tin he nọ yin yiylọdọ yẹwhe, vlavo to olọn mẹ kavi to aigba ji,+ kẹdẹdile “yẹwhe lẹ” sù bọ “oklunọ lẹ” sù do,  na taun tọn, Jiwheyẹwhe dopo wẹ tin+ na míwlẹ, yèdọ Otọ́,+ mẹhe mẹ nulẹpo wá sọn, podọ míwlẹ na ewọ;+ podọ Oklunọ dopo wẹ tin, yèdọ Jesu Klisti, mẹhe gblamẹ nulẹpo wá aimẹ te,+ podọ míwlẹ gbọn ewọ gblamẹ.  Etomọṣo, e ma yin mẹlẹpo wẹ tindo oyọnẹn ehe.+ Ṣigba, na mẹdelẹ ko tindo kanṣiṣa hẹ boṣiọ lẹ dai wutu, to whenue yé to núdù, yé nọ to pinpọn ẹn taidi nuhe yin yíyí do sanvọ́ hlan boṣiọ,+ bọ ayihadawhẹnamẹnu yetọn he yin madogánnọ* nọ yin hinhẹnflu.+  Ṣigba, núdùdù ma na hẹn mí dọnsẹpọ Jiwheyẹwhe dogọ;+ eyin mí ma dù, nude ma na gú mí, podọ eyin mí dù, e ma na hẹn ale de wá na mí.+  Ṣigba, mì payi dọ jlọjẹ mìtọn nado basi nudide ni ma lẹzun zannu ahlida tọn to aliho de mẹ na mẹhe yin madogánnọ lẹ blo.+ 10  Na eyin mẹdepope mọ hiẹ, he tindo oyọnẹn to núdù to tẹmpli boṣiọ tọn de mẹ, be ayihadawhẹnamẹnu omẹ enẹ he yin madogánnọ lọ tọn ma na yin hinhẹn tliji sọmọ bọ e na nọ dù núdùdù he yin yíyí do sanvọ́ hlan boṣiọ lẹ ya? 11  To whelọnu lo, gbọn oyọnẹn towe dali, mẹhe yin madogánnọ lọ to yinyin huhusudo, yèdọ mẹmẹsunnu towe he tamẹ Klisti kú do.+ 12  Enẹwutu, to whenuena mìwlẹ gbọnmọ dali waylando sọta mẹmẹsunnu mìtọn lẹ bo gbleawuna ayihadawhẹnamẹnu yetọn he yin madogánnọ,+ Klisti wẹ mì to ylando wà sọta. 13  Enẹwutu, eyin núdùdù hẹn mẹmẹsunnu ṣie dahli, yẹn ma nasọ dù olàn gbede ba, na yẹn nikaa hẹn mẹmẹsunnu ṣie dahli.+

Nudọnamẹ Odò Tọn

Enẹ wẹ, he ma yin pinplọn, he ma lodo, he tindo oblọ.