Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

1 Kọlintinu lẹ 6:1-20

NUHE E BẸHẸN LẸ

  • Klistiani hatọ hinhẹn yì owhẹ̀ nukọn (1-8)

  • Mẹhe ma na dugu Ahọluduta lọ tọn lẹ (9-11)

  • Mì pagigona Jiwheyẹwhe to agbasa mìtọn mẹ (12-20)

    • “Họ̀nna fẹnnuwiwa zanhẹmẹ tọn!” (18)

6  To whenue mẹde to mì mẹ tindo nudindọn hẹ awetọ etọn,+ naegbọn mì nọ gboadọ bo nọ yì owhẹ̀ nukọn to mawadodonọ lẹ nukọn, bọ e ma yin omẹ wiwe lẹ nukọn?  Kavi be mì ma yọnẹn dọ omẹ wiwe lẹ wẹ na dawhẹna aihọn ya?+ Podọ eyin mìwlẹ wẹ na dawhẹna aihọn, be mì ma pegan nado dawhẹ whẹho pẹvi tlala lẹ tọn wẹ ya?  Be mì ma yọnẹn dọ míwlẹ wẹ na dawhẹna angẹli lẹ wẹ ya?+ To whenẹnu, naegbọn mí ma nado dawhẹ whẹho ogbẹ̀ ehe tọn lẹ tọn?  To whelọnu lo, eyin mì tindo whẹho ogbẹ̀ ehe tọn lẹ nado dawhẹna,+ be mẹhe agun lọ nọ yí nukunpẹvi do pọ́n lẹ wẹ mì na yí do basi whẹdatọ lẹ ya?  Yẹn to hodọ nado hẹn winyan hù mì. Be nuyọnẹntọ dopo tata ma tin to ṣẹnṣẹn mìtọn he na penugo nado dawhẹ to mẹmẹsunnu etọn lẹ ṣẹnṣẹn wẹ?  Kakatimọ, mẹmẹsunnu nọ hẹn mẹmẹsunnu yì owhẹ̀ nukọn, bọ e nọ yin to mayisenọ lẹ nukọn!  Na nugbo tọn, winyan wẹ e yin na mì eyin mì to ode awetọ hẹn yì owhẹ̀ nukọn. Naegbọn mì ma kúkú gbọ bo yí guwhẹ̀?+ Naegbọn mì ma kúkú gbọ bo yin hihodu?  Kakatimọ, mì to ylanwa bo to mẹhodu, bọ e sọ yin sọta mẹmẹsunnu mìtọn lẹ!  Be mì ma yọnẹn dọ mawadodonọ lẹ ma na dugu Ahọluduta Jiwheyẹwhe tọn wẹ ya?+ Yè klọ mì blo. Mẹhe nọ doalọ to fẹnnuwiwa zanhẹmẹ tọn* mẹ lẹ,+ boṣiọ-sẹ̀ntọ lẹ,+ ayọdetọ lẹ,+ sunnu he nọ joawuna zanhẹmẹ to vijinu dopolọ lẹ ṣẹnṣẹn lẹ,+ sunnu he nọ zanhẹ sunnu lẹ,+ 10  ajotọ lẹ, nukunkẹnnọ lẹ,+ ahànnumunọ lẹ,+ mẹvlẹtọ* lẹ po alọslonamẹtọ lẹ po ma na dugu Ahọluduta Jiwheyẹwhe tọn.+ 11  Ṣogan, nuhe delẹ to mì mẹ yin dai niyẹn. Ṣigba, mì ko yin kiklọ́we;+ mì ko yin hinhẹn zun wiwe;+ mì ko yin lilá di dodonọ+ to oyín Oklunọ Jesu Klisti tọn po gbigbọ wiwe Jiwheyẹwhe mítọn tọn po mẹ. 12  Nulẹpo wẹ sọgbe hẹ osẹ́n* na mi, ṣigba e ma yin nulẹpo wẹ tindo ale gba.+ Nulẹpo wẹ sọgbe hẹ osẹ́n na mi, ṣigba yẹn ma na dike nudepope ni deanana mi.* 13  Núdùdù tin na adọ̀go, podọ adọ̀go tin na núdùdù, ṣigba Jiwheyẹwhe na hẹn adọ̀go po núdùdù po zun ovọ́.+ Agbasa ma tin na fẹnnuwiwa zanhẹmẹ tọn* gba, ṣigba na Oklunọ,+ podọ Oklunọ tin na agbasa. 14  Ṣigba, Jiwheyẹwhe fọ́n Oklunọ+ bo nasọ fọ́n mílọsu sọn oṣiọ lẹ mẹ+ gbọn huhlọn etọn gblamẹ.+ 15  Be mì ma yọnẹn dọ awutugonu Klisti tọn lẹ wẹ agbasa mìtọn yin ya?+ To whelọnu lo, be yẹn na de awutugonu Klisti tọn lẹ sẹ̀ bo kọ̀n yé dopọ hẹ galọtọ de tọn lẹ wẹ ya? Gbede pọ́n! 16  Be mì ma yọnẹn dọ mẹdepope he kọ̀n ede dopọ hẹ galọtọ de, agbasa dopo wẹ yé yin ya? Na e dọmọ, “Yé omẹ awe lẹ na lẹzun agbasalan dopo.”+ 17  Ṣigba, mẹdepope he kọ̀n ede dopọ hẹ Oklunọ, dopo wẹ yé yin to gbigbọ mẹ.+ 18  Mì họ̀nna fẹnnuwiwa zanhẹmẹ tọn.*+ Ylando devo depope he gbẹtọ sọgan wà tin to gbonu agbasa etọn tọn, ṣigba mẹdepope he nọ doalọ to fẹnnuwiwa zanhẹmẹ tọn mẹ to ylando wà do agbasa etọn titi go.+ 19  Be mì ma yọnẹn dọ tẹmpli gbigbọ wiwe he to mì mẹ, he mì mọyi sọn Jiwheyẹwhe dè lọ tọn wẹ agbasa mìtọn+ yin ya?+ Humọ, mì ma yin mìde titi tọn gba,+ 20  na ahọ́ daho de ko yin súsú nado họ̀ mì.+ Enẹwutu, mì pagigona Jiwheyẹwhe+ to agbasa mìtọn mẹ.+

Nudọnamẹ Odò Tọn

Pọ́n Zẹm.
Kavi “mẹzuntọ.”
Kavi “wẹ yin alọkẹyi.”
Kavi “ni hẹn mi zun mẹmẹglọ.”
Glẹki, pọlnẹia. Pọ́n Zẹm.
Glẹki, pọlnẹia. Pọ́n Zẹm.