Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

1 Kọlintinu lẹ 3:1-23

NUHE E BẸHẸN LẸ

  • Kọlintinu lẹ gbẹ́ yin agbasanọ (1-4)

  • Jiwheyẹwhe wẹ nọ hẹn ẹn whẹ́n (5-9)

    • Azọ́nwatọ hatọ Jiwheyẹwhe tọn lẹ (9)

  • Azọ́nwanu he miyọ́n ma nọ dù (10-15)

  • Tẹmpli Jiwheyẹwhe tọn wẹ mìwlẹ (16, 17)

  • Nulunu wẹ nuyọnẹn aihọn tọn (18-23)

3  Enẹwutu, mẹmẹsunnu lẹ emi, yẹn ma penugo nado dọhona mì dile yẹn nọ dọhona gbẹtọ gbigbọnọ lẹ do,+ adavo di gbẹtọ agbasanọ lẹ, yèdọ taidi ovivu lẹ+ to Klisti mẹ.  Yẹn na mì anọ́sin, e ma yin núdùdù sinsinyẹn, na mì ma ko dohuhlọn ganji. Na nugbo tọn, etlẹ yin kakajẹ din, mì ma ko dohuhlọn ganji,+  na mì gbẹ́ yin agbasanọ.+ To whenuena e yindọ awuwhàn po avùn po tin to ṣẹnṣẹn mìtọn, be e ma yin agbasanọ yin wẹ mì te+ podọ be e ma yin zọnlinzin wẹ mì te di aihọnmẹnu lẹ ya?  Na to whenue mẹde dọ dọ, “Paulu tọn wẹ yẹn,” ṣigba bọ mẹdevo dọ dọ, “Apolo tọn wẹ yẹn,”+ be mì ma ko to nuyiwa di gbẹtọ tata lẹ ya?  To whelọnu lo, mẹnu wẹ Apolo? Mọwẹ, mẹnu wẹ Paulu? Lizọnyizọnwatọ lẹ+ he gblamẹ mì lẹzun yisenọ lẹ te, kẹdẹdile Oklunọ ko na mẹdopodopo do.  Yẹn do,+ bọ Apolo húsinna,+ ṣigba Jiwheyẹwhe wẹ to hinhẹn ẹn whẹ́n,  sọmọ bọ mẹhe do ma yin nude, kavi mẹhe húsinna, adavo Jiwheyẹwhe he to hinhẹn ẹn whẹ́n.+  Todin, dopo wẹ mẹhe do po mẹhe húsinna lọ po,* ṣigba mẹdopodopo na mọ ale etọn titi yí sọgbe hẹ azọ́n etọn titi.+  Na azọ́nwatọ hatọ Jiwheyẹwhe tọn lẹ wẹ mí yin. Mìwlẹ wẹ ogle Jiwheyẹwhe tọn he ewọ to lilẹ̀, ohọ̀ Jiwheyẹwhe tọn.+ 10  Sọgbe hẹ nukundagbe majẹhẹ Jiwheyẹwhe tọn he yin nina mi, yẹn do dodonu de ai+ taidi họ̀gbátọ-gán azọ́nyọnẹntọ* de podọ mẹdevo to dido do e ji. Ṣigba, mì gbọ mẹdopodopo ni nọ payi lehe e to dido do e ji do go. 11  Na mẹde ma sọgan do dodonu de ai hú dehe ko yin didoai, ehe yin Jesu Klisti.+ 12  Todin, eyin mẹde yí sika, fataka, zannu he họakuẹ lẹ do dó do dodonu lọ ji, bọ mẹdevo yí azọ́nwanu atin tọn lẹ, ogbé húhú, getin do dó do dodonu lọ ji, 13  nuhe azọ́n mẹdopodopo tọn yin na wá sọawuhia, na azán lọ na do e hia, na e na yin didehia gbọn miyọ́n gblamẹ,+ podọ miyọ́n lọ na do azọ́n he nkọ mẹdopodopo tọn yin hia. 14  Eyin azọ́n mẹdepope tọn he e ko do dó dodonu lọ ji gbọṣi ote, ewọ na mọ ale de yí; 15  eyin azọ́n mẹdepope tọn fiọ, onú na gú i, ṣigba ewọ lọsu na yin whinwhlẹngán; ṣogan, eyin e yinmọ, e na yin taidi gbọn miyọ́n gblamẹ. 16  Be mì ma yọnẹn dọ tẹmpli Jiwheyẹwhe tọn wẹ mìwlẹ,+ bọ gbigbọ Jiwheyẹwhe tọn sọ nọ nọ̀ mì mẹ ya?+ 17  Eyin mẹdepope và tẹmpli Jiwheyẹwhe tọn sudo, Jiwheyẹwhe na và ẹ sudo; na wiwe wẹ tẹmpli Jiwheyẹwhe tọn, podọ mìwlẹ wẹ tẹmpli enẹ.+ 18  Mì gbọ mẹdepope klọ ede blo: Eyin mẹdepope to mì mẹ lẹndọ emi yin nuyọnẹntọ to titonu* ehe mẹ, mì gbọ ewọ ni lẹzun nulunọ, na ewọ nido sọgan lẹzun nuyọnẹntọ. 19  Na nulunu wẹ nuyọnẹn aihọn ehe tọn to Jiwheyẹwhe dè, na e ko yin kinkandai dọmọ: “E nọ wle nuyọnẹntọ lẹ to ayiha gigẹdẹ yetọn titi mẹ.”+ 20  Podọ whladopo dogọ: “Jehovah* yọnẹn dọ ovọ́ wẹ linlẹn nuyọnẹntọ lẹ tọn.”+ 21  Enẹwutu, mì gbọ mẹdepope ni ma nọ doawagun to gbẹtọ mẹ blo; na mìwlẹ tọn wẹ nulẹpo, 22  vlavo Paulu kavi Apolo kavi Kefa*+ kavi aihọn lọ kavi ogbẹ̀ kavi okú kavi nuhe tin tofi todin lẹ kavi nuhe ja lẹ, mìwlẹ tọn wẹ nulẹpo; 23  podọ Klisti tọn wẹ mìwlẹ;+ Klisti lọsu sọ yin Jiwheyẹwhe tọn.

Nudọnamẹ Odò Tọn

Kavi “lẹndai dopolọ wẹ mẹhe do po mẹhe húsinna lọ po tindo.”
Kavi “azọ́ngán nuyọnẹntọ.”
Kavi “ojlẹ.” Pọ́n Zẹm.
Pọ́n Nud. A5.
Sọ nọ yin yiylọdọ Pita.