Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

1 Kọlintinu lẹ 13:1-13

NUHE E BẸHẸN LẸ

  • Owanyi—aliho he klohugan de (1-13)

13  Eyin yẹn nọ yí ogbè gbẹtọ lẹ po angẹli lẹ tọn po do dọho ṣigba bo ma tindo owanyi, yẹn lẹzun ogàn-kéké he to núdọ kavi ajogàn ogbè lélénọ de.  Podọ eyin yẹn tindo nunina dọdai didọ tọn bo mọnukunnujẹ aṣli wiwe lẹpo po oyọnẹn lẹpo po mẹ,+ podọ eyin yise ṣie lodo sọmọ bọ yẹn sọgan sẹtẹnna osó lẹ, ṣigba bo ma tindo owanyi, yẹn ma yin nude.+  Podọ eyin yẹn yí nutindo ṣie lẹpo do na núdùdù mẹdevo lẹ,+ podọ eyin yẹn yí agbasa ṣie namẹ, na yẹn nido doawagun, ṣigba bo ma tindo owanyi,+ ale depope ma tin to e mẹ na mi.  Owanyi+ nọ fahomẹ*+ bo nọ yin homẹdagbenọ.+ Owanyi ma nọ whànwu.+ E ma nọ ze ede daga, ma nọ kla,+  ma nọ wanu jẹagọ,+ ma nọ dín ale edetiti tọn lẹ,+ ma nọ gblehomẹ aplà.+ E ma nọ basi kandai nuṣiwa tọn.+  E ma nọ jaya to mawadodo mẹ,+ ṣigba nọ jaya to nugbo mẹ.  E nọ ṣinyọnnudo nulẹpo,+ nọ yí nulẹpo sè,+ nọ do todido to nulẹpo mẹ,+ nọ doakọnna nulẹpo.+  Owanyi ma nọ gboawupo gbede. Ṣigba eyin nunina dọdai didọ tọn lẹ wẹ, yé na busẹ; eyin ogbè* lẹ wẹ, yé na doalọte; eyin oyọnẹn wẹ, e na busẹ.  Na oyọnẹn agbòte wẹ mí tindo+ podọ dọdai agbòte dọ wẹ mí te, 10  ṣigba to whenue nuhe yin pipé na wá, nuhe yin agbòte na busẹ. 11  To whenuena yẹn yin yọpọ, yẹn nọ dọho di yọpọ, nọ lẹnnupọn di yọpọ, yihojlẹdohogo di yọpọ; ṣigba todin he yẹn ko lẹzun sunnu, yẹn ko jo walọ yọpọ tọn lẹ do. 12  Na todin, mí to numọ vlìvlì* taidi to mẹpọ́nnu he yè yí ogàn do basi de mẹ, ṣigba to whenẹnu e na yin nukun sọ nukun. Todin yẹn tindo oyọnẹn agbòte, ṣigba to whenẹnu yẹn na tindo oyọnẹn he họnwun hezeheze,* kẹdẹdile yẹn yin yinyọnẹn hezeheze do. 13  Nalete todin, onú atọ̀n ehelẹ wẹ pò: yise, todido, owanyi; ṣigba dehe klohugan to ehelẹ mẹ wẹ owanyi.+

Nudọnamẹ Odò Tọn

Kavi “sinyẹnlin.”
Enẹ wẹ, hodidọ to ogbè devo lẹ mẹ to azọ́njiawu-liho.
Kavi “to aliho he ma họnwun mẹ.”
Kavi “oyọnẹn gigọ́.”