Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

1 Kọlintinu lẹ 10:1-33

NUHE E BẸHẸN LẸ

  • Apajlẹ avase tọn lẹ sọn whenuho Islaeli tọn mẹ (1-13)

  • Avase gando boṣiọ-sinsẹ̀n go (14-22)

    • Tafo Jehovah tọn, tafo aovi lẹ tọn (21)

  • Mẹdekannujẹ mẹdevo lẹ tọn (23-33)

    • “Mì nọ wà nulẹpo na gigo Jiwheyẹwhe tọn” (31)

10  Todin, mẹmẹsunnu lẹ emi, yẹn jlo dọ mì ni yọnẹn dọ tọgbo mítọn lẹpo wẹ nọ aslọ lọ glọ+ podọ yemẹpo wẹ gbọn ohù lọ mẹ wayi+  podọ yemẹpo wẹ yin bibaptizi to Mose mẹ gbọn aslọ lọ po ohù lọ po gblamẹ,  yemẹpo wẹ sọ dù núdùdù gbigbọmẹ tọn dopolọ+  podọ yemẹpo wẹ nù núnùnù gbigbọmẹ tọn dopolọ.+ Na osé gbigbọmẹ tọn he hodo yé lọ mẹ wẹ yé ko nọ nù sọn dai, podọ osé enẹ nọtena* Klisti.+  Etomọṣo, homẹ Jiwheyẹwhe tọn ma hùn do suhugan yetọn go, na yé yin hùhù to danfafa lọ ji.+  Todin, onú ehelẹ lẹzun apajlẹ lẹ na mí, na míwlẹ ma nado nọ tindo ojlo to nuylankan lẹ mẹ, dile yewlẹ tindo ojlo to yé mẹ do.+  Mọdopolọ, mì lẹzun boṣiọ-sẹ̀ntọ lẹ blo, dile delẹ to yé mẹ basi do; kẹdẹdile e ko yin kinkandai do dọmọ: “Mẹlọ lẹ sinai nado dù bo nù. Yé sọ fọ́n nado daihun.”+  Mọdopolọ, mì gbọ mí ni ma nọ doalọ to fẹnnuwiwa zanhẹmẹ tọn* mẹ blo, dile delẹ to yé mẹ doalọ to fẹnnuwiwa zanhẹmẹ tọn* mẹ do, bọ 23000 to yé mẹ jai to gbèdopo.+  Mọdopolọ, mì gbọ mí ni ma whlé Jehovah* pọ́n blo,+ dile delẹ to yé mẹ whlé e pọ́n do bo dọ̀n gbọn odàn lẹ dali.+ 10  Mọdopolọ, mì yin nuhlundọtọ lẹ blo, dile delẹ to yé mẹ hlunnudọ do+ bo dọ̀n gbọn mẹvasudotọ lọ dali.+ 11  Todin, onú ehelẹ jọ do yé go taidi apajlẹ lẹ, podọ yé yin kinkandai taidi avase de na míwlẹ,+ mẹhe ji opodo titonu lẹ tọn ko wá. 12  Enẹwutu, mì gbọ mẹhe lẹndọ emi to ote ni payi, na e nikaa jai.+ 13  Whlepọn depope ma ko wá mì ji adavo dehe to paa mẹ na gbẹtọ lẹ.+ Ṣigba, nugbonọ wẹ Jiwheyẹwhe, podọ ewọ ma na dike mì ni yin whiwhlepọn zẹ̀ nuhe mì sọgan doakọnna go,+ ṣigba eyin whlepọn lọ wá, ewọ nasọ deali de, na mìwlẹ nido penugo nado doakọnna ẹn.+ 14  Enẹwutu, mẹyiwanna ṣie lẹ emi, mì họ̀nna boṣiọ-sinsẹ̀n.+ 15  Yẹn to hodọ taidi na mẹhe tindo wuntuntun lẹ; mì lẹn nuhe yẹn to didọ lẹ pọ́n na mìde. 16  Kọfo dona tọn he ji mí nọ hodẹ̀ do lọ, be e ma yin mahẹ tintindo to ohùn Klisti tọn mẹ wẹ e yin ya?+ Akla he mí nọ wẹ́n lọ, be e ma yin mahẹ tintindo to agbasa Klisti tọn mẹ wẹ e yin ya?+ 17  Na akla dopo wẹ tin, dile etlẹ yindọ míwlẹ sù, agbasa dopo wẹ mí yin,+ na mímẹpo wẹ to mahẹ tindo to akla dopo enẹ mẹ wutu. 18  Mì pọ́n mẹhe yin Islaeli to agbasa-liho lẹ: Be mẹhe dù to nuhe yin yíyí do sanvọ́ lọ lẹ mẹ ma yin mimátọ lẹ hẹ agbà lọ ya?+ 19  To whelọnu lo, etẹ dọ wẹ yẹn te? Dọ nuhe yin yíyí do sanvọ́ hlan boṣiọ de yin nude, kavi dọ boṣiọ de yin nude wẹ ya? 20  Lala; ṣigba yẹn dọ dọ nuhe akọta lẹ yí do sanvọ́, aovi lẹ wẹ yé yí yé do sanvọ́ hlan, e ma yin Jiwheyẹwhe;+ podọ yẹn ma jlo dọ mì ni lẹzun mimátọ lẹ hẹ aovi lẹ gba.+ 21  Mì ma sọgan to nùnù to kọfo Jehovah* tọn mẹ podọ to kọfo aovi lẹ tọn mẹ gba; mì ma sọgan to mahẹ tindo to “tafo Jehovah* tọn” ji+ podọ to tafo aovi lẹ tọn ji gba. 22  Kavi ‘mí to awuwhàn Jehovah* tọn fọndote wẹ ya’?+ Mí ma dohuhlọn hú i, kavi mí wàmọ wẹ? 23  Nulẹpo wẹ sọgbe hẹ osẹ́n,* ṣigba e ma yin nulẹpo wẹ tindo ale. Nulẹpo wẹ sọgbe hẹ osẹ́n, ṣigba e ma yin nulẹpo wẹ nọ jlọmẹdote.+ 24  Mì gbọ mẹdopodopo ni nọ dín, e ma yin ale edetiti tọn gba, ṣigba dehe yin mẹdevo tọn.+ 25  Mì dù nudepope he nọ yin sisà to olàn-himẹ, mì sọ kàn nudepope biọ blo, na ayihadawhẹnamẹnu mìtọn wutu, 26  na “Jehovah* tọn wẹ aigba po nuhe tin to e ji lẹpo po.”+ 27  Eyin mayisenọ de basi oylọna mì bọ e jlo mì nado yì, mì dù nudepope he yin zizedonukọnna mì bo ma nọ kàn nudepope biọ blo, na ayihadawhẹnamẹnu mìtọn wutu. 28  Ṣigba, eyin mẹdepope dọna mì dọmọ, “Nuhe yin yíyí do sanvọ́ de wẹ ehe,” mì dù blo, na mẹhe hẹn ẹn zun yinyọnẹn na mì tọn wutu podọ na ayihadawhẹnamẹnu wutu.+ 29  E ma yin ayihadawhẹnamẹnu mìtọn titi hodọ wẹ yẹn te gba, ṣigba mẹdevo tọn. Na naegbọn mẹdekannujẹ ṣie dona yin whẹdana gbọn ayihadawhẹnamẹnu mẹdevo tọn dali?+ 30  Eyin yẹn to mahẹ tindo po pẹdido po, naegbọn yè nado to onú agọ̀ dọ gando go e na nuhewutu yẹn do to pẹdo lọ tọn wutu?+ 31  Enẹwutu, vlavo mì to dùdù kavi to nùnù wẹo kavi nudevo depope he mì to wiwà, mì nọ wà nulẹpo na gigo Jiwheyẹwhe tọn.+ 32  Mì lẹzun ahlidanu na Ju lẹ kavi Glẹkinu lẹ podọ na agun Jiwheyẹwhe tọn blo,+ 33  kẹdẹdile yẹn nọ to tintẹnpọn nado hẹn homẹ mẹlẹpo tọn hùn to nulẹpo mẹ do bo ma nọ to ale dee titi tọn dín,+ adavo mẹsusu tọn, na yé nido sọgan yin whinwhlẹngán.+

Nudọnamẹ Odò Tọn

Kavi “wẹ.”
Pọ́n Zẹm.
Pọ́n Zẹm.
Pọ́n Nud. A5.
Pọ́n Nud. A5.
Pọ́n Nud. A5.
Pọ́n Nud. A5.
Kavi “wẹ yin alọkẹyi.”
Pọ́n Nud. A5.