Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

1 Ahọlu lẹ 7:1-51

NUHE E BẸHẸN LẸ

  • Gigẹdẹ họ̀nmẹ Sọlomọni tọn (1-12)

  • Hilami azọ́nyọnẹntọ gọalọna Sọlomọni (13-47)

    • Dòtin gànvẹẹ tọn awe lẹ (15-22)

    • Ohù gànkinkọ̀n tọn lọ (23-26)

    • Agbàn-kẹkẹ po basia gànvẹẹ tọn 10 lẹ po (27-39)

  • Aṣọ́donu sika tọn lẹ yin tadona (48-51)

7  Owhe 13 wẹ Sọlomọni yí do gbá owhé etọn titi,+ kakajẹ whenue owhé* etọn blebu yin tadona.+  E sọ gbá Ohọ̀ Zungbo Lẹbanọni tọn+ lọ do dòtin kedali tọn lẹ ji he yin tito do ogbẹ́ ẹnẹ ji, ohọ̀ lọ sọ dite na awagbà* 100 bo gblo na awagbà 50 bosọ yiji na awagbà 30; atin kedali tọn lẹ sọ tin to dòtin lọ lẹ ji.+  Owhlẹ kedali tọn lẹ yin titẹ́ do e ji to aga to atin he yin gigla do dòtin lọ lẹ ji; popolẹpo yin 45, yèdọ 15 to haji-haji.  Fleṣe etọn lẹ yin tito do ogbẹ́ atọ̀n ji, bọ fleṣe dopodopo nọ pannukọn devo to ohá atọ̀n lọ lẹ ji.  Adà ẹnẹ họntonu po dòtin ohọ̀n tọn lọ lẹpo po tọn wẹ sọzẹn, dile fleṣe he pannukọn yede to ohá atọ̀n ji lọ lẹ te do to gbonu.  E sọ basi Agbàsẹnu* Dòtin lẹ tọn lọ he dite na awagbà 50 bo gblo na awagbà 30, podọ atọ̀họ̀ de tin to nukọn etọn he tindo dòtin lẹ po họta de po.  E sọ basi Agbàsẹnu* Ofìn+ tọn lọ, fie ewọ na nọ dawhẹ te—yèdọ Agbàsẹnu Whẹdida tọn+—yé sọ tẹ́ owhlẹ kedali tọn lẹ do e go sọn kọmẹ kaka yì ozà-tin lẹ kọ̀n.  To awánu awetọ mẹ,+ owhé* he gbè ewọ lọsu na nọ nọ̀ yin gbigbá dẹn do Agbàsẹnu* lọ, podọ anazọ́n dopolọ wẹ yè do gbá ẹ. Ewọ sọ gbá owhé he taidi Agbàsẹnu ehe nkọ de na viyọnnu Falo tọn, he Sọlomọni ko dà di asi.+  Ehe lẹpo wẹ yin gbigbá po zannu họakuẹ+ he yè jlẹ do pà lẹ po, yèdọ zannu he yè yí azọ́nwanu zannu pipà tọn lẹ do pà, sọn dodonu yiaga pete, podọ to gbonu kaka yì awánu daho lọ+ mẹ. 10  Zannu dahodaho he họakuẹ tlala lẹ wẹ yè do dó dodonu etọn; delẹ to zannu lọ lẹ mẹ klo sọ awagbà ao podọ devo lẹ, awagbà ṣinatọ̀n. 11  Zannu họakuẹ he yè jlẹ do pà lẹ sọ tin to aga ehelẹ tọn po atin kedali tọn lẹ po. 12  Zannu pipà lẹ yin tito do ogbẹ́ atọ̀n ji gọna atin kedali tọn lẹ he yin tito do haji lẹdo awánu daho lọ pé, dile e yin do na awánu homẹ tọn+ ohọ̀ Jehovah tọn po atọ̀họ̀ ohọ̀ lọ tọn po.+ 13  Ahọlu Sọlomọni dowẹn hlan Hilami+ bo hẹn ẹn wá sọn Tile. 14  Ewọ yin visunnu asuṣiọsi de tọn sọn hẹnnu Naftali tọn mẹ, bọ otọ́ etọn yin ayátọ gànvẹẹ tọn Tilenu de;+ e sọ bikan to azọ́n kọ̀n bo tindo nukunnumọjẹnumẹ+ po numimọ susu po to azọ́n gànvẹẹ tọn wunmẹ lẹpo mẹ. Enẹwutu, e wá Ahọlu Sọlomọni dè bo wazọ́n lọ lẹpo na ẹn. 15  E tùn dòtin gànvẹẹ tọn awe lẹ;+ dòtin dopodopo yiji na awagbà 18, podọ nujlẹkàn awagbà 12 tọn de wẹ sọgan lẹdo dopodopo dòtin awe lọ lẹ tọn.*+ 16  E sọ basi ota gànvẹẹ tọn awe nado yin zizedo dòtin lọ lẹ ji aga. Ota dopo yiji na awagbà atọ́n, bọ awetọ lọsu yiji na awagbà atọ́n. 17  Agbájẹ́ he yè yí gẹdẹ do lọ̀n lẹ tin to ota dòtin dopodopo tọn go;+ ṣinawe na ota tintan podọ ṣinawe na ota awetọ. 18  Ewọ sọ basi pomeglanate* he yin tito do ogbẹ́ awe ji lẹ lẹdo agbájẹ́ lọ nado tẹ́ ẹ do ota dòtin lọ lẹ tọn go; nudopolọ wẹ e basi na ota awe lẹ. 19  Ota dòtin he to atọ̀họ̀ lọ pá lẹ tọn tindo awusọhia vounvoun tọn he yiji na awagbà ẹnẹ. 20  Ota lọ lẹ tin to dòtin awe lẹ ji, to aga na ofi loboto he bọdo agbájẹ́ lọ go tlolo; pomeglanate* 200 sọ yin tito lẹdo ota dopodopo.+ 21  E sọ tùn dòtin atọ̀họ̀ tẹmpli* lọ tọn lẹ.+ E tùn dòtin adusiwhé* tọn lọ bo ylọ oyín etọn dọ Jakini,* enẹgodo e tùn dòtin amiyọnwhé* tọn lọ bo ylọ oyín etọn dọ Boazi.*+ 22  Aga dòtin lọ lẹ tọn sọ tindo awusọhia vounvoun tọn. Mọ wẹ azọ́n dòtin lẹ tọn yin tadona do. 23  Enẹgodo, e basi Ohù* gànkinkọ̀n tọn lọ.+ Ohù lọ tindo awusọhia loboto bo gblo na awagbà 10 sọn tónu de jẹ devo bosọ yiji na awagbà 5, podọ nujlẹkàn awagbà 30 tọn wẹ sọgan lẹdo e.*+ 24  Aṣọ́donu he taidi atin-sinsẹ́n loboto+ lẹ tin to odò tónu etọn tọn lẹdo pé, yèdọ ao to awagbà dopo gblamẹ lẹdo Ohù lọ pete, bọ aṣọ́donu loboto lọ lẹ tin to ogbẹ́ awe ji bo yin tùntùn do e go tlọlọ. 25  E tin to oyìnsú 12 ji,+ he 3 pannukọn agewaji, 3 pannukọn whèyihọ-waji, 3 pannukọn hùwaji bọ 3 pannukọn whèzẹtẹn-waji; yewlẹ ji wẹ Ohù lọ yin zize sinai do bọ yonu yemẹpo tọn lẹhlan ṣẹnṣẹn. 26  Titli etọn gblo sọ alọpahomẹ dopo;* tónu etọn sọ yin awuwlena taidi tónu kọfo de tọn, yèdọ taidi vounvoun de. E nọ hẹn ojlẹnu bati* tọn 2 000. 27  Enẹgodo, e basi agbàn-kẹkẹ+ gànvẹẹ tọn ao lọ lẹ.* Agbàn-kẹkẹ dopodopo dite na awagbà ẹnẹ bo gblo na awagbà ẹnẹ, e sọ yiji na awagbà atọ̀n. 28  Podọ lehe agbàn-kẹkẹ lọ lẹ yin awuwlena do die: Yé tindo gànvẹẹ plẹ́bẹ́ lẹ to adà mẹ bọ gànvẹẹ plẹ́bẹ́ lọ lẹ tin to opò he yè do gla yé lẹ ṣẹnṣẹn. 29  Yẹdide kinnikinni,+ oyìnsú po kelubimi+ lẹ po tọn tin to gànvẹẹ plẹ́bẹ́ adà mẹ tọn lọ lẹ go to opò he yè do gla yé lẹ ṣẹnṣẹn, bọ yẹdide dopolọ lẹ sọ tin to opò lọ lẹ go. Aṣọ́donu linlọ̀n lẹ tin to aga po odò po na kinnikinni lọ lẹ po oyìnsú lọ lẹ po. 30  Agbàn-kẹkẹ dopodopo sọ tindo kẹkẹfọ gànvẹẹ tọn ẹnẹ he nọ lilẹ́ to opò gànvẹẹ tọn lẹ go, bọ opò he to agosu etọn ẹnẹ lẹ mẹ wẹ hẹn yé dote. Basia lọ glọ wẹ opò he hẹn yé dote lọ lẹ te, aṣọ́donu linlọ̀n lẹ sọ yin tùntùn do dopodopo yetọn go to adà mẹ. 31  Nùvo etọn tin to aga to homẹ bo dlẹnkan yiaga na awagbà dopo; nùvo etọn sọ to loboto, podọ sọn nùvo lọ jẹ kọ̀mẹ yin awagbà dopo daa, anazọ́n lẹ sọ tin to tónu etọn. Adà ẹnẹ gànvẹẹ plẹ́bẹ́ adà mẹ tọn yetọn lẹ tọn lẹpo wẹ sọzẹn bo ma to loboto. 32  Kẹkẹfọ ẹnẹ lẹ tin to gànvẹẹ plẹ́bẹ́ adà mẹ tọn lọ lẹ glọ, nuhe hẹn kẹkẹfọ lọ lẹ dote sọ yin tùntùn do agbàn-kẹkẹ lọ go, bọ jiyiyi kẹkẹfọ dopodopo tọn yin awagbà dopo daa. 33  Kẹkẹfọ lọ lẹ sọ yin awuwlena taidi kẹkẹfọ osọ́-kẹkẹ de tọn lẹ. Gànkinkọ̀n wẹ yè do basi nuhe nọ hẹn yé dote lẹ gọna agbá, ogàn kẹkẹfọ tọn po nuhe nọ hẹn agbá dote to ṣẹnṣẹn lọ lẹpo po. 34  Opò ẹnẹ wẹ nọ hẹn agbàn-kẹkẹ lọ lẹ dopodopo dote to agosu ẹnẹ lẹ mẹ; opò lọ lẹ yin tùntùn do agbàn-kẹkẹ lọ go tlọlọ. 35  Agbàn-kẹkẹ lọ tindo kọ̀mẹ loboto de to aga he yiji na awagbà daa, podọ to aga agbàn-kẹkẹ lọ tọn, nuhe yè yí do ján ẹn lẹ po gànvẹẹ plẹ́bẹ́ adà mẹ tọn etọn lẹ po yin tùntùn do e go tlọlọ. 36  Ewọ sọ de yẹdide kelubimi lẹ, kinnikinni lẹ po odétin lẹ po tọn do nuhe yè yí do ján agbàn-kẹkẹ lọ po gànvẹẹ plẹ́bẹ́ adà mẹ tọn etọn lẹ po go to fidepope he tẹnmẹ pò te, gọna aṣọ́donu linlọ̀n lẹ lẹdo pé.+ 37  Lehe e basi agbàn-kẹkẹ ao lọ lẹ do niyẹn;+ yemẹpo wẹ yin tùntùn to aliho dopolọ mẹ+ bo tindo jijlẹ po awusọhia dopolọ po. 38  E sọ basi basia gànvẹẹ tọn ao;+ dopodopo yetọn sọgan hẹn ojlẹnu bati tọn 40. Basia dopodopo gblo na awagbà ẹnẹ. Basia dopo nọ tin na agbàn-kẹkẹ ao lọ lẹ dopodopo. 39  Enẹgodo, e bẹ agbàn-kẹkẹ atọ́n do adusiwhé ohọ̀ lọ tọn podọ atọ́n do amiyọnwhé ohọ̀ lọ tọn, e sọ ze Ohù lọ do adusiwhé ohọ̀ lọ tọn, hlan hùwaji-whèzẹtẹn tọn.+ 40  Hilami+ sọ basi basia, fẹli+ po agbán+ lẹ po. Mọ wẹ Hilami dotana azọ́n he e wà na Ahọlu Sọlomọni to ohọ̀ Jehovah tọn gbigbá mẹ lẹpo do:+ 41  yèdọ dòtin awe lẹ+ po ota dòtin awe lọ lẹ tọn po he tindo awusọhia sinnù-gbán de tọn; agbájẹ́ awe lẹ+ nado tẹ́ do ota dòtin tọn awe he tindo awusọhia sinnù-gbán de tọn lọ lẹ go; 42  pomeglanate* 400 lọ lẹ+ na agbájẹ́ awe lẹ, yèdọ pomeglanate* he yin tito do ogbẹ́ awe ji do agbájẹ́ dopodopo go nado tẹ́ yé do ota dòtin tọn awe he tindo awusọhia sinnù-gbán de tọn lọ lẹ go; 43  agbàn-kẹkẹ ao lọ lẹ+ po basia ao+ he tin to agbàn-kẹkẹ lọ lẹ ji po; 44  Ohù lọ+ po oyìnsú 12 he to oglọ na ẹn lẹ po; 45  gọna panu, fẹli, agbán po nuyizan lọ lẹpo po he Hilami yí gànvẹẹ sisẹ́ do basi na Ahọlu Sọlomọni na ohọ̀ Jehovah tọn. 46  Ahọlu yí azọ́nwanu okò tọn lẹ do tùn yé to agbegbe Jọdani tọn ji, yèdọ to Sukoti po Zaletani po ṣẹnṣẹn. 47  Sọlomọni ma dà nuyizan lọ lẹ pọ́n, na yé sù taun wutu. Zínpinpẹn gànvẹẹ lọ tọn ma tlẹ yin yinyọnẹn.+ 48  Sọlomọni basi nuyizan lọ lẹpo na ohọ̀ Jehovah tọn: yèdọ agbà+ sika tọn lọ; tafo sika tọn+ he ji akla sọhia tọn nọ yin zizedo; 49  miyọ́ngbán-tin+ he yè yí sika akú do basi lọ lẹ, yèdọ atọ́n to adusiwhé podọ atọ́n to amiyọnwhé to abò homẹ tọn lọ nukọn; osẹ́,+ miyọ́ngbán po miyọ́n-denú lọ lẹ po, he yè yí sika do basi;+ 50  basia, miyọ́n-ṣínu,+ agbán, kọfo+ po miyọ́n-hẹnnú+ lọ lẹ po, he yè yí sika akú do basi; gọna oslò lẹ na ohọ̀n abò lọ tọn lẹ,+ enẹ wẹ Fiwiwe Gbaugbau lọ, podọ na ohọ̀n ohọ̀ tẹmpli lọ tọn lẹ,+ he yè yí sika do basi. 51  Mọ wẹ Ahọlu Sọlomọni dotana azọ́n he e dona wà gando ohọ̀ Jehovah tọn gbigbá go lọ lẹpo do niyẹn. Enẹgodo, Sọlomọni bẹ nuhe Davidi otọ́ etọn ko klandowiwe lẹ+ wá bo ze fataka lọ, sika lọ po núzinzan lọ lẹ po do adọkunnu sẹdotẹn ohọ̀ Jehovah tọn mẹ.+

Nudọnamẹ Odò Tọn

Kavi “họ̀nmẹ.”
Awagbà dopo sọzẹn hẹ cm 44,5. Pọ́n Nud. B14.
Kavi “Atọ̀họ̀.”
Kavi “Atọ̀họ̀.”
Kavi “họ̀nmẹ.”
To paa mẹ, “ohọ̀ Agbàsẹnu lọ tọn.”
Kavi “podọ dòtin awe lọ lẹ dopodopo gblo na awagbà 12.”
Atin-sinsẹ́n de he nọ tindo sinmẹ taidi vẹẹ bo nọ di pọmu. Pọ́n Zẹm.
Atin-sinsẹ́n de he nọ tindo sinmẹ taidi vẹẹ bo nọ di pọmu. Pọ́n Zẹm.
Tofi e to alọdlẹndo Fiwiwe lọ.
Kavi “hùwaji.”
Zẹẹmẹdo “Na Ewọ [enẹ wẹ, Jehovah] Ni Hẹn Lodo Gligli.”
Kavi “agewaji.”
Vlavo zẹẹmẹdo “To Huhlọn Mẹ.”
Kavi “nuhẹnnú.”
Kavi “podọ e gblo na awagbà 30.”
Nudi cm 7,4. Pọ́n Nud. B14.
Bati dopo sọzẹn hẹ L 22. Pọ́n Nud. B14.
Kavi “osọ́-kẹkẹ gànvẹẹ tọn ao lẹ he nọ hẹn osin.”
Atin-sinsẹ́n de he nọ tindo sinmẹ taidi vẹẹ bo nọ di pọmu. Pọ́n Zẹm.
Atin-sinsẹ́n de he nọ tindo sinmẹ taidi vẹẹ bo nọ di pọmu. Pọ́n Zẹm.