Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

1 Ahọlu lẹ 4:1-34

NUHE E BẸHẸN LẸ

  • Mẹhe gandudu Sọlomọni tọn bẹhẹn lẹ (1-19)

  • Adọkun to gandudu Sọlomọni tọn glọ (20-28)

    • Hihọ́ to vẹntin po ovòtin po sá (25)

  • Nuyọnẹn po howhinwhẹn Sọlomọni tọn lẹ po (29-34)

4  Ahọlu Sọlomọni sọ dugán do Islaeli pete ji.+  Ahọluzọnwatọ nukundeji* etọn lẹ die: Azaliahu visunnu Zadọki tọn+ wẹ yin yẹwhenọ;  Eliholẹfi po Ahija po he yin visunnu Ṣiṣa tọn lẹ wẹ yin wekantọ;+ Jehoṣafati+ visunnu Ahiludi tọn wẹ yin kandai-basitọ;  Bẹnaia+ visunnu Jehoiada tọn wẹ yin ogán awhànpa lọ tọn; Zadọki po Abiatali+ po yin yẹwhenọ lẹ;  Azaliahu visunnu Natani+ tọn wẹ yin ogán nukunpedonugotọ lẹ tọn; Zabudi visunnu Natani tọn yin yẹwhenọ podọ họntọn ahọlu tọn;+  Ahiṣali wẹ nọ penukundo whédo lọ go; Adonilami+ visunnu Abda tọn wẹ yin nukọntọ na mẹhe yin dide na azọ́n sinsinyẹn wiwà lẹ.+  Sọlomọni de nukunpedonugotọ 12 he nọ wleawu núdùdù tọn na ahọlu po whédo etọn po do Islaeli pete ji. Dopodopo yetọn nọ penukundo awuwiwlena núdùdù go na osun dopo to whemẹ.+  Yinkọ yetọn lẹ die: Visunnu Huuli tọn, to lẹdo osó tọn Eflaimi tọn mẹ;  visunnu Dekẹli tọn, to Makazi, Ṣaalbimi,+ Bẹti-ṣemẹṣi po Elọni-bẹti-hanani po; 10  visunnu Hẹsedi tọn, to Aluboti (ewọ wẹ yin dide do Sokohi po aigba Hefeli tọn pete po ji); 11  visunnu Abinadabi tọn, to dòdòmẹ Dọli tọn pete (Tafati viyọnnu Sọlomọni tọn sọ lẹzun asi etọn); 12  Baana visunnu Ahiludi tọn, to Taanaki, Mẹgido,+ gọna Bẹti-ṣeani+ pete he to Zaletani pá to odò Jezleẹli tọn, sọn Bẹti-ṣeani yì Abẹli-mẹhola podọ yì agbegbe Jọkmeami+ tọn ji; 13  visunnu Gebẹli tọn, to Lamọti-giliadi+ (ewọ wẹ yin dide do gbétatò Jaili+ visunnu Manasse tọn lẹ tọn he gọ́ na gòhọ lẹ ji, ehe tin to Giliadi;+ e sọ yin dide do agbegbe Algobi+ tọn ji to Baṣani:+ yèdọ tòdaho 60 he tindo adó lẹ po dòtin gànvẹẹ tọn lẹ po); 14  Ahinadabi visunnu Ido tọn, to Mahanaimi;+ 15  Ahimaazi, to Naftali (ewọ sọ dà Basemati he yin viyọnnu Sọlomọni tọn devo di asi); 16  Baana visunnu Huṣai tọn, to Aṣeli po Bealọti po; 17  Jehoṣafati visunnu Palua tọn, to Isakali; 18  Ṣimei+ visunnu Ela tọn, to Bẹnjamini;+ 19  Gebẹli visunnu Uli tọn, to aigba Giliadi+ tọn ji, aigba Sihọni+ ahọlu Amolinu lẹ tọn po Ogi+ ahọlu Baṣani tọn po. Nukunpedonugotọ devo sọ tin he yin dide do nukunpedonugotọ aigba lọ tọn ehe lẹpo ji. 20  Juda po Islaeli po sù di tọkẹ́n ohù tọn lẹ;+ yé nọ to dùdù bo nọ to nùnù bosọ nọ to ayajẹ.+ 21  Sọlomọni dugán do ahọluduta lọ lẹpo ji sọn Tọ̀sisa* lọ kọ̀n+ yì aigba Filistinu lẹ tọn ji podọ jẹ dogbó Egipti tọn kọ̀n. Yé nọ hẹn takuẹ wá bo nọ wadevizọn na Sọlomọni to gbẹzan etọn lẹpo mẹ.+ 22  Núdùdù egbesọ tọn na whédo Sọlomọni tọn wẹ linfin dagbedagbe ojlẹnu kọli* tọn 30 gọna linfin ojlẹnu kọli tọn 60, 23  oyìn dojó 10, oyìn 20 sọn kanlindugbo mẹ, podọ lẹngbọ 100, gbọnvona agbanlin, otẹgbọẹ, olùwa po ohẹ̀ dojó lẹ po. 24  Na ewọ wẹ paṣẹ do nulẹpo ji to awà Tọ̀sisa lọ tọn ehe ji,*+ yèdọ sọn Tifsa yì Gaza,+ gọna ahọlu he to awà Tọ̀sisa lọ tọn ehe ji lẹpo; e sọ tin to jijọho mẹ hẹ mẹhe tin to agbegbe he lẹdo e pé lẹpo ji lẹ.+ 25  To gbẹwhenu Sọlomọni tọn pete, Juda po Islaeli po nọ nọ̀ hihọ́ mẹ, yèdọ mẹdopodopo to vẹntin etọn titi sá podọ to ovòtin etọn titi sá, sọn Dani kaka yì Beẹli-ṣeba. 26  Sọlomọni sọ tindo apó osọ́ lẹ tọn 4 000* na osọ́-kẹkẹ etọn lẹ gọna osọ́* 12 000.+ 27  Nukunpedonugotọ ehelẹ nọ wleawu núdùdù tọn na Ahọlu Sọlomọni podọ na mẹhe nọ dùnú to tafo Ahọlu Sọlomọni tọn ji lẹpo. Dopodopo yetọn tindo osun he yin didena ẹn bọ yé nọ hẹn ẹn diun dọ nude ma whè.+ 28  Yé sọ nọ bẹ balekun po núyọ po yì fidepope he nuhudo etọn tin te na osọ́ lẹ po pipli osọ́ tọn he nọ dọ̀n kẹkẹ lẹ po, sọgbe hẹ nuhe yin didena mẹdopodopo. 29  Jiwheyẹwhe sọ na nuyọnẹn po wuntuntun po Sọlomọni taun bosọ hẹn ahun etọn gọ́ na zinzin kẹdẹdi tọkẹ́n he to huto lẹ.+ 30  Nuyọnẹn Sọlomọni tọn zẹ̀ nuyọnẹn omẹ Whèzẹtẹn tọn lẹpo tọn po nuyọnẹn Egipti tọn+ pete po go. 31  E yọnnuin hú gbẹtọvi devo depope bo tlẹ sọ yọnnuin hú Etani+ Ezlanu lọ, gọna Hemani,+ Kalkoli+ po Dalda po he yin visunnu Mahọli tọn lẹ; yindidi etọn sọ gbàpe gbọn akọta he lẹdo e pé lẹpo mẹ.+ 32  E pà* howhinwhẹn+ 3 000 podọ sọha ohàn+ etọn lẹ tọn yì 1 005. 33  E nọ dọho gando atin lẹ go, yèdọ sọn kedali Lẹbanọni tọn ji jẹ hisọpu+ he nọ wú do adógo ji; e sọ nọ dọho gando kanlin lẹ,+ ohẹ̀* lẹ,+ nutogbẹ̀ he nọ lìn* lẹ+ po whèvi lẹ po go. 34  Gbẹtọ lẹ nọ wá sọn akọta lẹpo mẹ nado dotoaina nuyọnẹn Sọlomọni tọn, yèdọ kakajẹ ahọlu lẹ ji sọn awà aigba tọn lẹpo ji he ko sè dogbọn nuyọnẹn etọn dali.+

Nudọnamẹ Odò Tọn

Kavi “Ahọvi.”
Enẹ wẹ, Euflate.
Kọli dopo sọzẹn hẹ L 220. Pọ́n Nud. B14.
Enẹ wẹ, whèyihọ-waji Euflate tọn.
Sọha ehe wẹ tin to alọnuwe hoho delẹ po kandai he dọhodo whẹho dopolọ ji lẹ po mẹ. Alọnuwe devo lẹ kàn 40 000.
Kavi “osọ́nọ.”
Kavi “dọ.”
Kavi “nudida he nọ zlọn.”
Vlavo ehe bẹ kanlin he nọ lìn lẹ po wánvú lẹ po hẹn.