Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

1 Ahọlu lẹ 16:1-34

NUHE E BẸHẸN LẸ

  • Whẹdida Jehovah tọn sọta Baaṣa (1-7)

  • Elahi, ahọlu Islaeli tọn (8-14)

  • Zimli, ahọlu Islaeli tọn (15-20)

  • Omli, ahọlu Islaeli tọn (21-28)

  • Ahabi, ahọlu Islaeli tọn (29-33)

  • Hiẹli vọ́ Jẹliko gbá (34)

16  Ohó Jehovah tọn sọta Baaṣa wá Jehu+ visunnu Hanani+ tọn dè dọmọ:  “Yẹn ze we ṣite sọn kọ́gudu mẹ bo yí we do basi nukọntọ do Islaeli omẹ ṣie lẹ ji,+ ṣigba hiẹ zindonukọn nado to zọnlinzin gbọn aliho Jeloboami tọn ji bo hẹn Islaeli omẹ ṣie lẹ nado waylando sọmọ bọ yé ko yí ylando yetọn lẹ do hẹn homẹgble mi.+  Enẹwutu, yẹn na zà Baaṣa po whédo etọn po sẹ̀ mlẹnmlẹn, yẹn nasọ hẹn whédo etọn tin taidi whédo Jeloboami visunnu Nebati tọn.+  Omẹ Baaṣa tọn depope he kú to tòdaho lọ mẹ, avún lẹ wẹ na dù i; podọ omẹ etọn depope he kú to danji, ohẹ̀ agahomẹ tọn lẹ wẹ na dù i.”  Na nuhe dù otàn Baaṣa tọn he pò, yèdọ nuhe e wà lẹ po huhlọn he e dohia po, be e ma yin kinkan do owe whenuho ahọlu Islaeli tọn lẹ tọn mẹ ya?  Baaṣa sọ yin hinhẹn nado mlọnai hẹ tọgbo etọn lẹ bo yin dìdì do Tilza;+ Elahi visunnu etọn sọ lẹzun ahọlu do otẹn etọn mẹ.  Humọ, ohó Jehovah tọn wá yẹwhegán Jehu visunnu Hanani tọn dè sọta Baaṣa po whédo etọn po, na oylan lọ lẹpo he ewọ ko wà to nukun Jehovah tọn mẹ bo yí azọ́n alọ etọn tọn lẹ do hẹn homẹgble e bosọ gbọnmọ dali yinuwa di whédo Jeloboami tọn wutu, podọ na ewọ ko hù i* wutu.+  To owhe 26tọ Ahọlu Asa Juda tọn mẹ, Elahi visunnu Baaṣa tọn lẹzun ahọlu do Islaeli ji to Tilza, e sọ dugán na owhe awe.  Devizọnwatọ etọn Zimli, he yin ogán na mado-awe awhànfuntọ etọn he nọ kùn osọ́-kẹkẹ lẹ tọn, blasé do e go to whenue ewọ to Tilza bo to ahànnumu to ohọ̀ Alza tọn mẹ, yèdọ mẹhe nọ penukundo whédo lọ go to Tilza. 10  Zimli biọ ohọ̀ lọ mẹ bo linú in bosọ hù i+ to owhe 27tọ Ahọlu Asa Juda tọn mẹ, ewọ sọ lẹzun ahọlu do otẹn etọn mẹ. 11  Tlolo he e duahọlu bo sinai do ofìn etọn ji, e hù mẹhe to whédo Baaṣa tọn mẹ lẹpo. E ma pò sunnu* dopo tata dogbẹ̀, vlavo sọn hẹnnumẹ* etọn lẹ mẹ kavi sọn họntọn etọn lẹ mẹ. 12  Gbọnmọ dali, Zimli sukúndona whédo Baaṣa tọn pete, sọgbe hẹ nuhe Jehovah ko dọ sọta Baaṣa gbọn yẹwhegán Jehu gblamẹ.+ 13  Ehe yinmọ, na ylando he Baaṣa po visunnu etọn Elahi po ko wà lẹpo wutu gọna ylando he yé ko hẹn Islaeli nado wà gbọn boṣiọ ovọ́ yetọn lẹ yíyí do hẹn homẹgble Jehovah Jiwheyẹwhe Islaeli tọn dali.+ 14  Na nuhe dù otàn Elahi tọn he pò, yèdọ nuhe e wà lẹpo, be e ma yin kinkan do owe whenuho ahọlu Islaeli tọn lẹ tọn mẹ ya? 15  To owhe 27tọ Ahọlu Asa Juda tọn mẹ, Zimli duahọlu na azán ṣinawe to Tilza to ojlẹ he mẹ awhànfuntọ lẹ yì dosla nado funawhàn hẹ Gibetọni+ Filistinu lẹ tọn te. 16  To godo mẹ, awhànfuntọ he yì dosla lọ lẹ sè bọ gbẹtọ lẹ to didọ dọ: “Zimli ko blasé bo ko sọ hù ahọlu.” Enẹwutu, omẹ Islaeli tọn lẹpo yí Omli+ he yin ogán awhànpa lọ tọn do doahọlu do Islaeli ji to gbenẹgbe to osla lọ mẹ. 17  Omli po omẹ Islaeli tọn lẹpo po hẹji sọn Gibetọni bo yì dosla do Tilza. 18  Whenue Zimli mọdọ tòdaho lọ ko yin yíyí, e biọ atọ̀họ̀ gángán he to owhé* ahọlu tọn gbè lọ mẹ bo domiyọ́n ohọ̀ lọ do ota na ede, e sọ kú.+ 19  Ehe yinmọ, na ylando he ewọ lọsu ko wà lẹ wutu dile e wà nuhe ylan to nukun Jehovah tọn mẹ gbọn zọnlinzinzin to aliho Jeloboami tọn ji dali, podọ na ylando he e ko hẹn Islaeli nado wà wutu.+ 20  Na nuhe dù otàn Zimli tọn he pò gọna sébibla etọn, be e ma yin kinkan do owe whenuho ahọlu Islaeli tọn lẹ tọn mẹ ya? 21  Whenẹnu wẹ omẹ Islaeli tọn lẹ má do ogbẹ́ awe ji. Apadewhe gbẹtọ lọ lẹ tọn jẹ Tibni visunnu Ginati tọn hodo ji bo jlo na yí i do doahọlu, bọ apá awetọ hodo Omli. 22  Ṣigba, mẹhe to Omli hodo lẹ duto mẹhe to Tibni visunnu Ginati tọn hodo lẹ ji. Tibni sọ kú bọ Omli duahọlu. 23  To owhe 31tọ Ahọlu Asa Juda tọn mẹ, Omli lẹzun ahọlu do Islaeli ji, e sọ dugán na owhe 12. Owhe ṣidopo wẹ e do dugán to Tilza. 24  E họ̀ osó Samalia tọn sọn Ṣemẹli si yin talẹnti* fataka tọn awe, e sọ gbá tòdaho de do osó lọ ji. E ylọ oyín tòdaho he e gbá lọ tọn dọ Samalia,*+ sọgbe hẹ yinkọ Ṣemẹli he tindo* osó lọ dai tọn. 25  Omli zindonukọn nado to nuhe ylan to nukun Jehovah tọn mẹ lẹ wà, e sọ ylanhu mẹhe ko jẹnukọnna ẹn lẹpo.+ 26  E zinzọnlin gbọn aliho Jeloboami visunnu Nebati tọn lẹpo ji podọ to ylando he ewọ ko hẹn Islaeli nado wà lọ mẹ gbọn yẹwhe ovọ́ yetọn lẹ yíyí do hẹn homẹgble Jehovah Jiwheyẹwhe Islaeli tọn dali.+ 27  Na nuhe dù otàn Omli tọn he pò, yèdọ nuhe e wà lẹ po huhlọn daho he e dohia po, be e ma yin kinkan do owe whenuho ahọlu Islaeli tọn lẹ tọn mẹ ya? 28  Enẹgodo, Omli yin hinhẹn nado mlọnai hẹ tọgbo etọn lẹ bo yin dìdì do Samalia; visunnu etọn Ahabi+ sọ lẹzun ahọlu do otẹn etọn mẹ. 29  To owhe 38tọ Ahọlu Asa Juda tọn mẹ, Ahabi visunnu Omli tọn lẹzun ahọlu do Islaeli ji, Ahabi visunnu Omli tọn sọ dugán do Islaeli ji to Samalia+ na owhe 22. 30  Ahabi visunnu Omli tọn sọ ylan to nukun Jehovah tọn mẹ hú mẹhe ko jẹnukọnna ẹn lẹpo.+ 31  Taidi dọ onú vlẹkẹsẹ de wẹ e yin nado zinzọnlin gbọn ylando Jeloboami+ visunnu Nebati tọn tọn lẹ mẹ wẹ nkọ, e sọ dà Jezebẹli+ viyọnnu Etibaali he yin ahọlu Sidoninu+ lẹ tọn bo jẹ Baali sẹ̀n ji+ bosọ nọ dẹ́ do odò na ẹn. 32  Humọ, e do agbà de na Baali do ohọ̀* Baali tọn+ he e gbá do Samalia lọ mẹ. 33  Ahabi sọ basi dòtin wiwe* lọ.+ Ahabi wà nuhe hẹn homẹgble Jehovah Jiwheyẹwhe Islaeli tọn hú ahọlu Islaeli tọn he ko jẹnukọnna ẹn lẹpo. 34  To azán etọn lẹ gbè, Hiẹli Bẹtẹlinu lọ vọ́ Jẹliko gbá. Viplọnji etọn Abilami kú to whenue e do dodonu etọn ai, podọ pòdevi etọn Segubi kú to whenue e do họngbo etọn lẹ, sọgbe hẹ ohó he Jehovah ko dọ gbọn Jọṣua visunnu Nuni tọn gblamẹ.+

Nudọnamẹ Odò Tọn

Enẹ wẹ, Nadabi, visunnu Jeloboami tọn.
To paa mẹ, “mẹdepope he nọ hú adọ́ do adó go.” Hogbe vlẹko tọn de to Heblugbe mẹ he nọ dlẹnalọdo sunnu.
Kavi “ahọsuyitọ ohùn tọn.”
Kavi “họ̀nmẹ.”
Talẹnti dopo sọzẹn hẹ kg 34,2. Pọ́n Nud. B14.
Zẹẹmẹdo “Nutindo Akọ̀ Ṣemẹli tọn.”
To paa mẹ, “he yin oklunọ.”
Kavi “tẹmpli.”
Pọ́n Zẹm.