Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

Ẹzla 3:1-13

NUHE E BẸHẸN LẸ

  • Agbà lọ vivọ́ do po avọ́sinsan lẹ po (1-7)

  • Tẹmpli lọ vivọgbá bẹjẹeji (8, 9)

  • Dodonu tẹmpli lọ tọn yin didoai (10-13)

3  To osun ṣinawetọ mẹ,+ to whenue Islaelivi* lẹ ko tin to tòdaho yetọn lẹ mẹ, yé bẹ yede pli dopọ to Jelusalẹm.  Jeṣua+ visunnu Jehozadaki tọn, yẹwhenọ hatọ etọn lẹ, Zelubabẹli+ visunnu Ṣealtiẹli+ tọn po nọvisunnu etọn lẹ po fọ́n bo do agbà Jiwheyẹwhe Islaeli tọn lọ tọn, na yé nido sọgan nọ basi avọ́sinsan mimẹ̀ lẹ to e ji, dile e yin kinkandai to Osẹ́n Mose omẹ Jiwheyẹwhe nugbo lọ tọn+ mẹ do.  Enẹwutu, yé do agbà lọ do otẹn etọn hoho lọ mẹ, dile etlẹ yindọ yé to budina mẹhe nọ nọ̀ otò he lẹdo yé pé lẹ mẹ lẹ,+ yé sọ jẹ avọ́sinsan mimẹ̀ lẹ basi hlan Jehovah ji to e ji, yèdọ avọ́sinsan mimẹ̀+ afọnnu tọn po whèjai tọn lẹ po.  Yé sọ basi Hùnwhẹ Gòhọtúntún* lẹ tọn sọgbe hẹ nuhe yin kinkandai,+ podọ to azán lẹpo gbè, yé nọ basi avọ́sinsan mimẹ̀ sọha he yin bibiọ egbesọegbesọ lọ lẹ.+  Enẹgodo, yé nọ basi avọ́nunina mimẹ̀ gbesisọ mẹ tọn+ lọ, avọ́nunina osun yọyọ lẹ+ tọn lẹ po avọ́nunina hùnwhẹ wiwe+ Jehovah tọn lẹpo tọn lẹ po, gọna avọ́nunina he mẹdepope desọn ojlo mẹ do basi+ hlan Jehovah lẹ.  Sọn azán tintan osun ṣinawetọ tọn gbè,+ yé jẹ avọ́sinsan mimẹ̀ lẹ basi hlan Jehovah ji, mahopọnna dọ dodonu tẹmpli Jehovah tọn lọ tọn ma ko yin didoai.  Yé na akuẹ zannu-pàtọ+ lẹ po anazọ́nwatọ+ lẹ po, bosọ na núdùdù, ahàn po amì po Sidoninu lẹ po Tilenu lẹ po nado hẹn owhlẹ kedali tọn lẹ wá gbọn ohù ji sọn Lẹbanọni yì Jọpa,+ dile Ahọlu Kilusi Pẹlsia tọn ko nagbè yé do.+  To owhe awetọ mẹ, whenue yé ko lẹkọwa ohọ̀ Jiwheyẹwhe nugbo lọ tọn mẹ to Jelusalẹm, to osun awetọ mẹ godo, Zelubabẹli visunnu Ṣealtiẹli tọn, Jeṣua visunnu Jehozadaki tọn po nọvisunnu yetọn he pò lẹ po, yẹwhenọ lẹ po Levinu lẹ po, gọna mẹhe ko lẹkọwa Jelusalẹm sọn kanlinmọgbenu lẹpo+ bẹ azọ́n lọ jẹeji; yé de Levinu he tindo owhe 20 podọ humọ lẹ nado nọ penukundo azọ́n ohọ̀ Jehovah tọn lọ tọn go.  Enẹwutu, Jeṣua, visunnu etọn lẹ po nọvisunnu etọn lẹ po, Kadmiẹli po visunnu etọn lẹ po, gọna visunnu Juda tọn lẹ pli dopọ nado nọ deanana mẹhe to azọ́n ohọ̀ Jiwheyẹwhe nugbo lọ tọn wà lẹ, to pọmẹ hẹ visunnu Henadadi+ tọn lẹ, visunnu yetọn lẹ po nọvisunnu yetọn lẹ po, yèdọ Levinu lẹ. 10  Whenue họ̀gbátọ lẹ ko do dodonu tẹmpli Jehovah tọn lọ tọn ai,+ enẹgodo wẹ yẹwhenọ lẹ he do avọ̀ tẹmpli mẹ tọn yetọn lẹ bo hẹn opẹ̀n+ lẹ fọnṣite, gọna Levinu lẹ, visunnu Asafi tọn lẹ he hẹn ajogàn lẹ, nado pà Jehovah sọgbe hẹ anademẹ he Ahọlu Davidi Islaeli tọn ko na.+ 11  Yé sọ jẹ ohàn yí na yedelẹ ji+ bo to Jehovah pà bosọ to pẹdona ẹn dọ, “na ewọ yọ́n; owanyi nugbo etọn hlan Islaeli na gbọṣi aimẹ kakadoi.”+ To whenẹnu, gbẹtọ lọ lẹpo yí ogbè lélé do pà Jehovah, na dodonu ohọ̀ Jehovah tọn lọ tọn ko yin didoai wutu. 12  Susu yé mẹhe yin yẹwhenọ, Levinu po nukọntọ whédo otọ́ lẹ tọn po—yèdọ sunnu mẹhomẹ he ko mọ ohọ̀ hoho lọ+ lẹ—viavi po ogbè lélé po to whenue yé mọ bọ dodonu ohọ̀ ehe tọn to yinyin didoai, dile mẹsusu devo lẹ yí ayajẹ daho do dawhá po ogbè lélé po.+ 13  Enẹwutu, gbẹtọ lẹ ma sọgan yọ́n awhágbe ayajẹ tọn lẹ dovo na awhágbe avi tọn lẹ, na gbẹtọ lẹ to awhádo po ogbè lélé po sọmọ bọ yè sọgan sè ogbè yetọn sọn fihe dẹn taun.

Nudọnamẹ Odò Tọn

To paa mẹ, “visunnu Islaeli tọn.”
Kavi “Bẹtẹn Ojlẹ Gli tọn.”