Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN

 KANBIỌ 6

Dọdai Tẹlẹ Wẹ Biblu Dọ Gando Mẹsia lọ Go?

DỌDAI

“Hiẹ, Bẹtlẹhẹm Eflata E, . . . hiẹ mẹ wẹ mẹhe na dugán to Islaeli na tọ́n sọn na mi.”

Mika 5:2

HẸNDI

“To whenuena Jesu ko yin jiji to Bẹtlẹhẹm Jude tọn to azán Hẹlọdi ahọlu lọ tọn lẹ gbè godo, pọ́n! sunwhlẹvu-pọntọ lẹ sọn Whèzẹtẹn-waji wá Jelusalẹm.”

Matiu 2:1

DỌDAI

“Yé má awù ṣie lẹ to yede ṣẹnṣẹn, yé sọ de ovò do avọ̀ ṣie lẹ ji.”

Salmu lẹ 22:18

HẸNDI

“Todin, whenue awhànfuntọ lẹ ko whè Jesu do pòtin go, yé yí awugbó etọn lẹ bo má do ẹnẹ, . . . Ṣigba, awù odò tọn lọ ma tindo titọ̀tẹn de, na e yin linlọ̀n sọn aga wá odò. Enẹwutu, yé dọna ode awetọ dọmọ: ‘Mì gbọ mí ni ma tlẹ́n ẹn blo, ṣigba mì gbọ mí ni de ovò nado yọ́n mẹhe tọn e na yin.’”

Johanu 19:23, 24

 DỌDAI

“Ewọ nọ to hihọ́-basina ohú etọn lẹpo; depope to yé mẹ ma yin gbigbà.”

Salmu lẹ 34:20

HẸNDI

“Yé wá Jesu dè bo mọdọ e ko kú, enẹwutu yé ma wẹ́n afọ etọn lẹ.”

Johanu 19:33

DỌDAI

“Yè sọnú in na sẹ́nhẹngba mítọn wutu.”

Isaia 53:5

HẸNDI

“Dopo to awhànfuntọ lọ lẹ mẹ sọ́ owhán adà mẹ na ẹn, podọ to afọdopolọji ohùn po osin po tọ́njẹgbonu.”

Johanu 19:34

DỌDAI

“Yé . . . sú azọ́nkuẹ ṣie mi, yèdọ fataka-kuẹ 30.”

Zekalia 11:12, 13

HẸNDI

“Enẹgodo, dopo to Omẹ Wiawe lẹ mẹ, he nọ yin Juda Iskaliọti, yì yẹwhenọgán lẹ dè bo dọmọ: ‘Etẹwẹ mì na na mi na yẹn nido de e hia na mì?’ Yé kọngbedopọ hẹ ẹ do fataka-kuẹ 30 ji.”

Matiu 26:14, 15; 27:5