Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN

 KANBIỌ 7

Dọdai Tẹlẹ Wẹ Biblu Dọ Gando Azán Mítọn Go?

“Na akọta na fọ́n do akọta ji podọ ahọluduta do ahọluduta ji . . . Onú ehe lẹpo wẹ bẹjẹeji awufiẹsa he taidi ajipanu tọn lẹ.”

Matiu 24:7, 8

“Yẹwhegán lalo susu nasọ fọ́n bo na hẹn mẹsusu buali; podọ na jideji sẹ́nhẹngba tọn wutu, owanyi suhugan gbẹtọ lẹ tọn na miọn.”

Matiu 24:11, 12

“To whenue mì sè awhàn zingidi po awhàn linlin lẹ po, mì dibu blo; onú ehelẹ dona jọ, ṣigba opodo lọ ma ko yin din gba.”

Malku 13:7

“Aigba sisọsisọ daho lẹ na tin, núdùdù whèdomẹ lẹ po azọ̀nylankan lẹ po na tin sọn fide jẹ fide; podọ nujijọ dobu lẹ na tin, ohia daho lẹ nasọ tin sọn olọn.”

Luku 21:11

 “To azán godo tọn lẹ mẹ, ojlẹ awusinyẹn tọn he vẹawu nado pehẹ lẹ na wá tin. Na gbẹtọ lẹ na yin wanyina mẹdetiti tọ́, wanyina akuẹtọ, awagundotọ, saklanọ, nùzantọ, tolivẹ do mẹjitọ lẹ go tọ́, mayọndagbenọ, nugbomadọtọ, owanyi jọwamọ tọn matindotọ, gbigbọ gbekọndopọ tọn matindotọ, mẹhẹngbletọ, wazẹjlẹgonọ, kanylantọ, owanyi dagbewà tọn matindotọ, mẹdehiatọ, tasinyẹntọ, mẹhe nọ gbọn kikla dali yigo, wanyina gbẹdudu tọ́ kakati nido yin wanyina Jiwheyẹwhe tọ́, mẹhe tindo awusọhia jijọ-di-Jiwheyẹwhe tọn, ṣigba bo mọ́n huhlọn etọn.”

2 Timoti 3:1-5