Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Matiu 6:1-34

6  “Mì payi tlala dọ mì do dodowiwa mìtọn hia to gbẹtọ lẹ nukọn, nado sọgan yin mimọ gbọn yé dali blo; eyin e ma yinmọ mì ma na tindo ale de sọn Otọ́ mìtọn he tin to olọn mẹ dè.  Enẹwutu, to whenuena hiẹ jei nunina lẹblanu tọn lẹ na gbé, a kún opẹ̀n to nukọn towe blo, kẹdẹdile yẹnuwatọ lẹ nọ wà do to sinagọgu lẹ mẹ podọ to tòhomẹ-liho lẹ ji, na yé nido sọgan yin gigopana gbọn gbẹtọ lẹ dali. Nugbo wẹ yẹn dọna mì, Yé ko mọ ale yetọn yí to gigọ́ mẹ.  Ṣigba, hiẹ, to whenuena hiẹ to nunina lẹblanu tọn lẹ na, a dike amiyọnlọ towe yọ́n nuhe adusilọ towe to wiwà blo,  na nunina lẹblanu tọn towe lẹ nido sọgan yin to nuglọ; to whenẹnu, Otọ́ towe he nọ mọnú to nuglọ na suahọ etọn we.  “Mọdopolọ, to whenuena mì to dẹ̀ho, mì ma dona taidi yẹnuwatọ lẹ; na yé yiwanna nado nọ ṣite do hodẹ̀ to sinagọgu lẹ mẹ podọ to aliklan alihogbó lẹ tọn ji nado yin mimọ gbọn gbẹtọ lẹ dali. Nugbo wẹ yẹn dọna mì, Yé ko mọ ale yetọn yí to gigọ́ mẹ.  Ṣigba, hiẹ, to whenuena hiẹ to dẹ̀ho, biọ abò towe mẹ podọ, to whenuena hiẹ ko sú ohọ̀n towe godo, hodẹ̀ hlan Otọ́ towe he tin to fiwhiwhlá; to whenẹnu, Otọ́ towe he nọ mọnú to nuglọ na suahọ etọn we.  Ṣigba, to whenuena mì to dẹ̀ho, mì dọ dọvọdọ onú dopolọ lẹ tọn kẹdẹdile omẹ akọta lẹ tọn nọ wà do blo, na yé nọ lẹndọ ohó susu didọ wẹ na zọ́n bọ odẹ̀ yetọn na yin sisè.  Enẹwutu, mì basi di yewlẹ blo, na Jiwheyẹwhe Otọ́ mìtọn yọ́n nuhe mì tindo nuhudo etọn lẹ, yèdọ whẹpo mì tlẹ do biọ sọn e dè.  “Enẹwutu, lehe mìwlẹ dona nọ hodẹ̀ do die: “‘Otọ́ mítọn he tin to olọn mẹ, na oyín towe ni yin kinklandowiwe. 10  Na ahọluduta towe ni wá. Na ojlo towe ni yin wiwà, kẹdẹdi to olọn mẹ, mọdopolọ to aigba ji. 11  Na núdùdù* mítọn egbehe tọn mí to egbé; 12  podọ jo ahọ́ mítọn lẹ na mí, dile míwlẹ ko jona ahọ́tọnọ mítọn lẹ do ga. 13  Podọ a hẹn mí biọ whlepọn mẹ blo, ṣigba whlẹn mí sọn mẹylankan lọ si.’ 14  “Na eyin mì jo sẹ́nmẹjijẹ gbẹtọ lẹ tọn na yé, Otọ́ mìtọn olọn tọn na jona mì ga; 15  ṣigba eyin mì ma jo sẹ́nmẹjijẹ gbẹtọ lẹ tọn na yé, mọdopolọ Otọ́ mìtọn olọn tọn ma na jo sẹ́nmẹjijẹ mìtọn lẹ na mì. 16  “To whenuena mì to nùbla, mì sọ hẹn nukunmẹ kúṣiọ di yẹnuwatọ lẹ ba blo, na yé nọ diọ awusọhia nukunmẹ yetọn tọn na gbẹtọ lẹ nido sọgan mọdọ yé to nùbla. Nugbo wẹ yẹn dọna mì, Yé ko mọ ale yetọn yí to gigọ́ mẹ. 17  Ṣigba, hiẹ, to whenuena hiẹ to nùbla, sá amisisa do ota towe bo fún nukunmẹ towe, 18  na hiẹ nido sọawuhia taidi mẹhe to nùbla, e ma yin hlan gbẹtọ lẹ gba, ṣigba hlan Otọ́ towe he tin to fiwhiwhlá; to whenẹnu, Otọ́ towe he nọ mọnú to nuglọ na suahọ etọn we. 19  “Mì sọ bẹ adọkunnu lẹ pli na mìde do aigba ji ba blo, fie okọ́ nọ dùnú bọ onú lẹ nọ jẹkò te, podọ fie ajotọ lẹ nọ gbò adó bo nọ fìnnú te. 20  Kakatimọ, mì bẹ adọkunnu lẹ pli na mìde do olọn mẹ, fie okọ́ ma nọ dùnú bọ onú lẹ ma nọ jẹkò te, podọ fie ajotọ lẹ ma nọ gbò adó bo nọ fìnnú te. 21  Na fie adọkunnu towe te, finẹ wẹ ahun towe na te ga. 22  “Nukun wẹ miyọ́ngbán agbasa tọn. Enẹwutu, eyin nukun towe tin to fidopo, agbasa towe pete na gọ́ na hinhọ́n; 23  ṣigba eyin nukun towe yin ylankan, agbasa towe pete na gọ́ na zinvlu. Nugbonugbo, eyin hinhọ́n he tin to hiẹ mẹ yin zinvlu, lehe zinvlu enẹ yin daho sọ! 24  “Mẹdepope ma sọgan yin afanumẹ na ogán awe; adavo ewọ na gbẹwanna ode bo yiwanna awetọ, kavi ewọ na sẹbọdo ode go bo gbẹkọ awetọ go. Mìwlẹ ma sọgan yin afanumẹ na Jiwheyẹwhe podọ na Adọkunnu lẹ. 25  “Na ehe wutu, yẹn dọna mì dọ: Mì sọ yin magbọjẹnọ na alindọn mìtọn ba blo, dọ, etẹ mì na dù kavi etẹ mì na nù, kavi na agbasa mìtọn dọ etẹ mì na dó. Be alindọn ma yin nujọnu hú núdùdù podọ agbasa hú avọ̀? 26  Mì pọ́n ohẹ̀ agahomẹ tọn lẹ tlintlin, na yé ma nọ dó jinukun kavi gbẹ̀n kavi bẹpli do agbànhọ lẹ mẹ; ṣogan Otọ́ mìtọn olọn tọn nọ na núdùdù yé. Be mìwlẹ ma họakuẹ hú yé? 27  Mẹnu to mì mẹ wẹ sọgan gbọn magbọjẹnọ-yinyin dali yí awagbà* dopo dogọ tedidi gbẹzan etọn tọn? 28  Humọ, na nuhe dù avọ̀dido, naegbọn mì do yin magbọjẹnọ? Mì plọnnu sọn vounvoun danji tọn lẹ dè, lehe yé to whinwhẹ́n do; yé ma nọ do magbọjẹ na yede, mọjanwẹ yé ma nọ gbẹ̀n sekan; 29  ṣigba yẹn dọna mì dọ Sọlomọni lọsu to gigo etọn lẹpo mẹ ma tlẹ yin aṣọ́dona di dopo to ehelẹ mẹ. 30  Todin, eyin Jiwheyẹwhe nọ doaṣọ́ sọmọ na ogbé danji tọn lẹ, he tin tofi to egbé bosọ nọ yin zizedlan adò mẹ to osọ he ja, be ewọ ma na doaṣọ́na mì humọ, mì yise pẹvinọ? 31  Enẹwutu, mì yin magbọjẹnọ gbede blo, dọ, ‘Etẹ mí na dù?’ kavi, ‘Etẹ mí na nù?’ kavi, ‘Etẹ mí na dó?’ 32  Na ehe lẹpo wẹ onú he akọta lẹ nọ to afọdona vẹkuvẹku. Na Otọ́ mìtọn olọn tọn yọnẹn dọ mì tindo nuhudo onú ehe lẹpo tọn. 33  “Enẹwutu, mì zindonukọn nado to ahọluduta lọ po dodowiwa etọn po dín whẹ́, podọ onú devo ehe lẹpo na yin yiyidogọ na mì. 34  Enẹwutu, mì yin magbọjẹnọ na osọ he ja gbede blo, na osọ he ja na tindo magbọjẹ etọn titi lẹ. Oylan azán dopodopo tọn ko pé na ẹn.

Nudọnamẹ Odò Tọn

Mt 6:11* To paa mẹ, “akla.”
Mt 6:27* Pọ́n Nudọnamẹ Dogọ 11.