Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Matiu 23:1-39

23  To whenẹnu, Jesu dọhona gbẹtọgun lọ lẹ po devi etọn lẹ po dọmọ:  “Wekantọ lẹ po Falesi lẹ po ko ze yede sinai do aisintẹn Mose tọn mẹ.  Enẹwutu, mì nọ wà bosọ nọ payi nuhe yé dọna mì lẹpo go, ṣigba mì yinuwa kẹdẹdi walọ yetọn lẹ blo, na yé nọ dọ ṣigba bo ma nọ wà.  Yé nọ blá agbàn pinpẹn lẹ bo nọ ze yé do abọ́ gbẹtọ lẹ tọn ji, ṣigba yelọsu lẹ ma nọ jlo nado yí alọvi yetọn do sẹtẹnna.  Azọ́n he yé nọ wà lẹpo, yé nọ wà yé na gbẹtọ lẹ nido mọ yé; na yé nọ hẹn ayúpò yetọn he mẹ adà Owe-wiwe tọn lẹ nọ yin bibẹ do, ehe yé nọ sìn taidi hihọ́-basinamẹnu lẹ gblodeji, bosọ nọ hẹn okẹ̀yẹ̀ awù yetọn tọn lẹ gblodeji.  Yé nọ yiwanna otẹn nukundeji lẹ to núdùdù whèjai tọn lẹ whenu po aisintẹn nukọn tọn lẹ po to sinagọgu lẹ mẹ,  bosọ nọ yiwanna nado yin nudọdo to ahi lẹ mẹ podọ nado nọ yin yiylọdọ Labbi gbọn gbẹtọ lẹ dali.  Ṣigba mìwlẹ, mì dike yè ylọ mì dọ Labbi blo, na omẹ dopo wẹ yin mẹplọntọ mìtọn, bọ mìmẹpo yin mẹmẹsunnu lẹ.  Humọ, mì ylọ mẹde dọ otọ́ mìtọn to aigba ji blo, na omẹ dopo wẹ yin Otọ́ mìtọn, yèdọ Ewọ he to olọn lọ. 10  Mọdopolọ, mì dike yè ylọ mì dọ ‘nukọntọ’ blo, na Nukọntọ dopo wẹ mì tindo, yèdọ Klisti lọ. 11  Ṣigba, mẹhe klohugan to mì mẹ dona yin lizọnyitọ mìtọn. 12  Mẹdepope he ze ede daga wẹ yè na whiwhẹ, podọ mẹdepope he whiwhẹ ede wẹ yè na zedaga. 13  “Dindọn hlan mì, wekantọ lẹ po Falesi lẹ po, mì yẹnuwatọ lẹ! na mì nọ sú ohọ̀n ahọluduta olọn tọn to gbẹtọ lẹ nukọn; na mìlọsu lẹ ma biọ e mẹ, mọdopolọ mì masọ na dotẹnmẹ mẹhe to na biọ e mẹ lẹ nado biọ e mẹ. 14  ——* 15  “Dindọn hlan mì, wekantọ lẹ po Falesi lẹ po, mì yẹnuwatọ lẹ! na mì nọ dán gbọn ohù po aigba-kló po ji nado diọ omẹ dopo zun Ju, podọ to whenuena ewọ ko diọ zun Ju de, mì nọ hẹn ẹn nado jẹna Gẹhẹnna* whla awe hú mìlọsu. 16  “Dindọn hlan mì, mì alihiamẹtọ nukuntọ́nnọ lẹ, he nọ dọ dọ, ‘Eyin mẹde yí tẹmpli lọ do whlé, e ma yin nude; ṣigba eyin mẹde yí sika tẹmpli lọ tọn do whlé, e to dandannu glọ.’ 17  Mì nulunọ podọ nukuntọ́nnọ lẹ emi! Detẹ wẹ yin nujọnu hugan taun, sika lọ kavi tẹmpli lọ he klan sika lọ do wiwe? 18  Podọ mì sọ nọ dọ, ‘Eyin mẹde yí agbà lọ do whlé, e ma yin nude; ṣigba eyin mẹde yí nunina he to e ji do whlé, e to dandannu glọ.’ 19  Mì nukuntọ́nnọ lẹ emi! Detẹ wẹ yin nujọnu hugan taun, nunina lọ kavi agbà lọ he klan nunina lọ do wiwe? 20  Enẹwutu, ewọ he yí agbà lọ do whlé to yíyí agbà lọ po nuhe to e ji lẹpo po do whlé; 21  podọ ewọ he yí tẹmpli lọ do whlé to yíyí tẹmpli lọ po mẹhe nọ nọ̀ e mẹ po do whlé; 22  podọ ewọ he yí olọn do whlé to yíyí ofìn Jiwheyẹwhe tọn po mẹhe sinai to e ji po do whlé. 23  “Dindọn hlan mì, wekantọ lẹ po Falesi lẹ po, mì yẹnuwatọ lẹ! na mì nọ na madao mẹnti, nuwhẹ́nkun aneti po nuwhẹ́nkun kumini po tọn, ṣigba mì ko yí nukunpẹvi do pọ́n nuhe yin nujọnu hugan to Osẹ́n lọ mẹ lẹ, yèdọ whẹdida dodo, lẹblanu po nugbonọ-yinyin po. Onú ehelẹ wiwà wẹ yin dandan, ṣogan yè ma dona yí nukunpẹvi do pọ́n onú he pò lẹ. 24  Mì alihiamẹtọ nukuntọ́nnọ lẹ, he nọ hú jẹhli sẹ̀ bo ka nọ ze kanklosọ́ mì! 25  “Dindọn hlan mì, wekantọ lẹ po Falesi lẹ po, mì yẹnuwatọ lẹ! na mì nọ klọ́ gbonu kọfo po agbánvla po tọn wé, ṣigba to homẹ, yé gọ́ na alọslonamẹ po wazẹjlẹgo po. 26  Hiẹ Falesi nukuntọ́nnọ, klọ́ homẹ kọfo po agbánvla po tọn wé whẹ́, na gbonu etọn nido lẹzun wiwe ga. 27  “Dindọn hlan mì, wekantọ lẹ po Falesi lẹ po, mì yẹnuwatọ lẹ! na mì taidi yọdò he yè sá onú wewe do lẹ, ehe na taun tọn, nọ sọawuhia to gbonu di nuhe yọnwhanpẹ ṣigba to homẹ, nọ gọ́ na ohú mẹkuku lẹ tọn po onú mawé wunmẹ lẹpo po. 28  Mọdopolọ, mìlọsu lẹ ga, na nugbo tọn, mì nọ sọawuhia to gbonu di dodonọ to gbẹtọ lẹ nukunmẹ, ṣigba to homẹ, mì gọ́ na yẹnuwiwa po sẹ́nhẹngba po. 29  “Dindọn hlan mì, wekantọ lẹ po Falesi lẹ po, mì yẹnuwatọ lẹ! na mì nọ dó yọdò yẹwhegán lẹ tọn bo nọ doaṣọ́na yọdò dodonọ lẹ tọn, 30  podọ mì nọ dọ dọ, ‘Eyin azán tọgbo mítọn lẹ tọn gbè wẹ míwlẹ ko nọgbẹ̀ te, mí ma na ko kọnawudopọ hẹ yé to ohùn yẹwhegán lẹ tọn sinsọndai mẹ.’ 31  Gbọnmọ dali, mì to kunnude sọta mìdelẹ dọ ovi mẹhe hù yẹwhegán lẹ tọn lẹ wẹ mì yin. 32  Eyọn, mì bo hẹn nujlẹnu tọgbo mìtọn lẹ tọn gọ́ todin. 33  “Mì odàn po ovi amàpoe tọn lẹ po emi, nawẹ mì na họ̀ngán sọn whẹdida Gẹhẹnna tọn mẹ gbọn? 34  Na ehe wutu, yẹn to yẹwhegán lẹ, nuyọnẹntọ lẹ po nuplọnmẹtọ gbangba tọn lẹ po dohlan mì todin. Delẹ to yé mẹ wẹ mì na hù bo whè do núgo, podọ delẹ to yé mẹ wẹ mì na hò to sinagọgu mìtọn lẹ mẹ bo dohomẹkẹn sọn tòdaho de mẹ jẹ tòdaho de mẹ; 35  na ohùn dodonọ lẹ tọn he ko yin sinsọndai to aigba ji lẹpo nido wá mì ji, yèdọ sọn ohùn Abẹli dodonọ lọ tọn ji kakajẹ ohùn Zekalia visunnu Balakia tọn ji, mẹhe mìwlẹ hù to fiwiwe lọ po agbà lọ po ṣẹnṣẹn. 36  Nugbo wẹ yẹn dọna mì dọ, Onú ehe lẹpo na jọ do whẹndo ehe go. 37  “Jelusalẹm, Jelusalẹm E, hiẹ he nọ hù yẹwhegán lẹ bo nọ dlan zannu do mẹhe yin didohlan we lẹ,—whla nẹmu wẹ yẹn ko jlo nado bẹ ovi towe lẹ pli, dile koklosi de nọ bẹ ovi etọn lẹ pli do awà etọn lẹ glọ do! Ṣigba, mìwlẹ ma jlo domọ. 38  Mì pọ́n! Owhé* mìtọn ko yin jijodai na mì. 39  Na yẹn dọna mì dọ, Bẹsọn din, mìwlẹ ma nasọ mọ mi ba kaka mì nado dọ, ‘Donanọ wẹ ewọ he ja to oyín Jehovah tọn mẹ!’”

Nudọnamẹ Odò Tọn

Mt 23:14* Pọ́n Mt 17:21, nudọnamẹ odò tọn.
Mt 23:15* Pọ́n Nudọnamẹ Dogọ 9.
Mt 23:38* To paa mẹ, “tẹmpli lọ.”