Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Matiu 19:1-30

19  Todin, to whenuena Jesu ko dotana ohó ehelẹ, e tọ́n sọn Galili, bo wá dogbó Jude tọn lẹ ji to Jọdani godo.  Podọ, gbẹtọgun daho lẹ hodo e, bọ e hẹnazọ̀ngbọna yé to finẹ.  Falesi lẹ sọ wá e dè, po linlẹn lọ po nado whlé e pọ́n bo dọmọ: “Be e sọgbe hẹ osẹ́n na sunnu de nado gbẹ́ asi etọn dai na whẹwhinwhẹ́n depope poun wutu ya?”  E gblọn dọmọ: “Be mìwlẹ ma ko hia dọ ewọ he dá yé sọn whẹwhẹwhenu basi yé asu po asi po  bosọ dọ, ‘Na whẹwhinwhẹ́n ehe wutu, sunnu na jo otọ́ etọn po onọ̀ etọn po do bo na sẹbọdo asi etọn go, bọ yé omẹ awe lẹ na lẹzun agbasalan dopo’ ya?  Sọmọ bọ yé masọ yin agbasalan awe ba, adavo dopo. Enẹwutu, nuhe Jiwheyẹwhe ko kọndopọ* mì dike mẹde klan ẹn blo.”  Yé dọna ẹn dọmọ: “To whelọnu lo, naegbọn Mose do nagbè nado nọ na owe gbẹdai tọn de bo gbẹ́ ẹ dai?”  E dọna yé dọmọ: “Na ahun sinsinyẹn mìtọn wutu wẹ Mose do yigbena mì nado nọ gbẹ́ asi mìtọn lẹ dai, ṣigba e ma to mọ sọn whẹwhẹwhenu gba.  Yẹn dọna mì dọ mẹdepope he gbẹ́ asi etọn dai, bọ e ma yin na whẹwhinwhẹ́n galilọ tọn wutu, bo wlealọ hẹ devo, e deayọ.” 10  Devi lẹ dọna ẹn dọmọ: “Eyin mọ wẹ whẹho lọ na sunnu de po asi etọn po, be e ma yin nuyọnẹnnu nado wlealọ.” 11  E dọna yé dọmọ: “E ma yin mẹlẹpo wẹ nọ natẹn ehe to gbẹzan yetọn mẹ gba, adavo mẹhe tindo nunina lọ lẹ kẹdẹ. 12  Na ojọ̀ delẹ tin he yin jiji domọ sọn adọ̀ onọ̀ yetọn tọn mẹ, ojọ̀ delẹ sọ tin he yin hinhẹn zun ojọ̀ gbọn gbẹtọ lẹ dali, podọ ojọ̀ devo lẹ tin he hẹn yede zun ojọ̀ na ahọluduta olọn tọn wutu. Mì gbọ ewọ he sọgan natẹn ehe ni natẹn ẹn.” 13  To enẹgodo, yọpọvu lẹ yin hinhẹnwa e dè, na ewọ nido sọgan ze alọ etọn lẹ do yé ji bo hodẹ̀; ṣigba devi lẹ gbẹnuna yé. 14  To whenẹnu, Jesu dọmọ: “Mì jo yọpọvu lẹ do, podọ mì sọ glọnalina yé nado wá dè e ba blo, na omẹ mọnkọtọn lẹ wẹ ahọluduta olọn tọn tin na.” 15  Podọ e ze alọ etọn lẹ do yé ji bosọ yì sọn finẹ. 16  Todin, pọ́n! dawe de wá e dè bo dọmọ: “Mẹplọntọ, onú dagbe tẹwẹ yẹn dona wà nado sọgan mọ ogbẹ̀ madopodo?” 17  E gblọnna ẹn dọmọ: “Naegbọn hiẹ do to hokanse mi gando nuhe yin dagbe go? Omẹ dopo wẹ yin mẹdagbe. Ṣigba, eyin hiẹ jlo na biọ ogbẹ̀ mẹ, nọ yìn gbedide lẹ to whepoponu.” 18  E dọna ẹn dọmọ: “Detẹ lẹ wẹ?” Jesu dọmọ: “Eyọn, Hiẹ ma dona hùhlọ̀n, Hiẹ ma dona deayọ, Hiẹ ma dona fìnnú, Hiẹ ma dona dekunnu lalo, 19  Gbògbéna otọ́ towe po onọ̀ towe po, podọ, Hiẹ dona yiwanna kọmẹnu towe di dewe.” 20  Dẹpẹ lọ dọna ẹn dọmọ: “Yẹn ko yìn ehe lẹpo; etẹwẹ gbẹsọ pò na mi?” 21  Jesu dọna ẹn dọmọ: “Eyin hiẹ jlo nado yin pipé, yì sà nutindo towe lẹ bo na wamọnọ lẹ, hiẹ nasọ tindo adọkun to olọn mẹ, enẹgodo wá bo lẹzun hodotọ ṣie.” 22  To whenue dẹpẹ lọ sè ehe, e dedo po awubla po, na e tindo adọkunnu susu wutu. 23  Ṣigba Jesu dọna devi etọn lẹ dọmọ: “Nugbo wẹ yẹn dọna mì dọ e na vẹawuna adọkunnọ de nado biọ ahọluduta olọn tọn mẹ. 24  Humọ, yẹn dọna mì dọ, E bọawuna kanklosọ́ de nado gbọn onù yẹnvi tọn mẹ hú na adọkunnọ de nado biọ ahọluduta Jiwheyẹwhe tọn mẹ.” 25  To whenuena devi lẹ sè enẹ, e paṣa yé tlala, bọ yé dọmọ: “Mẹnu wẹ sọgan yin whinwhlẹngán na taun tọn?” 26  Jesu pọ́n nukun yetọn lẹ ji bo dọna yé dọmọ: “Gbẹtọ lẹ wẹ ehe ma yọnbasi na, ṣigba onú lẹpo wẹ yọnbasi na Jiwheyẹwhe.” 27  To whenẹnu, Pita gblọnna ẹn dọmọ: “Pọ́n! Míwlẹ ko jo onú lẹpo do bo hodo we; etẹwẹ mí na mọyi sọn e mẹ taun?” 28  Jesu dọna yé dọmọ: “Nugbo wẹ yẹn dọna mì, To whenuena Visunnu gbẹtọ tọn na sinai to ofìn gigonọ etọn ji to ojlẹ onú lẹ hinhẹn jẹ yọyọ tọn whenu,* mì mẹhe ko hodo mi lẹ lọsu na sinai ga do ofìn wiawe ji, bo na to whẹdana whẹndo wiawe Islaeli tọn lẹ. 29  Podọ mẹdepope he ko jo owhé lẹ do kavi nọvisunnu lẹ kavi nọviyọnnu lẹ kavi otọ́ kavi onọ̀ kavi ovi lẹ kavi aigba lẹ na oyín ṣie tọn wutu, na mọyi do whlasusu ji bo nasọ dugu ogbẹ̀ madopodo tọn. 30  “Ṣigba mẹsusu he yin tintan na lẹzun godotọ podọ godotọ na lẹzun tintan.

Nudọnamẹ Odò Tọn

Mt 19:6* To paa mẹ, “zẹgẹ.”
Mt 19:28* To paa mẹ, “ojlẹ onú lẹ vivọ́-dá tọn.”