Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Matiu 11:1-30

11  Todin, whenuena Jesu ko na anademẹ devi etọn wiawe lẹ pó godo, e tọ́nyi sọn finẹ nado plọnmẹ bo dọyẹwheho to tòdaho yetọn lẹ mẹ.  Ṣigba, to whenuena Johanu sè to gànpamẹ gando azọ́n Klisti tọn lẹ go, e dowẹn hlan gbọn devi etọn titi lẹ ji  bo dọhlan ẹn dọmọ: “Be hiẹ wẹ Omẹ lọ he ja ya, kavi be mí dona donukun omẹ devo wẹ?”  Jesu gblọnna yé dọmọ: “Mì yì bo dọ nuhe mì to sisè bosọ to mimọ lẹ na Johanu:  Nukuntọ́nnọ lẹ to numọ, podọ sẹkunọ lẹ to zọnlinzin, pòtọnọ lẹ to yinyin kiklọwé bọ tókunọ lẹ to núsè, podọ oṣiọ lẹ to yinyin finfọn, bọ wẹndagbe lọ sọ to yinyin lilá hlan wamọnọ lẹ;  podọ ayajẹnọ wẹ ewọ he ma mọ ahlidanu de to yẹn mẹ.”  Dile omẹ ehelẹ dedo, Jesu jẹ didọna gbẹtọgun lọ lẹ ji gando Johanu go dọmọ: “Etẹwẹ mìwlẹ tọ́nyi nado yì pọ́n to danfafa ji? Be ofán he jẹhọn to yigọyigọ-dona de wẹ ya?  Etẹwẹ mìwlẹ tọ́nyi nado yì mọ lo? Be dawe de he dó awù wọ́dọ́wọ́dọ́ whanpẹnọ lẹ wẹ ya? Yèdọ, owhé ahọlu lẹ tọn gbè wẹ mẹhe nọ dó awù wọ́dọ́wọ́dọ́ whanpẹnọ lẹ nọ nọ̀.  To whelọnu lo, naegbọn mì do tọ́nyi taun? Be nado mọ yẹwhegán de wẹ ya? Mọwẹ, yẹn dọna mì dọ, ewọ tlẹ hú yẹwhegán de tlala. 10  Ewọ wẹ mẹhe go yè ko kanwe gando dọmọ, ‘Pọ́n! yẹnlọsu to wẹnsagun ṣie dohlan nukọn towe, mẹhe na jẹnukọnna we nado jla aliho towe do!’ 11  Nugbo wẹ yẹn dọna mì, To mẹhe yin jiji sọn yọnnu dè lẹ mẹ, depope ma ko sọawuhia he klohu Johanu Baptizitọ; ṣigba mẹhe whè hú to ahọluduta olọn tọn mẹ klohu ewọ. 12  Ṣigba sọn azán Johanu Baptizitọ lọ tọn lẹ gbè kakajẹ din, ahọluduta olọn tọn wẹ yin yanwle lọ he gbẹtọ lẹ yí vivẹnu do to afọdona, podọ alọ mẹhe to vivẹnudo zọnmii lẹ tọn to pipla ẹ. 13  Na yemẹpo, yèdọ Yẹwhegán lẹ po Osẹ́n lọ po wẹ ko dọ dọdai kakajẹ ojlẹ Johanu tọn mẹ; 14  podọ eyin mì jlo nado kẹalọyi i, Ewọ wẹ ‘Elija he dona wá lọ.’ 15  Mì gbọ ewọ he tindo otó ni dotoai. 16  “Mẹnu go wẹ yẹn na yí whẹndo ehe jlẹdo? E taidi yọpọvu lẹ he to aisinsin to ahimẹ bo to awhádo hlan aihunda-gbẹ́ yetọn lẹ, 17  dọmọ, ‘Míwlẹ kúnván na mì, ṣigba mìwlẹ ma dúwe; míwlẹ doavihàn, ṣigba mì ma do awubla hia.’ 18  Mọdopolọ, Johanu wá, bo ma nọ dù bo masọ nọ nù, ṣogan, gbẹtọ lẹ dọ dọ, ‘Ewọ tindo aovi de’; 19  Visunnu gbẹtọ tọn sọ wá bo to dùdù bosọ to nùnù, etomọṣo, gbẹtọ lẹ dọ dọ, ‘Mì pọ́n! Dawe adọwhẹ́nnọ de he jo ede na ovẹn nùnù, họntọn tòkuẹ-ṣinyantọ lẹ po ylandonọ lẹ po tọn.’ Etomọṣo, nuyọnẹn nọ yin didohia di dodonọ gbọn azọ́n etọn lẹ dali.” 20  Enẹwutu, e jẹ whẹgbledo tòdaho he mẹ suhugan azọ́n huhlọnnọ etọn lẹ yin bibasi te lẹ ji, na yé ma lẹnvọjọ wutu: 21  “Dindọn hlan we, Kolazin! Dindọn hlan we, Bẹtsaida! na eyin Tile po Sidoni po mẹ wẹ azọ́n huhlọnnọ he yin bibasi to mì mẹ lẹ ko yin bibasi te, yé na ko lẹnvọjọ hoho to odẹ́vọ̀ po afín po mẹ. 22  Enẹwutu yẹn dọna mì dọ, e na pọnte na Tile po Sidoni po to Whẹdazangbe hú na mìwlẹ. 23  Podọ hiẹ, Kapẹlnaumi, be vlavo hiẹ na yin zizedaga kakajẹ olọn wẹ? Hiẹ na yìdo kaka yì Hadẹs* mẹ; na eyin Sodọmi mẹ wẹ azọ́n huhlọnnọ he ko yin bibasi to hiẹ mẹ lẹ ko yin bibasi te, e na ko gbọṣi aimẹ kakajẹ azán ehe gbè. 24  Enẹwutu, yẹn dọna mì dọ, E na pọnte na otò Sodọmi tọn to Whẹdazangbe hú na hiẹ.” 25  To ojlẹ enẹ mẹ, Jesu gblọn dọmọ: “Yẹn pà we to gbangba, hiẹ Otọ́, Oklunọ olọn po aigba po tọn, na hiẹ ko whlá onú ehelẹ do nuyọnẹntọ lẹ po weyọnẹntọ lẹ po bo ko de yé hia ovivu lẹ. 26  Mọwẹ, Otọ́ E, na hiẹ mọdọ e yọ́n nado yinuwa to aliho ehe mẹ. 27  Otọ́ ko bẹ onú lẹpo do alọmẹ na mi, podọ mẹde ma yọ́n Visunnu lọ to gigọ́ mẹ, adavo Otọ́ lọ, mọdopolọ mẹdepope ma yọ́n Otọ́ lọ to gigọ́ mẹ adavo Visunnu lọ po mẹdepope he Visunnu lọ jlo nado de e hia hlan po. 28  Mì wá dè e, mì mẹhe tin to magbọjẹ mẹ bọ yè doagban pinpẹn na lẹpo, yẹn nasọ fakọna mì. 29  Mì yí zẹgẹ ṣie do okọ̀ mìtọn bosọ plọnnu sọn dè e, na homẹmimiọnnọ po whiwhẹnọ to ahun mẹ po wẹ yẹn, mìwlẹ nasọ mọ kọfanamẹ na alindọn mìtọn lẹ. 30  Na zẹgẹ ṣie bọawu bọ agbàn ṣie sọ fua.”

Nudọnamẹ Odò Tọn

Mt 11:23* Pọ́n Nudọnamẹ Dogọ 8.