Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Malku 16:1-20

16  Enẹwutu, to whenuena gbọjẹzan lọ ko wayi, Malia Magdaleni, po Malia onọ̀ Jakọbu tọn po, gọna Salome họ̀ nuwhẹ́nkun lẹ nado sọgan wá sá na ẹn.  Podọ to afọnnu fuu azán tintan* osẹ tọn, yé wá yọdò lọ kọ̀n to whenue owhè ko zẹ̀.  Yé sọ to didọna ode awetọ dọmọ: “Mẹnu wẹ na bli zannu lọ sẹ̀ sọn ohọ̀n yọdò lọ tọn nù na mí?”  Ṣigba to whenue yé pọ́n nukọn hlan, yé mọdọ zannu lọ ko yin bibli sẹ̀, mahopọnna dọ e klo taun.  To whenue yé biọ yọwhé lọ mẹ, yé mọ jọja sunnu de to aisinsin to adusi mẹ bo dó tewu wewe, avò sọ vò yé tlala.  E dọna yé dọmọ: “Avò vò mì ba blo. Jesu Nazalẹti tọn, he yin whiwhè do núgo lọ dín wẹ mì te. E ko yin finfọn, e ma tofi. Mì pọ́n! Fie yé tẹ́ ẹ do dai die.  Ṣigba, mì yì dọna devi etọn lẹ po Pita po dọ, ‘E ko jẹnukọnna mì jei Galili; finẹ wẹ mìwlẹ na mọ ẹn te, kẹdẹdile e ko dọna mì do.’”  Enẹwutu, to whenue yé tọ́njẹgbonu, yé họ̀n sọn yọwhé lọ, na obu po nupaṣamẹ po wutu. Podọ yé ma dọ nudepope na mẹde, na yé dibu wutu. TADONA GLI Alọnuwe po zinjẹgbonu godo mẹ tọn delẹ po bẹ tadona gli de hẹn to Malku 16:8 godo, dọmọ: Ṣigba, nuhe ko degbè etọn lẹpo, na linlin etọn to kleun mẹ hlan mẹhe lẹdo Pita lẹ. Humọ, to onú ehelẹ godo, Jesu lọsu, gbọn yewlẹ gblamẹ, basi nulila wiwe podọ magble whlẹngán madopodo tọn sọn whèzẹtẹn whèyihọ. TADONA GAA Alọnuwe (Codex Alexandrinus, Codex Ephraemi, Codex Bezae) po zinjẹgbonu (Vulgate Latine, Syriaque Cureton, Syriaque Peshitta) hoho delẹ po yí tadona gaa he bọdego lọ dogọ, ṣigba ehe ma yin mimọ to alọnuwe Codex Sinaiticus, Codex Vaticanus, Version syriaque sinaïtique, po Version arménienne po mẹ:  To whenue e fọ́n to afọnnu fuu azán tintan osẹ tọn, e sọawuhia Malia Magdaleni whẹ́, mẹhe mẹ e ko yàn aovi ṣinawe jẹgbonu sọn. 10  Yọnnu lọ sọ bo dọna devi etọn lẹ, dile yewlẹ to aluẹmẹ bosọ to avivi. 11  Ṣigba to whenuena dọ Jesu ko gọwá ogbẹ̀ bo ko yin mimọ gbọn yọnnu lọ dali, ma yise. 12  Humọ, to onú ehelẹ godo, e sọawuhia to wunmẹ devo mẹ hlan awe to mẹ bo to zọnlinzin hẹ yé, dile jei glètoho lọ mẹ; 13   sọ lẹkọwa bo na linlin mẹhe lẹ. Yelọsu masọ omẹ ehelẹ sè. 14  Ṣigba to godo mẹ, e sọawuhia omẹ widopo lọ lẹ lọsu dile jagla to tafo kọ̀n, podọ e gblewhẹdo na yise matindo po ahun sinsinyẹn yetọn po, na ma mẹhe mọdọ e ko yin finfọn sọn oṣiọ lẹ mẹ lẹ wutu. 15  E sọ dọna dọmọ: “Mì aihọn lẹpo mẹ bo dọyẹwheho wẹndagbe lọ tọn na nudida lẹpo. 16  Mẹhe yise bo yin bibaptizi na yin whinwhlẹngán, ṣigba mẹhe ma yise na yin whẹgbledo. 17  Humọ, ohia ehelẹ na yin mimọ to mẹhe yise lẹ mẹ: na yàn aovi lẹ jẹgbonu gbọn oyín ṣie gblamẹ, na ogbè voovo lẹ do dọho, 18  podọ na alọ yetọn do ze odàn lẹ, podọ eyin nudepope he sọgan hùmẹ, e ma na gbleawuna to alọ depope mẹ. na ze alọ yetọn do mẹhe to azọ̀njẹ lẹ ji bọ na jẹgangan.” 19  Enẹwutu, to whelọnu lo, to whenue Oklunọ Jesu ko dọhona godo, ewọ yin zize olọn mẹ bo sinai to adusilọ Jiwheyẹwhe tọn mẹ. 20  Na enẹwutu, tọ́nyi bo dọyẹwheho to filẹpo, Oklunọ sọ wazọ́n dopọ hẹ bo nọgodona owẹ̀n lọ gbọn ohia he to bibasi lẹ gblamẹ.

Nudọnamẹ Odò Tọn

Mk 16:2* Pọ́n Mt 28:1, nudọnamẹ odò tọn.