Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Malku 13:1-37

13  Dile e to tintọ́n sọn tẹmpli lọ mẹ, dopo to devi etọn lẹ mẹ dọna ẹn dọmọ: “Mẹplọntọ, pọ́n! zannu nankọ lẹ die podọ ohọ̀ nankọ lẹ die!”  Ṣigba, Jesu dọna ẹn dọmọ: “Be hiẹ mọ ohọ̀ daho ehelẹ ya? Zannu de ma na yin jijodo zannu de ji to aliho depope mẹ tofi he ma na yin hihọliai.”  Podọ dile e to aisinsin to Osó Olivie tọn ji pannukọn tẹmpli lọ, Pita, Jakọbu, Johanu po Andle po jẹ kinkanse e ji dovo dọmọ:  “Dọna mí, Whetẹnu wẹ onú ehelẹ na jọ, podọ etẹwẹ na yin ohia lọ to whenue onú ehe lẹpo na wá vivọnu?”  Enẹwutu Jesu jẹ didọna yé ji dọmọ: “Mì payi na mẹdepope ni ma hẹn mì buali blo.  Mẹsusu wẹ na wá to oyín ṣie mẹ, bo na to didọmọ, ‘Yẹn wẹ ewọ,’ bo nasọ hẹn mẹsusu buali.  Humọ, to whenue mì sè awhàn zingidi po awhàn linlin lẹ po, mì dibu blo; onú ehelẹ dona jọ, ṣigba opodo lọ ma ko yin din gba.  “Na akọta na fọ́n do akọta ji podọ ahọluduta do ahọluduta ji, aigba sisọsisọ lẹ na tin sọn fide jẹ fide, podọ núdùdù whèdomẹ na tin. Ehelẹ wẹ bẹjẹeji awufiẹsa he taidi ajipanu tọn lẹ.  “Na mìwlẹ tọn, mì payi mìde go; gbẹtọ lẹ na ze mì jo na whẹdatẹn pẹvi lẹ, bọ mì na yin hihò to sinagọgu lẹ mẹ bo nasọ yin hinhẹn yì owhẹ̀ nukọn to ayimatẹn-gán lẹ po ahọlu lẹ po nukọn na yẹn tọn wutu, na okunnu de hlan yé. 10  Humọ, yẹwheho wẹndagbe lọ tọn dona yin didọ to akọta lẹpo mẹ whẹ́. 11  Ṣigba, to whenuena yé plan mì jei nado ze mì jo, mì yin magbọjẹnọ jẹnukọn gando nuhe mì na dọ go blo; ṣigba mì dọ nudepope he yin nina mì to gànhiho enẹ mẹ, na e ma yin mìwlẹ wẹ to hodọ gba adavo gbigbọ wiwe. 12  Humọ, nọvisunnu na ze nọvisunnu jo nado yin hùhù, podọ otọ́ na ze ovi jo, ovi lẹ nasọ fọ́n do mẹjitọ lẹ ji na yé nido yin hùhù; 13  podọ gbẹtọ lẹpo na gbẹwanna mì na oyín ṣie tọn wutu. Ṣigba, mẹhe doakọnna kakajẹ opodo, omẹ enẹ wẹ na yin whinwhlẹngán. 14  “Ṣigba, to whenue mì mọ awuhiọnu he nọ hẹn vọjijẹ wá lọ to ote to fihe e ma dona tin te (na wehiatọ ni yí wuntuntun zan), to whenẹnu, mì gbọ mẹhe to Jude lẹ ni jẹ hinhọ̀n ji yì osó lẹ ji. 15  Mì gbọ mẹhe to họta ni ma jẹte kavi biọ họmẹ nado ze nudepope sọn ohọ̀ etọn mẹ blo; 16  podọ na mẹhe to ogle mẹ ni ma lẹkọyi nuhe to godo lẹ kọ̀n nado ze awugbó etọn blo. 17  Dindọn hlan yọnnu he to ohò po dehe to anọ́ na ovi lẹ po to azán enẹlẹ gbè! 18  Mì nọ hodẹ̀ dọ e ni ma yin to avivọ-whenu blo; 19  na azán nukunbibia tọn de wẹ azán enẹlẹ na yin, ehe nkọ ma ko jọ pọ́n sọn bẹjẹeji nudida Jiwheyẹwhe tọn kakajẹ din, e ma nasọ jọ gbede ba. 20  Na nugbo tọn, eyin Jehovah ma sán azán lọ lẹ dogli, mẹdepope ma na yin whinwhlẹngán. Ṣigba na mẹdide he e ko de lẹ tọn wutu, e ko sán azán lọ lẹ dogli. 21  “Mọdopolọ ga, eyin mẹdepope dọna mì dọ, ‘Mì pọ́n! Klisti tofi,’ ‘Mì pọ́n! E to dọ́n,’ mì yí enẹ sè blo. 22  Na Klisti lalo po yẹwhegán lalo lẹ po na fọ́n bo na basi ohia lẹ po nujiawu lẹ po nado hẹnmẹ buali, kakajẹ mẹdide lẹ lọsu ji, eyin e yọnbasi. 23  To whelọnu lo, mì nọ họ́ mìde; yẹn ko dọ onú lẹpo na mì jẹnukọn. 24  “Ṣigba to azán enẹlẹ gbè, to nukunbibia enẹ godo, owhè na yin hinhẹn dózin, osun ma na na hinhọ́n etọn, 25  podọ sunwhlẹvu lẹ na to fiflẹ sọn olọn, bọ huhlọn he to olọn lẹ na yin whinwhàn. 26  To whenẹnu, yé nasọ mọ Visunnu gbẹtọ tọn ja to aslọ lẹ mẹ to huhlọn daho po gigo po mẹ. 27  To whenẹnu, e nasọ do angẹli lẹ hlan bọ yé na bẹ mẹdide etọn lẹ pli sọn agosu ẹnẹ aihọn tọn lẹ mẹ, sọn opodo aigba tọn jẹ opodo olọn tọn. 28  “Todin, mì plọnnu sọn apajlẹ ovòtin tọn mẹ: Tlolo he alà yọyọ etọn jẹ whinwhẹ́n ji bo jọ̀ amà, mì nọ yọnẹn dọ alunlun ko sẹpọ. 29  Mọdopolọ ga, to whenue mì mọ onú ehelẹ to jijọ, mì ni yọnẹn dọ ewọ ko sẹpọ, yèdọ to ohọ̀n ji. 30  Nugbo wẹ yẹn dọna mì dọ, whẹndo ehe ma na juwayi to aliho depope mẹ kaka onú ehe lẹpo nado jọ. 31  Olọn po aigba po na juwayi, ṣigba ohó ṣie lẹ ma na juwayi. 32  “Na nuhe dù azán enẹ kavi gànmẹ lọ, mẹdepope ma yọnẹn, etlẹ yin angẹli olọn tọn lẹ kavi Visunnu lọ lọsu, adavo Otọ́ lọ. 33  Mì nọ họ́ali, mì nọ họ́ mìde, na mì ma yọ́n whenue ojlẹ dide lọ na wá. 34  E tin taidi dawe de, he tọ́nwhẹ̀n jei tògodo bo jo owhé etọn do bosọ na aṣẹ afanumẹ etọn lẹ, bo deazọ́n na dopodopo yetọn, bosọ degbena họ̀njinọtọ lọ nado to alihọ́. 35  Enẹwutu, mì nọ họ́ali, na mì ma yọ́n whenue oklunọ owhé lọ tọn ja, vlavo to whenue tenu ko dó kavi zánhomẹ kavi koklo dosé kavi afọnnu fuu;* 36  na to whenue e na wá to ajiji mẹ, e ma na mọ mì to amlọndọ. 37  Ṣigba nuhe yẹn dọna mì, yẹn dọna mẹlẹpo, Mì nọ họ́ali.”

Nudọnamẹ Odò Tọn

Mk 13:35* Pọ́n Mt 14:25, nudọnamẹ odò tọn.