Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Malku 1:1-45

1  Bẹjẹeji wẹndagbe he gando Jesu Klisti go lọ tọn:  Kẹdẹdile e ko yin kinkàndai to owe yẹwhegán Isaia tọn mẹ do dọmọ: “(Pọ́n! yẹn to wẹnsagun ṣie dohlan nukọn towe, mẹhe na jla aliho towe do;)*  mì dotoai! mẹde to awhádo jẹgbonu to danfafa ji dọ, ‘Mì jla aliho Jehovah tọn lọ do, mì jlọ omọ́ji etọn lẹ,’”  Johanu baptizi sọawuhia to danfafa ji, bo to yẹwhehodọ, dọ nuhudo tin na baptẹm he yin ohia lẹnvọjọ tọn na jona ylando lẹ tọn.  Enẹwutu, mẹhe to aigba Jude tọn ji lẹpo gọna tòmẹnu Jelusalẹm tọn lẹpo tọ́n wá e dè, podọ ewọ baptizi yé to Tọ̀sisa Jọdani mẹ, bọ yé to gbeyina ylando yetọn lẹ to gbangba.  Todin Johanu dó avọ̀ he yè yí ofún kanklosọ́ tọn do basi podọ e yí homẹblanu ayú tọn do blá alinkàn, bo nọ dù owẹ̀n lẹ po owín akú po.  Podọ e nọ dọyẹwheho, dọmọ: “Mẹde ja to godo ṣie he dohuhlọn hú mi; afọpakàn mẹhe tọn yẹn ma jẹ nado fẹ̀ yìdo bo tún.  Yẹn yí osin do baptizi mì, ṣigba ewọ na yí gbigbọ wiwe do baptizi mì.”  To azán enẹlẹ mẹ, Jesu wá sọn Nazalẹti Galili tọn bo yin bibaptizi to Jọdani mẹ gbọn Johanu dali. 10  Podọ, dile e tọ́n sọn osin lọ mẹ, to afọdopolọji, e mọ olọn to hunhundonuvo, bọ gbigbọ to tejẹ ja e ji taidi apoe de; 11  ogbè de sọ wá sọn olọn dọmọ: “Hiẹ wẹ Visunnu ṣie, mẹyiwanna lọ; yẹn ko kẹalọyi we.” 12  Podọ to afọdopolọji, gbigbọ dọ̀n ẹn yì danfafa ji.   13  Enẹwutu, e gbọṣi danfafa ji na azán kande, bo yin whiwhlepọn gbọn Satani dali, bosọ nọ nọ̀ hẹ gbekanlin lẹ, ṣigba angẹli lẹ to lizọnyina ẹn. 14  Todin, to whenuena Johanu ko yin wiwle do gànmẹ godo, Jesu tọ́nyi Galili, bo to yẹwheho wẹndagbe Jiwheyẹwhe tọn dọ 15  bo to didọmọ: “Ojlẹ dide lọ ko wá, podọ ahọluduta Jiwheyẹwhe tọn ko dọnsẹpọ. Mì lẹnvọjọ, mì gbẹtọ lẹ emi, bo tindo yise to wẹndagbe lọ mẹ.” 16  Dile e to zọnlinzin gbọn ohù Galili tọn tó, e mọ Simọni po Andle nọvisunnu Simọni tọn po to odọ̀ yìn pé do ohù mẹ, na whèhutọ wẹ yé. 17  Enẹwutu, Jesu dọna yé dọmọ: “Mì hodo mi, yẹn nasọ hẹn mì zun whèhutọ gbẹtọ lẹ tọn.” 18  Podọ to afọdopolọji, yé jo odọ̀ yetọn lẹ do bo hodo e. 19  Podọ to whenue e yì nukọn vude dogọ, e mọ Jakọbu visunnu Zebede tọn po Johanu nọvisunnu etọn po, dile yé to tọjihun mẹ bo to odọ̀ yetọn lẹ tọ̀; 20  to afọdopolọji, e basi oylọna yé. Podọ yé sọ jo otọ́ yetọn Zebede po azọ́nwatọ lẹ po do tọjihun lọ mẹ bo hodo e. 21  Yé sọ tọ́nyi Kapẹlnaumi. Tlolo he azán gbọjẹzan tọn wá, e biọ sinagọgu mẹ bo jẹ mẹplọn ji. 22  Awú sọ ji yé gando aliho mẹpinplọn tọn etọn go, na e to yé plọn to finẹ taidi mẹhe tindo aṣẹ, e ma yin taidi wekantọ lẹ gba. 23  Humọ, to ojlẹ enẹ dopolọ mẹ, dawe de he to huhlọn gbigbọ mawé tọn de glọ tin to sinagọgu yetọn mẹ, e sọ dawhá, 24  bo dọmọ: “Etẹwẹ míwlẹ tindo nado wà hẹ we, hiẹ Jesu Nazalẹti tọn? Be hiẹ wá nado và mí sudo wẹ? Yẹn yọ́n mẹhe hiẹ yin na taun tọn, hiẹ wẹ Omẹ Wiwe Jiwheyẹwhe tọn.” 25  Ṣigba, Jesu gbẹnuna ẹn, dọmọ: “Nabọẹ, bo tọ́n sọn ewọ mẹ!” 26  Podọ gbigbọ mawé lọ, to whenue e ko húnhún in gìgìgì bo yí ogbè lélé do dawhá godo, e tọ́n sọn ewọ mẹ. 27  Todin, avò vò gbẹtọ lọ lẹpo bọ yé jẹ didọ ji to yedelẹ ṣẹnṣẹn, dọmọ: “Etẹ die? Nuplọnmẹ yọyọ de! E tlẹ nọ degbè do gbigbọ mawé lẹ, bọ yé nọ setonuna ẹn.” 28  Enẹwutu, to afọdopolọji, linlin he gando e go lọ gbayipe to awà lẹpo ji to otò he lẹdo Galili lẹpo mẹ. 29  Podọ to afọdopolọji, yé tọ́n sọn sinagọgu mẹ bo yì owhé Simọni po Andle po tọn gbè podọ Jakọbu po Johanu po hodo yé yì. 30  Todin, asi-nọ̀ Simọni tọn to aimimlọn bo to azọ̀n agbasa-hùnmiyọ́n tọn jẹ, podọ matin gbàndindọn, yé dọ ohó yọnnu lọ tọn na ẹn. 31  Podọ to whenue e yì e dè, e hẹn alọ etọn go bo ze e fọ́n; podọ agbasa-hùnmiyọ́n lọ yì sọn e ji, bọ ewọ sọ jẹ lizọnyina yé ji. 32  To whenuena tenu ko dó bọ owhè ko yihọ pó godo, gbẹtọ lẹ jẹ awutunọ lẹ po mẹhe tindo gbigbọ aovi tọn lẹ po hẹnwa na ẹn ji; 33  podọ tòdaho lọ pete pli do ohọ̀n lọ nukọn. 34  Enẹwutu, e hẹnazọ̀ngbọna mẹhe to azọ̀n voovo jẹ lẹ, bo yàn aovi susu jẹgbonu, ṣigba e ma nọ dike aovi lẹ ni dọho, na yé yọnẹn dọ ewọ wẹ Klisti wutu. 35  Podọ to afọnnu fuu, to whenue ai ma ko họ́n, e fọ́n bo tọ́njẹgbonu yì fihe to olá de, bosọ jẹ dẹ̀ho ji to finẹ. 36  Ṣigba, Simọni po mẹhe to e dè lẹ po dín in pé 37  bo mọ ẹn, yé sọ dọna ẹn dọmọ: “Mẹlẹpo wẹ to dindin we.” 38  Ṣigba, e dọna yé dọmọ: “Mì gbọ mí ni yì fidevo, yèdọ glètoho he sẹpọ lẹ mẹ, na yẹn nido dọyẹwheho to finẹ ga, na lẹndai ehe wutu wẹ yẹn do tọ́n.” 39  Ewọ sọ yì, bo to yẹwhehodọ to sinagọgu yetọn lẹ mẹ lẹdo Galili lẹpo pé bosọ to aovi lẹ yàn jẹgbonu. 40  Pòtọnọ de sọ wá e dè to finẹ, bo to vẹvẹna ẹn to oklò ji, bosọ to didọna ẹn dọmọ: “Eyin hiẹ jlo domọ, hiẹ sọgan hẹn mi zun wiwe.” 41  Enẹwutu, lẹblanu whàn ẹn, bọ e dlẹnalọ etọn bo doalọ ewọ go, bosọ dọna ẹn dọmọ: “Yẹn jlo. Yin hinhẹn zun wiwe.” 42  Podọ to afọdopolọji, pòzọ̀n lọ busẹ sọn e go, bọ ewọ lẹzun wiwe. 43  Humọ, e dosẹ́n na ẹn sinsinyẹn bo do e hlan to afọdopolọji, 44  bosọ dọna ẹn dọmọ: “A dike bo dọ nude na mẹdepope blo, ṣigba yì, bo do dewe hia yẹwhenọ, bosọ na nuhe Mose ko degbè etọn lẹ di nunina de na klọwé towe, taidi kunnudide de hlan yé.” 45  Ṣigba to whenue dawe lọ ko yì godo, e jẹ nuhe ko jọ lọ lá pé ji bosọ hẹn ẹn gbayipe, sọmọ bọ Jesu ma sọgan sọ biọ tòdaho de mẹ to gbangba ba, ṣigba e gbọṣi gbonu to fihe to olá lẹ. Ṣogan yé gbẹ́ pò to wiwá e dè sọn awà lẹpo ji janwẹ.

Nudọnamẹ Odò Tọn

Mk 1:2* Pọ́n Mal 3:1, fihe adà he to glọ̀ndo mẹ lọ yin didesọn.