Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Luku 20:1-47

20  To gbèdopo, dile e to gbẹtọ lẹ plọn to tẹmpli mẹ bo to wẹndagbe lọ lá, yẹwhenọgán lẹ po wekantọ lẹ po gọna sunnu mẹho lẹ dọnsẹpọ,  bo dọna ẹn dọmọ: “Dọna mí, aṣẹ tẹwẹ hiẹ yí do to onú ehelẹ wà, kavi mẹnu wẹ na we aṣẹ ehe.”  E gblọnna yé dọmọ: “Yẹnlọsu na kàn onú dopo biọ mì, bọ mì na dọna mi:  Baptẹm Johanu tọn, sọn olọn wẹ kavi sọn gbẹtọ lẹ dè?”  To whenẹnu, yé wá tadona kọ̀n to yedelẹ mẹ dọmọ: “Eyin mí dọ, ‘Sọn olọn,’ ewọ na dọ, ‘Naegbọn mì ma do yí i sè?’  Ṣigba, eyin mí dọ, ‘Sọn gbẹtọ lẹ dè,’ gbẹtọ lọ lẹpo na dlan zannu do mí, na yé ko yin linlẹndiọna dọ yẹwhegán de wẹ Johanu.”  Enẹwutu, yé gblọn dọ yé ma yọ́n fihe enẹ wá sọn.  Jesu sọ dọna yé dọmọ: “Yẹnlọsu ma to na dọ aṣẹ he yẹn yí do to onú ehelẹ wà na mì.”  To whenẹnu, e jẹ apajlẹ ehe na gbẹtọ lẹ ji dọmọ: “Dawe de dó vẹngle de bo haya ogle lọ na glesi lẹ bosọ tọ́nwhẹ̀n yì tògodo na ojlẹ de. 10  Ṣigba, to osaa sisọ mẹ, e do afanumẹ de hlan glesi lọ lẹ dè, na yé nido sọgan na ẹn sinsẹ́n vẹngle lọ tọn delẹ. Ṣigba, glesi lọ lẹ do e hlan asigbá-alọgbá to whenue yé ko hò e godo. 11  Ṣigba, e vọ́ onú dopolọ wà bo do afanumẹ devo hlan yé. Yé hò enẹlọ lọsu, bo dowinyan ẹn bosọ do e hlan asigbá-alọgbá. 12  Ṣogan, e sọ vọ́ do atọ̀ntọ hlan; yé gbleawu ehe lọsu bo dlan ẹn do gbonu. 13  Enẹwutu, klunọ vẹngle lọ tọn dọ, ‘Etẹwẹ yẹn na wà? Yẹn na do visunnu yiwanna ṣie hlan. Vlavo yé na na sisi ewọ.’ 14  To whenue glesi lọ lẹ mọ ẹn, yé jẹ didọna ode awetọ ji dọmọ, ‘Gudutọ lọ die; mì gbọ mí ni hù i, na ogú lọ nido lẹzun mítọn.’ 15  Enẹwutu, yé dlan ẹn do gbonu vẹngle lọ tọn bo hù i. To whelọnu lo, etẹwẹ klunọ vẹngle lọ tọn na wà na yé? 16  E na wá bo hù glesi ehelẹ bo na yí vẹngle lọ na mẹdevo lẹ.” To whenue yé sè ehe, yé dọmọ: “Enẹ ni ma jọ gbede blo!” 17  Ṣigba, e pọ́n yé hlan bo dọmọ: “To whelọnu lo, etẹwẹ nuhe yin kinkàndai ehe zẹẹmẹdo dọ, ‘Zannu he họ̀dotọ lẹ gbẹ́ dai, ehe lọ wẹ ko lẹzun gángánsu họ̀gosu tọn’? 18  Mẹdepope he jai jẹ zannu enẹ ji na gbà hányán. Ṣigba mẹdepope he ji e flẹ jẹ, e na lì i pọ́dọ́pọ́dọ́.” 19  Todin, wekantọ lẹ po yẹwhenọgán lẹ po dín dọ alọ yetọn ni jẹ e go to gànhiho enẹ mẹ, ṣigba yé dibusi gbẹtọ lẹ; na yé doayi e go dọ yewlẹ hodọ wẹ e te to apajlẹ ehe mẹ. 20  Podọ to whenue yé ko ṣọ́ ẹ godo, yé do mẹhe yé ko haya to nuglọ lẹ hlan nado doyẹklọmẹ dọ dodonọ wẹ yé, na yé nido sọgan domọwle e to hodidọ etọn mẹ, nado sọgan ze e do alọmẹ na tohọluduta po aṣẹpipa ayimatẹn-gán tọn po. 21  Yewlẹ sọ kanbiọ ẹ dọmọ: “Mẹplọntọ, mí yọnẹn dọ hiẹ nọ dọho bo nọ plọnmẹ ganji bo masọ nọ hò mẹnukuntapọn, ṣigba hiẹ nọ plọnmẹ aliho Jiwheyẹwhe tọn to nugbo mẹ: 22  Be e jẹ dọ mí ni sú tòkuẹ hlan Sesali ya kavi lala?” 23  Ṣigba, ewọ doayi ayiha gigẹdẹ yetọn go bo dọna yé dọmọ: 24  “Mì do denali* de hia mi. Yẹdide po nukinkan mẹnu tọn po wẹ to e ji?” Yé dọmọ: “Sesali tọn.” 25  E dọna yé dọmọ: “To whelọnu lo, mì hẹn ẹn diun dọ mì yí onú he yin Sesali tọn lẹ na Sesali, ṣigba onú he yin Jiwheyẹwhe tọn lẹ na Jiwheyẹwhe.” 26  Nalete, yé ma penugo nado wle e to hodidọ ehe mẹ to gbẹtọ lẹ nukọn, ṣigba na awuji yé na gblọndo etọn wutu, yé ma gblọn nude. 27  Etomọṣo, delẹ to Sadusi lẹ mẹ, mẹhe nọ dọ dọ fọnsọnku ma tin, wá bo kanse e, 28  dọmọ: “Mẹplọntọ, Mose kàn dai na mí dọ, ‘Eyin nọvisunnu mẹde tọn tindo asi bo kú jodo, ṣigba bo ma tindo ovi, nọvisunnu etọn dona sọ́n asi lọ bo jivi na nọvisunnu etọn sọn yọnnu lọ dè.’ 29  Sọgbe hẹ ehe, nọvisunnu ṣinawe delẹ tin; tintan sọ dà asi bo kú ma jivi. 30  Mọdopolọ awetọ, 31  podọ atọ̀ntọ sọ́n yọnnu lọ. Nudopolọ sọ jọ do ṣinawe lọ lẹ go: yèdọ yé kú ma jivi. 32  To godo mẹ, yọnnu lọ lọsu kú. 33  Enẹwutu, asi mẹnu tọn wẹ e na yin to fọnsọnku whenu? Na yé omẹ ṣinawe lẹ wẹ dà ẹ di asi.” 34  Jesu dọna yé dọmọ: “Ovi titonu ehe tọn lẹ wẹ nọ wlealọ bo nọ yin nina to alọwle mẹ, 35  ṣigba mẹhe ko yin mimọ nado jẹna titonu he ja podọ na fọnsọnku oṣiọ lẹ tọn ma na wlealọ kavi yin nina to alọwle mẹ. 36  Na nugbo tọn, mọjanwẹ yé masọ sọgan kú ba, na yé taidi angẹli lẹ, podọ na yé na yin finfọnsọnku wutu, yé na yin ovi Jiwheyẹwhe tọn lẹ. 37  Ṣigba, dọ oṣiọ lẹ na yin finfọnsọnku, Mose lọsu hẹn ẹn zun yinyọnẹn to kandai he gando wùnkan go lọ mẹ, to whenue e ylọ Jehovah dọ ‘Jiwheyẹwhe Ablaham tọn, Jiwheyẹwhe Isaki tọn podọ Jiwheyẹwhe Jakọbu tọn.’ 38  Jiwheyẹwhe mẹhe to ogbẹ̀ lẹ tọn wẹ ewọ, e ma yin oṣiọ lẹ tọn gba, na yemẹpo wẹ to ogbẹ̀ na ewọ.” 39  Delẹ to wekantọ lẹ mẹ gblọn dọmọ: “Mẹplọntọ, hiẹ dọ ganji.” 40  Na yé masọ tindo adọgbigbo lọ nado kàn onú dopo tata biọ ẹ ba. 41  Ewọ sọ gblọnna yé dọmọ: “Naegbọn yé do dọ dọ Klisti yin visunnu Davidi tọn? 42  Na Davidi lọsu dọ to owe Psalm lẹ tọn mẹ dọ, ‘Jehovah dọna Oklunọ ṣie dọmọ: “Sinai to adusilọ ṣie mẹ 43  kaka yẹn nado yí kẹntọ towe lẹ do tokloafọligbe afọ towe lẹ tọn.”’ 44  Enẹwutu, Davidi ylọ ẹ dọ ‘Oklunọ’; to whelọnu lo, nawẹ ewọ yin visunnu etọn gbọn lo?” 45  Enẹgodo, dile gbẹtọ lẹpo to todoai, e dọna devi etọn lẹ dọmọ: 46  “Mì payi wekantọ lẹ go he nọ jlo nado nọ to yìyì pé to tewu lẹ mẹ podọ he nọ yiwanna nado yin nudọdo to ahi lẹ mẹ podọ aisintẹn nukọn tọn lẹ to sinagọgu lẹ mẹ podọ otẹn nukundeji lẹ to núdùdù whèjai tọn lẹ whenu, 47  podọ yé nọ dù owhé asuṣiọsi lẹ tọn sudo bo nọ gbọn yẹnuwiwa dali hodẹ̀ gaa lẹ. Omẹ ehelẹ na mọ whẹdida he sinyẹn hugan de yí.”

Nudọnamẹ Odò Tọn

Luk 20:24* Pọ́n Mt 18:24, nudọnamẹ odò tọn.