Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Luku 13:1-35

13  To ojlẹ enẹ dopolọ mẹ, mẹdelẹ tin to finẹ he na ẹn linlin gando Galilinu lẹ go, ohùn mẹhe tọn Pilati flusọ́ po avọ́sinsan yetọn lẹ po.  Enẹwutu, e gblọnna yé dọmọ: “Be mìwlẹ lẹndọ Galilinu ehelẹ yin ylandonọ hú Galilinu he pò lẹpo na yé jiya onú ehelẹ tọn wutu wẹ ya?  Yẹn dọna mì dọ, e ma yinmọ paali; ṣigba, eyin mìwlẹ ma lẹnvọjọ, mìmẹpo wẹ na yin vivasudo to aliho dopolọ mẹ.  Kavi omẹ fọtọ̀n-nukunatọ̀n he ji atọ̀họ̀ Siloami tọn họ́ jẹ, bo hù lẹ, be mìwlẹ lẹndọ yé yin ylandonọ hú omẹ he pò lẹpo he nọ nọ̀ Jelusalẹm wẹ ya?  Yẹn dọna mì dọ, e ma yinmọ paali; ṣigba, eyin mìwlẹ ma lẹnvọjọ, mìmẹpo wẹ na yin vivasudo to aliho dopolọ mẹ.”  To enẹgodo, e zindonukọn nado na apajlẹ ehe dọmọ: “Dawe de tindo ovòtin de he yin didó do vẹngle etọn mẹ, e sọ wá nado dín sinsẹ́n to e ji, ṣigba e ma mọ depope.  To whenẹnu, e dọna vẹngle-zọ́nwatọ etọn dọ, ‘E ko yì owhe atọ̀n he yẹn to wiwá bo to sinsẹ́n dín to ovòtin ehe ji, ṣigba yẹn ma mọ depope. Sán ẹn liai! Naegbọn e nado to tẹnmẹ ján aigba sọmọ?’  E gblọnna ẹn dọmọ, ‘Oklunọ, jo e do na owhe ehe ga, kaka yẹn nado kùndò lẹdo e bo bẹ ogbó do e mẹ;  podọ eyin e de sinsẹ́n tọ́n to sọgodo, be e yọ́n; ṣigba eyin e ma yinmọ, hiẹ na sán ẹn liai.’” 10  Todin, e to mẹplọn to dopo to sinagọgu lẹ mẹ to gbọjẹzangbe. 11  Podọ, pọ́n! nawe de to awutu jẹ to nuyiwadomẹji aovi de tọn glọ na owhe fọtọ̀n-nukunatọ̀n, bo nọ zọ̀n tọ́tọ́ bo masọ penugo nado jlọ paali. 12  To whenue Jesu mọ nawe lọ, e dọna ẹn dọmọ: “Nawe, hiẹ yin tuntundote sọn awutu towe mẹ.” 13  E sọ ze alọ etọn lẹ do nawe lọ ji; ewọ sọ jlọ to afọdopolọji, bo jẹ gigopana Jiwheyẹwhe ji. 14  Ṣigba, na enẹ tọn wutu, ogán sinagọgu tọn lọ gblehomẹ na Jesu hẹnazọ̀ngbọ to gbọjẹzangbe wutu, bo jẹ didọna gbẹtọgun lọ ji dọmọ: “Azán ṣidopo wẹ tin na azọ́n; enẹwutu, to azán enẹlẹ gbè, mì wá bo yin azọ̀nhẹngbọna, ṣigba e yin to gbọjẹzangbe blo.” 15  Etomọṣo, Oklunọ gblọnna ẹn dọmọ: “Mì yẹnuwatọ lẹ, be dopodopo mìtọn ma nọ tún oyìnsú etọn kavi kẹtẹkẹtẹ etọn sọn apó mẹ to gbọjẹzangbe bo nọ plan ẹn yì nado na ẹn osin ya? 16  To whelọnu lo, be e ma jẹ dọ nawe he yin viyọnnu Ablaham tọn ehe, he Satani ko dogàn, yèdọ sọn owhe fọtọ̀n-nukunatọ̀n die gbọ́n lọ ni yin tuntundote sọn ogàn ehe mẹ to gbọjẹzangbe ya?” 17  Todin, to whenue e ko dọ onú ehelẹ, winyan jẹ hùhù nukundiọsọmẹtọ etọn lẹpo ji; ṣigba gbẹtọgun lọ lẹpo jẹ ayajẹ ji na onú gigonọ he e ko wà lẹpo wutu. 18  Enẹwutu, e zindonukọn nado dọmọ: “Etẹwẹ ahọluduta Jiwheyẹwhe tọn taidi, podọ etẹ go wẹ yẹn na yí i jlẹdo? 19  E tin taidi okún mutaldi* tọn de he dawe de yí bo dó do jipa etọn mẹ, e sọ whẹ́n bo lẹzun atin de, bọ ohẹ̀ agahomẹ tọn lẹ nọ nọ̀ alà etọn lẹ ji.” 20  Whladopo dogọ, e sọ dọmọ: “Etẹ go wẹ yẹn na yí ahọluduta Jiwheyẹwhe tọn jlẹdo? 21  E tin taidi otọ́n de, he yọnnu de yí bo whlá do linfin he sù sọ nujlẹka daho atọ̀n mẹ kaka linfin lọ pete do fọ́n.” 22  E sọ zingbejizọnlin sọn tòdaho de mẹ jẹ tòdaho de mẹ podọ sọn gbétatò de mẹ jẹ gbétatò de mẹ, bo to mẹplọn bosọ zindonukọn to gbejizọnlin etọn mẹ yì Jelusalẹm. 23  Todin, dawe de dọna ẹn dọmọ: “Oklunọ, be omẹ vude wẹ na yin whinwhlẹngán ya?” E dọna yé dọmọ: 24  “Mì vánkan vẹkuvẹku nado gbọn ohọ̀n bibó lọ nù biọ e mẹ, na yẹn dọna mì dọ, mẹsusu wẹ na dín nado biọ e mẹ ṣigba bo ma na penugo, 25  na to whenue whétọ lọ na ko fọ́n bo sú ohọ̀n lọ, mìwlẹ nasọ ṣite to gbonu bo jẹ họ̀nhúhú ji, bosọ to didọmọ, ‘Oklunọ, hùnhọ̀n na mí.’ Ṣigba ewọ na gblọn bo dọna mì dọ, ‘Yẹn ma yọ́n fie mì tọ́n sọn.’ 26  To whenẹnu, mìwlẹ na jẹ didọ ji dọ, ‘Mí dù bo nù to nukọn towe, podọ hiẹ plọnmẹ to alihogbó mítọn lẹ ji.’ 27  Ṣigba e na gblọn bo dọna yé dọ, ‘Yẹn ma yọ́n fie mì tọ́n sọn. Mì tọ́n sọn dè e, mìmẹpo he nọ wazọ́n mawadodo tọn lẹ!’ 28  Finẹ wẹ mì na viavi bo dù adúkúnkún te, to whenue mì mọ Ablaham, Isaki, Jakọbu po yẹwhegán lẹpo po to ahọluduta Jiwheyẹwhe tọn mẹ, ṣigba bọ mìwlẹ yin zizedlan gbonu. 29  Humọ, gbẹtọ lẹ na wá sọn whèzẹtẹn-waji lẹ po whèyihọ-waji lẹ po, podọ sọn agewaji po hùwaji po, bo na jagla to tafo kọ̀n to ahọluduta Jiwheyẹwhe tọn mẹ. 30  Podọ, pọ́n! mẹhe yin godotọ lẹ wẹ na lẹzun tintan, podọ mẹhe yin tintan lẹ wẹ na lẹzun godotọ.” 31  To gànhiho enẹ dopolọ mẹ, Falesi delẹ wá bo dọna ẹn dọmọ: “Tọ́n bo yì sọn fi, na Hẹlọdi* jlo na hù we.” 32  Ewọ sọ dọna yé dọmọ: “Mì yì bo dọna owọ̀ enẹ dọ, ‘Pọ́n! yẹn to aovi lẹ yàn jẹgbonu bo to azọ̀nhẹngbọnamẹ to egbé po osọ he ja po, podọ yẹn na dotana to azán atọ̀n gbè.’ 33  Etomọṣo, yẹn dona zindonukọn to gbejizọnlin ṣie mẹ to egbé po osọ he ja po, podọ to azán atọ̀n gbè, na e ma jẹ dọ yẹwhegán de ni yin hùhù to gbonu Jelusalẹm tọn. 34  Jelusalẹm, Jelusalẹm E, hiẹ he nọ hù yẹwhegán lẹ bo nọ dlan zannu do mẹhe yin didohlan we lẹ—whla nẹmu wẹ yẹn ko jlo nado bẹ ovi towe lẹ pli kẹdẹdile koklosi de nọ bẹ ovi etọn lẹ pli do awà etọn lẹ glọ do, ṣigba mìwlẹ ma jlo domọ! 35  Mì pọ́n! Owhé* mìtọn ko yin jijodai na mì. Yẹn dọna mì dọ, Mìwlẹ ma nasọ mọ mi ba kaka mì nado dọ, ‘Donanọ wẹ ewọ he ja to oyín Jehovah tọn mẹ!’”

Nudọnamẹ Odò Tọn

Luk 13:19 Pọ́n Mt 13:31, nudọnamẹ odò tọn.
Luk 13:31 Pọ́n Luk 3:1, nudọnamẹ odò tọn.
Luk 13:35 To paa mẹ, “tẹmpli lọ.”