Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Luku 11:1-54

11  Todin, to ojlẹ de mẹ, ewọ to dẹ̀ho to fide podọ, to whenue e doalọte, dopo to devi etọn lẹ mẹ dọna ẹn dọmọ: “Oklunọ, plọn mí lehe mí na nọ hodẹ̀ do, kẹdẹdile Johanu lọsu plọn devi etọn lẹ do.”  To whenẹnu, e dọna yé dọmọ: “Whedepopenu he mì to dẹ̀ho, mì nọ dọ, ‘Otọ́, na oyín towe ni yin kinklandowiwe. Na ahọluduta towe ni wá.  Na núdùdù mítọn egbé tọn mí sọgbe hẹ nuhudo azán lọ tọn.  Podọ jo ylando mítọn lẹ na mí, na mílọsu nọ jona mẹhe duahọ do mí lẹpo; a sọ hẹn mí biọ whlepọn mẹ blo.’”  Humọ, e dọna yé dọmọ: “Mẹnu to mì mẹ wẹ na tindo họntọn de bo na yì e dè to zánhomẹ bosọ dọna ẹn dọ, ‘Họntọn, yàn akla atọ̀n na mi,  na họntọn ṣie de ṣẹṣẹ zingbejizọnlin wá dè e bọ yẹn ma tindo nudepope nado zedonukọnna ẹn’?  Bọ ewọ na gblọn sọn họmẹ dọ, ‘A sọ dotukla mi ba blo. Ohọ̀n ko yin súsú, bọ yọpọ ṣie lẹ ko to adọ́zan ji hẹ mi; yẹn ma sọgan fọ́n bo na we nudepope.’  Yẹn dọna mì dọ, Eyin ewọ ma na tlẹ fọ́n bo na ẹn nudepope na họntọn etọn wẹ e yin wutu, na nugbo tọn, na linsinsinyẹn majomajo etọn wutu, e na fọ́n bo na ẹn onú he e tindo nuhudo etọn lẹ.  Enẹwutu, yẹn dọna mì dọ, Mì to bibiọ zọnmii, e nasọ yin nina mì; mì to dindin zọnmii, mì nasọ mọ; mì to họ̀nhúhú zọnmii, e nasọ yin hùnhùn hlan mì. 10  Na mẹdepope he to bibiọ nọ mọyi, podọ mẹdepope he to dindin nọ mọ, podọ mẹdepope he to họ̀nhúhú, e na yin hùnhùn na ẹn. 11  Na nugbo tọn, otọ́ tẹwẹ to mì mẹ to finẹ he, eyin visunnu etọn biọ whèvi, sọgan ze odàn na ẹn do whèvi tẹnmẹ? 12  Kavi eyin e biọ azìn, bọ e na ze aklekle na ẹn? 13  Enẹwutu, eyin mìwlẹ, he tlẹ yin mẹylankan, yọ́n lehe yè nọ na nunina dagbe ovi mìtọn lẹ do, nẹmunẹmu wẹ Otọ́ he to olọn mẹ ma nado na gbigbọ wiwe mẹhe to bibiọ ẹ lẹ!” 14  To godo mẹ, ewọ to aovi he nọ hẹnmẹ zun unbọpẹnnọ de yàn jẹgbonu. To whenue aovi lọ ko tọ́njẹgbonu godo, dawe unbọpẹnnọ lọ dọho. E sọ jiawu na gbẹtọgun lọ lẹ. 15  Ṣigba, mẹdelẹ to yé mẹ dọmọ: “Beẹlzebuli, ogán aovi lẹ tọn wẹ e nọ yí do yàn aovi lẹ jẹgbonu.” 16  Ṣigba, nado whlé e pọ́n, mẹdevo lẹ jẹ ohia de dín ji to e si sọn olọn. 17  Na e yọ́n nuhe lẹn yé te to ahun yetọn mẹ wutu, e dọna yé dọmọ: “Ahọluduta depope he klan sọta ede nọ jẹvọ́, podọ owhé de he klan sọta ede nọ họliai. 18  Enẹwutu, eyin Satani lọsu klan sọta ede, nawẹ ahọluduta etọn na nọte do? Na mìwlẹ dọ dọ yẹn nọ yàn aovi lẹ jẹgbonu gbọn Beẹlzebuli dali. 19  Eyin gbọn Beẹlzebuli gblamẹ wẹ yẹn nọ yàn aovi lẹ jẹgbonu, gbọn mẹnu dali wẹ visunnu mìtọn lẹ nọ yàn yé jẹgbonu lo? Na ehe wutu, yé na yin whẹdatọ mìtọn lẹ. 20  Ṣigba, eyin gbọn alọvi Jiwheyẹwhe tọn gblamẹ wẹ yẹn nọ yàn aovi lẹ jẹgbonu, be ahọluduta Jiwheyẹwhe tọn ko gbọ̀ mì go. 21  To whenuena dawe huhlọnnọ de, he blagbaja ganji, to hihọ́-basina họ̀nmẹ etọn, nude ma na wà nutindo etọn lẹ. 22  Ṣigba, to whenue mẹde he dohuhlọn hugan ewọ fọ́n do e ji bo gbawhàn etọn, e nọ yí awhànfunnu etọn he go e dejido lẹpo, bo nọ má nuhe e bẹ sọn e si lẹ hẹ mẹdevo lẹ. 23  Ewọ he ma tin to adà ṣie mẹ jẹagọdo mi, podọ ewọ he ma to gbẹtọ lẹ bẹpli hẹ mi to yé vúnvún pé. 24  “Eyin gbigbọ mawé de tọ́n sọn gbẹtọ de mẹ, e nọ gbọn ofi húhú klókló lẹ bo nọ dín gbọjẹtẹn de, podọ eyin e ma mọ depope, e nọ dọmọ, ‘Yẹn na lẹkọyi owhé ṣie gbè fie yẹn tọ́n sọn.’ 25  Podọ to whenue e jẹ finẹ, e nọ mọ ẹn bọ e nọ yin ziza wé bosọ nọ yin aṣọ́dona. 26  Enẹgodo, e nọ yì bo nọ hẹn gbigbọ ṣinawe devo lẹ he ylanhu ewọ lọsu wá, podọ, to whenuena yé ko biọ e mẹ godo, yé nọ nọ̀ finẹ; podọ ninọmẹ omẹ lọ tọn to godo mẹ nọ wá ylanhu tintan tọn.” 27  Todin, dile e to onú ehelẹ dọ, nawe de sọn gbẹtọgun lọ mẹ dọ po ogbè lélé po na ẹn dọmọ: “Ayajẹnọ wẹ adọ̀ he hẹn we po anọ́ he hiẹ nọ́ lẹ po!” 28  Ṣigba, e dọmọ: “Lala, kakatimọ, Ayajẹnọ wẹ mẹhe to ohó Jiwheyẹwhe tọn sè bo to yíyí i hẹn lẹ!” 29  To whenue gbẹtọgun lẹ to pipli dopọ, e jẹ didọ ji dọmọ: “Whẹndo ylankan de wẹ whẹndo ehe; e to ohia de dín. Ṣigba ohia de ma na yin nina ẹn adavo ohia Jona tọn. 30  Na kẹdẹdile Jona lẹzun ohia de na Ninevenu lẹ do, to aliho dopolọ mẹ wẹ Visunnu gbẹtọ tọn na yin na whẹndo ehe do ga. 31  Ahọsi hùwaji tọn na yin finfọn to whẹdida whenu po omẹ whẹndo ehe tọn lẹ po bo na gblewhẹdo yé; na ewọ wá sọn opodo aigba tọn lẹ nado sè nuyọnẹn Sọlomọni tọn, ṣigba, pọ́n! mẹde he hugan Sọlomọni tin tofi. 32  Omẹ Nineve tọn lẹ na fọ́n to whẹdida whenu po whẹndo ehe po bo na gblewhẹdo e; na yewlẹ lẹnvọjọ na yẹwhehodidọ Jona tọn wutu; ṣigba, pọ́n! mẹde he hugan Jona tin tofi. 33  Mẹde ma nọ tá miyọ́ngbán, bọ to enẹgodo nọ ze e do nuglọ kavi do ohà nujijlẹ tọn glọ, ṣigba do miyọ́ngbántin ji, na mẹhe to whégbè biọ lẹ nido sọgan mọ hinhọ́n. 34  Nukun wẹ miyọ́ngbán agbasa towe tọn. Eyin nukun towe tin to fidopo, agbasa towe pete na gọ́ na hinhọ́n ga; ṣigba eyin nukun towe yin ylankan, agbasa towe na gọ́ na zinvlu ga. 35  Enẹwutu, nọ aṣeji. Vlavo hinhọ́n he tin to hiẹ mẹ yin zinvlu. 36  Enẹwutu, eyin agbasa towe pete gọ́ na hinhọ́n, bọ apadewhe etọn ma dozinvlu to aliho depope mẹ, popolẹpo na họ́n taidile miyọ́ngbán de nọ na we hinhọ́n gbọn hinhọ́n etọn dali do.” 37  To whenue e ko dọ ehe godo, Falesi de biọ to e si nado wá dùnú hẹ ẹ. Enẹwutu, e biọ whégbè bo jagla to tafo kọ̀n. 38  Ṣigba, e paṣa Falesi lọ nado mọdọ e ma klọ́ alọ jẹnukọnna núdùdù. 39  Ṣigba, Oklunọ dọna ẹn dọmọ: “Todin, mì Falesi lẹ, mì nọ klọ́ gbonu kọfo po agbánvla po tọn wé, ṣigba, to ohò mìtọn mẹ, mì gọ́ na alọslonamẹ po kanyinylan po. 40  Mì nulunọ lẹ! Ewọ he basi gbonu wẹ basi homẹ ga, kavi e ma yin mọ wẹ? 41  Enẹwutu, mì na nuhe tin to homẹ lẹ taidi nunina lẹblanu tọn, podọ, pọ́n! gando mìwlẹ go, onú devo lẹpo wẹ yin wiwe. 42  Ṣigba, dindọn hlan mì Falesi lẹ, na mì nọ na madao mẹnti po nuwhẹ́nkun lue tọn po gọna omá devo lẹpo, ṣigba mì nọ gbọn apá na whẹdida dodo po owanyi Jiwheyẹwhe tọn po! Onú ehelẹ wiwà wẹ yin dandan, ṣigba, onú he pò lẹ ma dona yin jijodo. 43  Dindọn hlan mì Falesi lẹ, na mì nọ yiwanna aisintẹn nukọn tọn lẹ to sinagọgu lẹ mẹ podọ nado nọ yin nudọdo po sisi po to ahi lẹ mẹ! 44  Dindọn hlan mì, na mì taidi yọdò enẹlẹ he ma nọ yin mimọ, na gbẹtọ lẹ nido zinzọnlin gbọn yé ji bo ma yọ́n ẹn!” 45  Dopo to mẹhe yọ́n Osẹ́n lọ ganji lẹ mẹ gblọnna ẹn dọmọ: “Mẹplọntọ, to onú ehelẹ didọ mẹ, hiẹ zùn mílọsu lẹ ga.” 46  To whenẹnu, e dọmọ: “Dindọn hlan mìlọsu lẹ he yọ́n Osẹ́n lọ ganji, na mì doagban pinpẹn na gbẹtọ lẹ nado hẹn, ṣigba mìlọsu lẹ ma yí dopo to alọvi mìtọn lẹ mẹ do doalọ agbàn lọ lẹ go! 47  “Dindọn hlan mì, na mì nọ dó yọdò yẹwhegán lẹ tọn, ṣigba tọgbo mìtọn lẹ wẹ hù yé! 48  Na nugbo tọn, mìwlẹ wẹ kunnudetọ nuyiwa tọgbo mìtọn lẹ tọn ṣogan mì kọngbedopọ hẹ yé, na omẹ ehelẹ wẹ hù yẹwhegán lẹ, ṣigba mìwlẹ nọ to yọdò yetọn lẹ dó. 49  Na ehe tọn wutu wẹ Jiwheyẹwhe do gbọn nuyọnẹn etọn gblamẹ dọmọ, ‘Yẹn na do yẹwhegán lẹ po apọsteli lẹ po hlan yé, bọ yé na hù bo dohomẹkẹn delẹ to yé mẹ, 50  na ohùn yẹwhegán lẹpo tọn he ko yin sinsọndai sọn didá aihọn tọn nido sọgan yin bibiọ sọn whẹndo ehe si, 51  sọn ohùn Abẹli tọn ji kakajẹ ohùn Zekalia tọn ji, mẹhe yè hù to agbà lọ po ohọ̀ lọ po ṣẹnṣẹn.’ Mọwẹ, yẹn dọna mì dọ, e na yin bibiọ sọn whẹndo ehe si. 52  “Dindọn hlan mì mẹhe yọ́n Osẹ́n lọ ganji lẹ, na mìwlẹ ze họnhungan oyọnẹn tọn yì; mìlọsu lẹ ma biọ e mẹ, podọ mì nọ glọnalina mẹhe jlo na biọ e mẹ lẹ!” 53  Enẹwutu, to whenue e tọ́nyi sọn finẹ, wekantọ lẹ po Falesi lẹ po jẹ didesọ́ ẹ ji sinsinyẹn bo do magbọjẹ na ẹn po kanbiọ susu lẹ po gando onú devo lẹ go, 54  bo tọ̀wu dai na ẹn, nado sọgan wle e to hodidọ etọn mẹ.

Nudọnamẹ Odò Tọn