Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Luku 1:1-80

1  Mẹsusu ko dovivẹnu nado wleawuna kandai nugbo lẹ he go mí dejido mlẹnmlẹn,  kẹdẹdile mẹhe lẹzun kunnudetọ yí nukun do mọ lẹ po devizọnwatọ owẹ̀n lọ tọn lẹ po ko lá onú ehelẹ na mí sọn whẹwhẹwhenu do,  enẹwutu wẹ yẹnlọsu magbe, na yẹn ko dindona onú lẹpo po gbesisọ po sọn bẹjẹeji, nado basi kandai yetọn to aliho whinnuwhinnu tọn de mẹ hlan we, hiẹ gigonọ daho Teofil,  na hiẹ nido yọ́n nugbo lọ to gigọ́ mẹ gando nuhe yè ko yí onù do plọn we lẹ go.  To azán Hẹlọdi*, ahọlu Jude tọn lọ tọn lẹ gbè, yẹwhenọ de tin he nọ yin Zekalia, he yin hagbẹ pipli yẹwhenọ he wá sọn whẹndo Abija tọn mẹ lẹ tọn, podọ e tindo asi de sọn viyọnnu Aalọn tọn lẹ mẹ, he oyín etọn nọ yin Elizabẹti.  Yé omẹ awe lẹ yin dodonọ to Jiwheyẹwhe nukọn na yé nọ zinzọnlin to aliho he ma tindo oblọ mẹ sọgbe hẹ gbedide lọ lẹpo gọna nubiọtomẹsi osẹ́n Jehovah tọn lẹ.  Ṣigba yé ma tindo ovi, na Elizabẹti yin wẹnsinọ de wutu, podọ owhe yé omẹ awe lẹ tọn ko sẹyì taun.  Todin, dile e to azọ́nwa taidi yẹwhenọ to azọ́ndenamẹ pipli etọn tọn mẹ to Jiwheyẹwhe nukọn,  sọgbe hẹ aṣa he hẹnai azọ́n yẹwhenọ tọn, e jẹ ewọ ji nado biọ fiwiwe Jehovah tọn bo mẹ̀n nuyọnwan; 10  gbẹtọgun lọ lẹpo sọ to dẹ̀ho to gbonu to gànhiho he mẹ yè to nuyọnwan lọ mẹ̀n. 11  Angẹli Jehovah tọn sọawuhia ẹ, bo ṣite to adusiwhé na agbà nuyọnwan lọ tọn. 12  Ṣigba, Zekalia biọ bẹwlu mẹ na nuhe e mọ lọ wutu, bọ obu sọ jẹ e ji. 13  Etomọṣo, angẹli lọ dọna ẹn dọmọ: “A dibu blo, Zekalia, na Jiwheyẹwhe ko sè ovẹ̀ towe, podọ asi towe Elizabẹti na ji visunnu de na we, hiẹ nasọ ylọ oyín etọn dọ Johanu. 14  Hiẹ nasọ tindo ayajẹ po homẹhunhun daho po, podọ mẹsusu na jaya na jiji etọn wutu; 15  na ewọ na klo to Jehovah nukọn. Ṣigba ewọ ma dona nù ovẹn po ahàn sinsinyẹn depope po, ewọ nasọ gọ́ na gbigbọ wiwe sọn adọ̀ onọ̀ etọn tọn mẹ; 16  podọ ewọ nasọ hẹn ovi Islaeli tọn susu lẹkọwa Jehovah Jiwheyẹwhe yetọn dè. 17  Humọ, e na yí gbigbọ po huhlọn Elija tọn po do jẹnukọnna ẹn yì nado diọ ahun otọ́ lẹ tọn di ovi lẹ tọn podọ tolivẹtọ lẹ na tindo nuyọnẹn yọ́n-na-yizan dodonọ lẹ tọn, nado wleawu mẹhe jẹ lẹ tọn dai na Jehovah.” 18  Zekalia sọ dọna angẹli lọ dọmọ: “Nawẹ yẹn na dejido ehe go gbọn? Na yẹn ko poyọnho bọ owhe asi ṣie tọn ko sẹyì taun.” 19  Angẹli lọ gblọnna ẹn dọmọ: “Yẹn wẹ Gabliẹli, he nọ nọte to Jiwheyẹwhe nukọn, podọ yẹn yin didohlan nado dọhona we bo lá wẹndagbe onú ehelẹ tọn na we. 20  Ṣigba, pọ́n! hiẹ na lẹzun unbọpẹnnọ bo ma na penugo nado dọho kakajẹ azán he gbè onú ehelẹ na jọ, na hiẹ ma yí ohó ṣie, he na yin hinhẹndi to ojlẹ dide yetọn mẹ lẹ sè wutu.” 21  Nalete, gbẹtọ lẹ to tenọpọn Zekalia, bọ gbàndindọn etọn to fiwiwe lọ jẹ pipaṣa yé ji. 22  Ṣigba, to whenue e tọ́njẹgbonu, e ma penugo nado dọhona yé, yé sọ doayi e go dọ e ṣẹṣẹ mọ numimọ jiawu de to fiwiwe lọ; e sọ yí alọ do to ohia lẹ basi na yé, ṣigba bo gbọṣi unbọpẹnnọ-yinyin mẹ. 23  Todin, to whenuena azán sinsẹ̀nzọn gbangba tọn etọn wá vivọnu, e yì owhé etọn gbè. 24  Ṣigba, to azán ehelẹ godo, asi etọn Elizabẹti mọhò; e sọ whlá ede họ̀ osun atọ́n, bo dọmọ: 25  “Aliho he mẹ Jehovah ko yinuwa hẹ mi te to azán ehelẹ mẹ die, to whenue e ko na mi ayidonugo nado de vlẹko ṣie sẹ̀ to gbẹtọ lẹ ṣẹnṣẹn.” 26  To osun ṣidopotọ etọn mẹ, Jiwheyẹwhe do angẹli Gabliẹli hlan tòdaho Galili tọn he nọ yin Nazalẹti mẹ, 27  hlan awhli de dè, he ko dopà alọwle tọn na sunnu de he nọ yin Josẹfu sọn owhé Davidi tọn gbè; podọ oyín awhli lọ tọn wẹ Malia. 28  Podọ to whenue e yì ewọ dè, e dọmọ: “Kúdo lewhenu, hiẹ he nukundagbe daho yin didohia, Jehovah tin hẹ we.” 29  Ṣigba, ohó lọ hẹn ẹn biọ bẹwlu mẹ taun bọ e jẹ nulẹnpọn ji dọ nudọdomẹ nankọ wẹ ehe sọgan ko yin. 30  Enẹwutu, angẹli lọ dọna ẹn dọmọ: “A dibu blo, Malia, na Jiwheyẹwhe ko do nukundagbe hia we; 31  podọ, pọ́n! hiẹ na mọhò bo ji visunnu de, hiẹ nasọ ylọ oyín etọn dọ Jesu. 32  Ewọ na klo bo na yin yiylọdọ Visunnu Gigogán lọ tọn; podọ Jehovah Jiwheyẹwhe na yí ofìn Davidi otọ́ etọn tọn na ẹn, 33  ewọ nasọ duahọlu do owhé Jakọbu tọn ji kakadoi, podọ ahọluduta etọn ma na wá opodo.” 34  Ṣigba, Malia dọna angẹli lọ dọmọ: “Nawẹ ehe na jọ gbọn, to whenue yẹn ma ko tindo kọndopọ zanhẹmẹ tọn hẹ sunnu de?” 35  Angẹli lọ gblọnna ẹn dọmọ: “Gbigbọ wiwe na wá hiẹ ji, bọ huhlọn Gigogán lọ tọn na ṣinyọnyẹ oji we. Podọ na enẹ tọn wutu, ovi he yin jiji lọ na yin yiylọdọ wiwe, Visunnu Jiwheyẹwhe tọn. 36  Podọ, pọ́n! Elizabẹti hẹnnumẹ towe lọsu ko mọhò visunnu de tọn, to yọnhowhe etọn mẹ, podọ osun ṣidopotọ etọn die, yèdọ ewọ he nọ yin yiylọdọ wẹnsinọ lọ; 37  na to Jiwheyẹwhe dè, nuhe ko yin didọ depope ma na gọ̀n ma yin hinhẹndi.” 38  To whelọnu, Malia dọmọ: “Pọ́n! Afanumẹ yọnnu Jehovah tọn! Na e ni jọ domọ na mi kẹdẹdi ohó towe.” To whenẹnu, angẹli lọ tọ́n sọn e dè. 39  Enẹwutu, Malia fọ́n to azán enẹlẹ gbè bo yì lẹdo osó tọn lẹ mẹ po awuyiya po, yì tòdaho Juda tọn de mẹ, 40  podọ e biọ owhé Zekalia tọn gbè bo dọnudo Elizabẹti. 41  Todin, dile Elizabẹti sè nudọdomẹ Malia tọn, viyẹyẹ lọ he to ohò etọn mẹ whàngo; Elizabẹti sọ gọ́ na gbigbọ wiwe, 42  podọ e yí ogbè lélé do dawhá dọmọ: “Donanọ wẹ hiẹ to yọnnu lẹ ṣẹnṣẹn, podọ donanọ wẹ sinsẹ́n adọ̀ towe mẹ tọn! 43  Enẹwutu, naegbọn lẹblanulọkẹyi ehe do yin nina mi, bọ onọ̀ Oklunọ ṣie tọn nado wá dè e? 44  Na, pọ́n! dile nudọdomẹ towe jẹ otó ṣie lẹ mẹ, viyẹyẹ he to ohò ṣie mẹ whàngo na homẹhunhun daho wutu. 45  Ayajẹnọ wẹ hiẹ lọsu ga he yise, na nuhe yin didọna we sọn Jehovah dè lẹpo wẹ na yin hinhẹndi mlẹnmlẹn.” 46  Malia sọ dọmọ: “Alindọn ṣie pagigona Jehovah, 47  podọ gbigbọ ṣie ma sọgan nọma gọ́ na ayajẹ susu hlan Jiwheyẹwhe Mẹwhlẹngántọ ṣie; 48  na e ko mọ ninọmẹ he yìdo afanumẹ yọnnu etọn tọn. Na, pọ́n! bẹsọn din sọyi, whẹndo lẹpo na nọ ylọ mi dọ ayajẹnọ; 49  na Omẹ huhlọnnọ lọ ko wà azọ́n daho lẹ na mi, podọ wiwe wẹ oyín etọn; 50  lẹblanu etọn nasọ tin to mẹhe dibusi i lẹ ji sọn whẹndo de mẹ jẹ whẹndo devo mẹ. 51  E ko yí awà etọn lẹ do wà azọ́n huhlọnnọ lẹ, mẹhe yin saklanọ to linlẹn ahun yetọn lẹ tọn mẹ wẹ e ko vúnvún pé. 52  E ko de sunnu he tin to ogántẹn mẹ lẹ sọn ofìn ji bo ko ze whiwhẹnọ lẹ daga; 53  e ko yí onú dagbe lẹ do pekọna mẹhe huvẹ to hùhù lẹ podọ e ko do mẹhe yin adọkunnọ lẹ hlan agbá. 54  E ko gọalọna Islaeli devizọnwatọ etọn, nado flin lẹblanu, 55  kẹdẹdile e ko dọna tọgbo mítọn lẹ do, yèdọ hlan Ablaham po okún etọn po kakadoi.” 56  Enẹwutu, Malia gbọṣi e dè na nudi osun atọ̀n, enẹgodo, e lẹkọyi whé. 57  Todin, ojlẹ sọ̀ na Elizabẹti nado jivi, e sọ ji visunnu de. 58  Podọ kọmẹnu po hẹnnumẹ etọn lẹ po sè dọ Jehovah ko do lẹblanu daho etọn hia ẹ, yé sọ jẹ ayajẹ hẹ ẹ ji. 59  Podọ to azán ṣinatọ̀ntọ gbè, yé wá nado gboadà na ovi pẹvi lọ, podọ yé jlo na do oyín otọ́ etọn tọn, yèdọ Zekalia na ẹn. 60  Ṣigba, onọ̀ etọn gblọn dọmọ: “Lala! ṣigba Johanu wẹ e na yin yiylọdọ.” 61  Enẹwutu, yé dọna ẹn dọmọ: “Mẹdepope ma tin to hẹnnumẹ towe lẹ mẹ he tindo oyín enẹ.” 62  To whenẹnu, yé yì kanse otọ́ etọn gbọn alọ yí do basi ohia lẹ dali nado dọ oyín he e jlo dọ e ni yin yiylọdọ. 63  E sọ biọ wekan-whlẹ de bo kàn do e ji dọmọ: “Johanu wẹ oyín etọn.” Enẹwutu, e jiawu na mẹlẹpo. 64  To afọdopolọji, onù etọn hùn bọ okàn odẹ́ etọn tọn tún podọ e jẹ hodọ ji bo to Jiwheyẹwhe pà. 65  Obu sọ jẹ mẹhe nọ nọ̀ lẹdo yetọn mẹ lẹpo ji; onú ehe lẹpo sọ to yinyin didọ pé to lẹdo osó tọn lẹpo mẹ to Jude, 66  podọ mẹhe sè lẹpo hẹn ẹn do ahun yetọn mẹ, dọmọ: “Etẹwẹ ovi pẹvi ehe na wá lẹzun taun?” Na alọ Jehovah tọn tin to e ji nugbonugbo. 67  Podọ Zekalia otọ́ etọn gọ́ na gbigbọ wiwe, e sọ dọ dọdai dọmọ: 68  “Donanọ wẹ Jehovah Jiwheyẹwhe Islaeli tọn, na e ko lẹ́ ayidonugo etọn hlan omẹ etọn lẹ bo ko sọ whlẹn yé gán. 69  E ko sọ ze azò whlẹngán tọn de daga na mí to owhé Davidi devizọnwatọ etọn tọn gbè, 70  kẹdẹdile ewọ ko gbọn onù yẹwhegán wiwe etọn hohowhenu tọn lẹ mẹ dọho 71  gando whlẹngán mítọn go sọn alọ kẹntọ mítọn lẹ tọn mẹ podọ sọn alọ mẹhe gbẹwanna mí lẹ tọn mẹ; 72  nado do lẹblanu hia to kọndopọ mẹ hẹ tọgbo mítọn lẹ podọ nado flin alẹnu wiwe etọn, 73  yèdọ whiwhle he e whlé hlan Ablaham tọgbo mítọn, 74  nado na mí lẹblanulọkẹyi lọ, to whenue mí na ko yin whinwhlẹn sọn alọ kẹntọ lẹ tọn mẹ godo, nado nọ wà sinsẹ̀nzọn wiwe hlan ẹn madibu, 75  po nugbonọ-yinyin gọna dodowiwa po to nukọn etọn to azán mítọn lẹpo gbè. 76  Ṣigba, na hiẹ, ovi pẹvi e, hiẹ na yin yiylọdọ yẹwhegán Gigogán lọ tọn, na hiẹ na jẹnukọnna Jehovah yì nado jla aliho etọn lẹ do, 77  nado na oyọnẹn whlẹngán tọn omẹ etọn lẹ gbọn jona ylando yetọn lẹ tọn dali, 78  na awuvẹmẹ sisosiso Jiwheyẹwhe mítọn tọn wutu. Po awuvẹmẹ ehe po, mí na mọ wunkinkẹn sọn oji aga, 79  nado na hinhọ́n mẹhe sinai to zinvlu po oyẹ̀ okú tọn po mẹ lẹ, nado deanana afọ mítọn lẹ po kọdetọn dagbe po to aliho jijọho tọn ji.” 80  Ovi pẹvi lọ sọ to whinwhẹ́n deji bo to huhlọn tindo to gbigbọ mẹ, podọ e gbọṣi danfafa ji kakajẹ azán he gbè e do ede hia Islaeli to gbangba.

Nudọnamẹ Odò Tọn

Luk 1:5* Pọ́n Mt 2:1, nudọnamẹ odò tọn.