Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn | OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Johanu 20:1-31

20  To azán tintan* osẹ lọ tọn gbè, Malia Magdaleni wá yọdò lọ kọ̀n to afọnnu fuu, to whenue ai ma ko họ́n, bo mọdọ zannu lọ ko yin didesẹ sọn yọdò lọ nù.  Enẹwutu, e họ̀nwezun bo wá Simọni Pita po devi lọ he Jesu yiwanna po dè, e sọ dọna yé dọmọ: “Yé ko ze Oklunọ sẹ̀ sọn yọdò lọ mẹ, podọ mí ma yọ́n fihe yé tẹ́ ẹ do.”  To whenẹnu, Pita po devi lọ po dedo yọdò lọ kọ̀n.  Mọwẹ, yé omẹ awe lẹ jẹ wezunhọ̀n ji; ṣigba devi diẹ họ̀nwezun po awuyiya susu po bo jẹnukọnna Pita yì yọdò lọ kọ̀n.  Podọ to whenue e dẹ́ hlan nukọn, e mọ alà lẹ to kọmẹ, ṣogan e ma biọ e mẹ.  To whenẹnu, Simọni Pita he to hihodo e lọ lọsu wá bo biọ yọwhé lọ. E sọ mọ alà lọ lẹ to kọmẹ,  podọ avọ̀ he to ota na ẹn dai lọ ma topọ hẹ alà lọ lẹ to kọmẹ ṣigba yin hihá dovo do fidopo.  Enẹwutu, to whenẹnu, devi diẹ he ko jẹ yọdò lọ kọ̀n jẹnukọn sọ biọ e mẹ ga, podọ ewọ mọ bo yise.  Na kakajẹ din, yé ma ko mọnukunnujẹ adà Owe-wiwe tọn lọ mẹ he dọ ewọ dona yin finfọn sọn oṣiọ lẹ mẹ. 10  Enẹwutu, devi lẹ lẹkọyi owhé yetọn gbè. 11  Ṣigba, Malia gbọṣi ote to gbonu sẹpọ yọdò lọ bo to avivi. To whenẹnu, dile e to avivi, e dẹ́ hlan nukọn nado pọ́n yọdò lọ mẹ 12  e sọ mọ angẹli awe to aisinsin to avọ̀ wewe mẹ, dopo to taligbé bọ awetọ to afọligbé to fihe oṣiọ Jesu tọn ko yin titẹ́ do dai. 13  Yé sọ dọna ẹn dọmọ: “Yọnnu, naegbọn hiẹ do to avivi?” E dọna yé dọmọ: “Yé ko ze Oklunọ ṣie sẹ̀ bọ yẹn ma yọ́n fihe yé tẹ́ ẹ do.” 14  To onú ehelẹ didọ godo, e lẹgodo bo mọ Jesu to ote, ṣigba e ma yọnẹn dọ Jesu wẹ. 15  Jesu dọna ẹn dọmọ: “Yọnnu, naegbọn hiẹ do to avivi? Mẹnu dín wẹ a te?” Na e lẹndọ jipa-họ́tọ lọ wẹ wutu, e dọna ẹn dọmọ: “Mẹdaho, eyin hiẹ ko ze e sẹ̀, dọ fihe hiẹ tẹ́ ẹ do na mi, na yẹn nido ze e.” 16  Jesu dọna ẹn dọmọ: “Malia!” To whenue e lilẹ́, e dọna ẹn to Heblugbe mẹ dọmọ: “Labboni!” (he zẹẹmẹdo “Mẹplọntọ!”) 17  Jesu dọna ẹn dọmọ: “Gbọ titẹdo go e. Na yẹn ma ko hẹji yì Otọ́ dè. Ṣigba, yì mẹmẹsunnu ṣie lẹ dè bo dọna yé dọ, ‘Yẹn hẹji jei Otọ́ ṣie po Otọ́ mìtọn po dè podọ jei Jiwheyẹwhe ṣie po Jiwheyẹwhe mìtọn po dè.’” 18  Malia Magdaleni wá bo hẹn linlin lọ wá na devi lẹ dọmọ: “Yẹn ko mọ Oklunọ!” bọ e dọ onú ehelẹ na ẹn. 19  Enẹwutu, to whenue ozán kú to gbenẹgbe, yèdọ azán tintan osẹ lọ tọn, podọ dile etlẹ yindọ ohọ̀n fihe devi lẹ te lọ tọn lẹ to súsú gbanun-gbanun na budisi Ju lẹ wutu, Jesu sọawuhia bo ṣite to ṣẹnṣẹn yetọn bosọ dọna yé dọmọ: “Jijọho ni tin hlan mì.” 20  Podọ to whenue e ko dọ ehe, e do alọ etọn lẹ po adaja etọn po hia yé. To whenẹnu, devi lẹ jaya to whenue yé mọ Oklunọ. 21  Enẹwutu, Jesu sọ vọ́ dọna yé dọmọ: “Jijọho ni tin hlan mì. Kẹdẹdile Otọ́ ko do mi hlan do, yẹnlọsu to dido mì hlan.” 22  Podọ to whenue e ko dọ ehe, e fú jẹhọn do yé bo dọna yé dọmọ: “Gbigbọ ni jẹ mì ji. 23  Eyin mì jo ylando mẹdepope tọn na ẹn, e na yin jijona ẹn; eyin mì ma jo mẹdepope tọn na ẹn, e ma na yin jijona ẹn.” 24  Ṣigba, Tọmasi, dopo to omẹ wiawe lẹ mẹ he nọ yin yiylọdọ Ahoho Lọ, ma tin po yé po to whenue Jesu wá. 25  Enẹwutu, devi he pò lẹ dọna ẹn dọmọ: “Míwlẹ ko mọ Oklunọ!” Ṣigba e dọna yé dọmọ: “Eyin yẹn ma mọ oṣó-pà to alọ etọn lẹ go bo yí alọvi ṣie do oṣó-pà lọ lẹ mẹ bosọ yí alọ ṣie do adaja etọn mẹ, yẹn ma na yise gbede.” 26  Todin, azán ṣinatọ̀n to enẹgodo, devi etọn lẹ to họ̀nsudo whladopo dogọ, Tọmasi sọ tin po yé po. Dile ohọ̀n lọ lẹ tlẹ to súsú gbanun-gbanun, Jesu sọawuhia bo ṣite to ṣẹnṣẹn yetọn bosọ dọmọ: “Jijọho ni tin hlan mì.” 27  Enẹgodo, e dọna Tọmasi dọmọ: “Yí alọvi towe dofi bo pọ́n alọ ṣie lẹ, podọ yí alọ towe bo yí i do adaja ṣie mẹ, bosọ gbọ ayihaawe tindo ṣigba bo yise.” 28  Tọmasi sọ gblọnna ẹn dọmọ: “Oklunọ ṣie podọ Jiwheyẹwhe ṣie!” 29  Jesu dọna ẹn dọmọ: “Na hiẹ mọ mi wutu wẹ zọ́n bọ hiẹ do yise ya? Ayajẹnọ wẹ mẹhe ma mọ ṣogan bo yise lẹ.” 30  Na nugbo tọn, Jesu basi ohia susu devo lẹ ga to devi etọn lẹ nukọn he ma yin kinkàndai do owe-hihá ehe mẹ. 31  Ṣigba, ehelẹ ko yin kinkàndai na mìwlẹ nido sọgan yise dọ Jesu wẹ Klisti lọ yèdọ Visunnu Jiwheyẹwhe tọn, podọ, eyin mì tindo yise, mì sọgan tindo ogbẹ̀ gbọn oyín etọn gblamẹ.

Nudọnamẹ Odò Tọn

Joh 20:1 Pọ́n Mt 28:1, nudọnamẹ odò tọn.