Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Johanu 16:1-33

16  “Yẹn ko dọ onú ehelẹ na mì, na mì nikaa dahli.  Gbẹtọ lẹ na yàn mì sọn sinagọgu mẹ. Na nugbo tọn, ojlẹ lọ ja, to whenue mẹdepope he hù mì na lẹndọ emi ko basi sinsẹ̀nzọn wiwe hlan Jiwheyẹwhe.  Ṣigba, yé na wà onú ehelẹ, na yé ma ko yọ́n Otọ́ lọ kavi yẹn wutu.  Ṣogan, yẹn dọ onú ehelẹ na mì, na to whenue ojlẹ yetọn na wá, mì nido flindọ yẹn ko dọ yé na mì. “Ṣigba, yẹn ma dọ onú ehelẹ na mì to tintan whenu, na yẹn tin to mì dè wutu.  Ṣigba, yẹn jei ewọ he do mi hlan dè todin, ṣogan depope to mì mẹ ma kanse mi dọ, ‘Fie wẹ hiẹ jei?’  Ṣigba, na yẹn ko dọ onú ehelẹ na mì wutu, awubla gọ́ ahun mìtọn mẹ.  Etomọṣo, nugbo wẹ yẹn to didọna mì dọ, Na dagbe mìtọn wutu wẹ yẹn do jei. Na eyin yẹn ma yì, alọgọtọ lọ ma na wá mì dè to aliho depope mẹ; ṣigba eyin yẹn yì, yẹn na do e hlan mì.  Podọ to whenue e na wá, e na na aihọn lọ kunnudenu he dutomẹji gando ylando go podọ gando dodowiwa go podọ gando whẹdida go:  jẹnukọn whẹ́, gando ylando go, na yé ma to yise tindo to yẹn mẹ wutu; 10  enẹgodo, gando dodowiwa go, na yẹn jei Otọ́ lọ dè bọ mìwlẹ ma na mọ mi ba wutu; 11  podọ gando whẹdida go, na ogán aihọn ehe tọn ko yin whẹdana wutu. 12  “Yẹn gbẹ́ tindo onú susu nado dọna mì, ṣigba mì ma penugo nado hẹn yé todin gba. 13  Ṣogan, to whenue e na wá, yèdọ gbigbọ nugbo lọ, e na deanana mì yì nugbo lọ lẹpo kọ̀n, na e ma na dọho sọn ojlo ede tọn mẹ, ṣigba nuhe e sè lẹ wẹ e na dọ, e nasọ lá nuhe ja lẹ na mì. 14  E na pagigona mi, e nasọ lá nuhe e mọyi sọn dè e na mì. 15  Nuhe Otọ́ lọ tindo lẹpo, ṣie wẹ. Enẹwutu wẹ yẹn do dọ dọ e na lá nuhe e mọyi sọn dè e na mì. 16  Whenu vude dogọ, mì ma na mọ mi ba, podọ whenu vude dogọ, mì nasọ vọ́ mọ mi.” 17  Enẹwutu, delẹ to devi etọn lẹ mẹ to didọna ode awetọ dọmọ: “Etẹwẹ nuhe ewọ dọna mí ehe zẹẹmẹdo, ‘Whenu vude dogọ, mì ma na mọ mi ba, podọ whenu vude dogọ, mì nasọ vọ́ mọ mi,’ podọ, ‘na yẹn jei Otọ́ lọ dè wutu’?” 18  Enẹwutu, yé to didọ dọmọ: “Etẹwẹ nuhe e dọ ehe zẹẹmẹdo dọ, ‘whenu vude dogọ’? Mí ma yọ́n nuhe hodọ e te.” 19  Jesu yọnẹn dọ yé to jijlo nado kanhose e, enẹwutu, e dọna yé dọmọ: “Be mìwlẹ to hokanse mìdelẹ gando ehe go, na yẹn dọ dọ, Whenu vude dogọ, mì ma na mọ mi ba, podọ, whenu vude dogọ, mì nasọ vọ́ mọ mi wutu wẹ? 20  Nugbonugbo wẹ yẹn dọna mì dọ, Mìwlẹ na viavi bo doavihàn, ṣigba aihọn na jaya; mìwlẹ na blawu, ṣigba awubla mìtọn na lẹzun ayajẹ. 21  To whenue yọnnu de to viji, e nọ tindo awufiẹsa,* na ojlẹ etọn ko wá wutu; ṣigba, to whenue e ko ji ovi pẹvi lọ, e masọ nọ flin awufiẹsa lọ ba, na ayajẹ lọ dọ gbẹtọ de ko yin jiji do aihọn mẹ wutu. 22  Enẹwutu, na nugbo tọn, mìlọsu to awubla mẹ todin; ṣigba yẹn nasọ vọ́ wá mọ mì bọ ahun mìtọn na jaya, podọ mẹdepope ma na yí ayajẹ mìtọn sọn mì si. 23  Podọ to azán enẹ gbè, mì ma na kàn onú depope sè mi. Nugbonugbo wẹ yẹn dọna mì dọ, Eyin mìwlẹ biọ nudepope Otọ́, ewọ na na ẹn mì to oyín ṣie mẹ. 24  Kakajẹ ojlẹ ehe mẹ, mì ma ko biọ onú dopo tata to oyín ṣie mẹ. Mì biọ, mì nasọ mọyi, na ayajẹ mìtọn nido sọgan yin hinhẹn gọ́. 25  “Yẹn ko yí nuyijlẹdonugo lẹ do dọ onú ehelẹ na mì. Ojlẹ lọ ja, to whenue yẹn ma na nọ yí nuyijlẹdonugo lẹ do dọhona mì ba, ṣigba yẹn na dọhona mì to aliho he họnwun mẹ gando Otọ́ lọ go. 26  To azán enẹ gbè, mìwlẹ na biọ to oyín ṣie mẹ, podọ yẹn ma dọna mì dọ yẹn na basi obiọ na mì sọn Otọ́ dè gba. 27  Na Otọ́ lọ lọsu yiwanna mì, na mì yiwanna mi bo ko yise dọ yẹn wá taidi afọzedaitọ Otọ́ lọ tọn wutu. 28  Otọ́ lọ dè wẹ yẹn tọ́n sọn bo wá aihọn mẹ. Humọ, yẹn to tintọ́n sọn aihọn mẹ bo jei Otọ́ dè.” 29  Devi etọn lẹ dọmọ: “Pọ́n! Todin, hiẹ to hodọ to aliho he họnwun mẹ, bo ma yí nuyijlẹdonugo depope zan. 30  Todin, mí yọnẹn dọ hiẹ yọ́n onú lẹpo bọ mẹdepope ma dona kanhose we. Gbọn ehe dali, mí yise dọ Jiwheyẹwhe dè wẹ hiẹ wá sọn.” 31  Jesu gblọnna yé dọmọ: “Mìwlẹ ko wá yise todin lo? 32  Mì pọ́n! Ojlẹ lọ ja, na nugbo tọn, e ko wá, to whenue dopodopo mìtọn na gbàdo bo yì owhé etọn titi gbè bọ mì na jo yẹn kẹdẹ do; ṣogan, yẹn ma tin dee ṣo, na Otọ́ lọ tin po yẹn po. 33  Yẹn dọ onú ehelẹ na mì, na gbọn yẹn gblamẹ, mì nido sọgan tindo jijọho. To aihọn mẹ, mì na nọ tindo nukunbibia, ṣigba, mì gboadọ! Yẹn ko gbawhàn aihọn tọn.”

Nudọnamẹ Odò Tọn

Joh 16:21* To paa mẹ, “awubla.”