Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Johanu 12:1-50

12  Enẹwutu, azán ṣidopo jẹnukọnna hùnwhẹ juwayi tọn, Jesu wá Bẹtani, fie Lazalọsi, mẹhe Jesu fọ́n sọn oṣiọ lẹ mẹ tin te.  To whenẹnu, yé wleawu núdùdù whèjai tọn na ẹn to finẹ, Malta sọ to lizọnyi, ṣigba Lazalọsi yin dopo to mẹhe jagla to tafo kọ̀n hẹ ẹ lẹ mẹ.  To whenẹnu, Malia yí nudi litli daa amisisa owán gblingblinnọ, nadi akú akuẹgegenu tọn bo sá ẹ do afọ Jesu tọn lẹ go bosọ yí oda etọn do súnsún afọ etọn lẹ. Ohọ̀ lọ mẹ sọ gọ́ na owán gblingblin amisisa lọ tọn.  Ṣigba, Juda Iskaliọti, he yin dopo to devi etọn lẹ mẹ, mẹhe na de e hia to madẹnmẹ lọ dọmọ:  “Naegbọn amisisa owán gblingblinnọ ehe ma yin sisà yin denali* fọde-kanweko bo yin nina wamọnọ lẹ?”  Nalete, e dọ ehe, e ma yin na e to wamọnọ lẹ tọn hòpọn wutu wẹ gba, ṣigba na ajotọ de wẹ ewọ bọ apotin akuẹ tọn lọ to e si bọ e ko nọ saba de sọn akuẹ he yin bibẹdo e mẹ lẹ mẹ wutu.  Enẹwutu, Jesu dọmọ: “Jo e do, na e nido sọgan payi aṣa ṣiọdidi tọn ehe go nado wleawudaina azán ṣiọdidi ṣie tọn.  Na mìwlẹ tindo wamọnọ lẹ to mì dè to whepoponu, ṣigba mì ma na tindo yẹn to whepoponu gba.”  To whenẹnu, gbẹtọgun daho Ju lẹ tọn de yọnẹn dọ ewọ to finẹ, yé sọ wá, e ma yin na Jesu kẹdẹ tọn wutu gba, ṣigba nado mọ Lazalọsi ga, mẹhe e ko fọ́n sọn oṣiọ lẹ mẹ. 10  Todin, yẹwhenọgán lẹ dewé nado hù Lazalọsi ga, 11  na ewọ tọn wutu wẹ susu Ju lẹ tọn do to finẹ yì bo to yise tindo to Jesu mẹ. 12  To aihọngbè, to whenue gbẹtọgun he wá hùnwhẹ lọ sè dọ Jesu ja Jelusalẹm, 13  yé yí odéma lẹ bo tọ́nyi nado pé e. Yé sọ jẹ awhádo ji dọmọ: “Mí vẹ̀ we, whlẹn ẹn! Donanọ wẹ ewọ he ja to oyín Jehovah tọn mẹ, yèdọ ahọlu Islaeli tọn lọ!” 14  Ṣigba, to whenue Jesu mọ kẹtẹkẹtẹvu de, e sinai do e ji, kẹdẹdile e yin kinkàndai do dọmọ: 15  “A dibu blo, viyọnnu Ziọni tọn. Pọ́n! Ahọlu towe ja, bo sinai to kẹtẹkẹtẹvu de ji.” 16  Devi etọn lẹ ma doayi onú ehelẹ go to tintan whenu gba, ṣigba to whenue Jesu ko yin gigopana, to whenẹnu wẹ yé flindọ onú ehelẹ ko yin kinkàndai gando e go podọ onú ehelẹ yin wiwà na ẹn. 17  Enẹwutu, gbẹtọgun he tin to finẹ po e po to whenue e ylọ Lazalọsi jẹgbonu sọn yọdò mẹ bo fọ́n ẹn sọn oṣiọ lẹ mẹ to kunnude gando e go mapote. 18  Na ehe tọn wutu, gbẹtọgun lọ wá pé e ga, na yé sè dọ e ko basi ohia ehe wutu. 19  To whenẹnu, Falesi lẹ dọ to yedelẹ ṣẹnṣẹn dọmọ: “Mì mọdọ mì ma to kọdetọn dagbe depope tindo. Mì pọ́n! Aihọn lọ pete ko hodo e.” 20  Todin, Glẹkinu delẹ tin to mẹhe wá nado basi sinsẹ̀n to hùnwhẹ lọ tẹnmẹ lẹ mẹ. 21  Enẹwutu, yé dọnsẹpọ Filippi mẹhe wá sọn Bẹtsaida Galili tọn, yé sọ jẹ bibiọ to e si ji dọmọ: “Mẹdaho, mí jlo na mọ Jesu.” 22  Filippi wá bo dọna Andle. Andle po Filippi po wá bosọ dọna Jesu. 23  Ṣigba, Jesu gblọnna yé dọmọ: “Ojlẹ lọ ko wá na Visunnu gbẹtọ tọn nado yin gigopana. 24  Nugbonugbo wẹ yẹn dọna mì dọ, Eyin okún likun tọn de ma flẹ do kọmẹ bo kú, okún dopo poun wẹ e nọ yin; ṣigba eyin e kú, to whenẹnu e nọ de sinsẹ́n susu tọn. 25  Ewọ he yiwanna alindọn etọn na hù i sudo, ṣigba ewọ he gbẹwanna alindọn etọn to aihọn ehe mẹ na basi hihọ́na ẹn na ogbẹ̀ madopodo. 26  Eyin mẹdepope na yilizọn na mi, gbọ e ni hodo mi, podọ fihe yẹn tin te finẹ wẹ lizọnyitọ ṣie na te ga. Eyin mẹdepope na yilizọn na mi, Otọ́ lọ na gbògbéna ẹn. 27  Todin, alindọn ṣie yin tuklado, podọ etẹwẹ yẹn na dọ? Otọ́, whlẹn mi sọn gànhiho ehe si. Ṣogan, nuhewutu yẹn biọ gànhiho ehe mẹ lọ niyẹn. 28  Otọ́, pagigona oyín towe.” To whenẹnu, ogbè de wá sọn olọn mẹ dọmọ: “Yẹn ko pagigona ẹn bo nasọ vọ́ pagigona ẹn.” 29  Enẹwutu, gbẹtọgun he to ote to finẹ bo sè lọ jẹ didọ ji dọ hẹviosò yẹnwan. Mẹdevo lẹ jẹ didọ ji dọmọ: “Angẹli de wẹ ko dọhona ẹn.” 30  Jesu gblọn dọmọ: “Ogbè ehe yin sisè, e ma yin na yẹn tọn wutu gba, ṣigba na mìwlẹ tọn wutu wẹ. 31  Todin, aihọn ehe to yinyin whẹdana; todin, ogán aihọn ehe tọn na yin yinyan jẹgbonu. 32  Ṣogan, eyin yẹn yin zize yiaga sọn aigba ji, yẹn na dọ̀n gbẹtọ wunmẹ lẹpo do dè e.” 33  Na taun tọn, e to ehe dọ nado do okú wunmẹ he e na kú to madẹnmẹ hia. 34  To whenẹnu, gbẹtọgun lọ gblọnna ẹn dọmọ: “Mí sè sọn Osẹ́n lọ mẹ dọ Klisti lọ na gbọṣi aimẹ kakadoi; naegbọn hiẹ do dọ dọ Visunnu gbẹtọ tọn dona yin zize yiaga? Mẹnu wẹ yin Visunnu gbẹtọ tọn ehe hodọ a te?” 35  To whenẹnu, Jesu dọna yé dọmọ: “Hinhọ́n lọ na gbẹ́ nọ mì ṣẹnṣẹn na ojlẹ vude dogọ. Mì zinzọnlin to whenue mì tindo hinhọ́n, na zinvlu ni ma duto mì ji blo; podọ ewọ he to zọnlinzin to zinvlu mẹ ma nọ yọ́n fihe e jei. 36  Mì do yise hia to whenue mì tindo hinhọ́n lọ, na mì nido lẹzun ovi hinhọ́n lọ tọn lẹ.” Jesu dọ onú ehelẹ bo tọ́nyi bosọ yí ede whlá sọn yé dè. 37  Ṣigba, dile etlẹ yindọ e ko basi ohia susu to nukọn yetọn, yé ma to yise tindo to ewọ mẹ, 38  bọ ohó yẹwhegán Isaia tọn lẹ do yin hinhẹndi ehe e dọ dọmọ: “Jehovah, mẹnu wẹ ko tindo yise to onú he mí sè lẹ mẹ? Podọ na nuhe dù awà Jehovah tọn, mẹnu wẹ e ko yin didehia?” 39  Whẹwhinwhẹ́n he wutu yé ma penugo nado yise wẹ yindọ Isaia sọ dọmọ: 40  “Ewọ ko tọ́nnukunna yé podọ e ko hẹn ahun yetọn sinyẹn, na yé nikaa yí nukun yetọn lẹ do mọ bo yí ahun yetọn do mọnukunnujẹemẹ bosọ lẹkọ na yẹn nido hẹnazọ̀ngbọna yé.” 41  Isaia dọ onú ehelẹ na e mọ gigo etọn wutu, e sọ dọho gando ewọ go. 42  Etomọṣo, na taun tọn, mẹsusu sọn ogán lẹ mẹ tlẹ tindo yise to ewọ mẹ, ṣigba na Falesi lẹ tọn wutu, yé ma nọ yigbe etọn, na yé nikaa yin yinyan sọn sinagọgu mẹ; 43  na yé yiwanna gigo gbẹtọ lẹ tọn, yèdọ hú gigo Jiwheyẹwhe tọn. 44  Ṣigba, Jesu yí ogbè lélé do dọmọ: “Ewọ he tindo yise to yẹn mẹ, e ma yin yẹn kẹdẹ mẹ wẹ e tindo yise te gba, ṣigba to ewọ he do mi hlan lọ mẹ ga; 45  podọ ewọ he mọ mi, mọ ewọ he do mi hlan ga. 46  Yẹn wá taidi hinhọ́n de to aihọn mẹ, na mẹdepope he tindo yise to yẹn mẹ ma nado gbọṣi zinvlu mẹ. 47  Ṣigba, eyin mẹdepope nọ sè ohó ṣie lẹ bo ma nọ yìn yé, yẹn ma nọ dawhẹna ẹn gba; na yẹn wá, e ma yin nado dawhẹna aihọn gba, ṣigba nado whlẹn aihọn gán. 48  Ewọ he gbẹ́ mi dai bo ma yí ohó ṣie lẹ tindo omẹ de he na dawhẹna ẹn. Ohó he yẹn ko dọ lẹ wẹ na dawhẹna ẹn to azán godo tọn gbè; 49  na yẹn ma dọho sọn ojlo ṣie titi mẹ gba, ṣigba Otọ́ lọ lọsu he do mi hlan wẹ ko degbena mi gando nuhe yẹn dona dọ taun lọ go. 50  Humọ, yẹn yọnẹn dọ gbedide etọn zẹẹmẹdo ogbẹ̀ madopodo. Enẹwutu, nuhe yẹn to didọ lẹ, kẹdẹdile Otọ́ lọ ko dọ yé na mi do, mọ wẹ yẹn to yé dọ do.”

Nudọnamẹ Odò Tọn

Joh 12:5* Pọ́n Mt 18:24, nudọnamẹ odò tọn.