Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Owalọ lẹ 6:1-15

6  Todin, to azán ehelẹ gbè, to whenue sọha devi lẹ tọn to jijideji, Ju he nọ dó Glẹkigbe lẹ jẹ hùnhlún ji sọta Ju he nọ dó Heblugbe lẹ, na yè to vọdona asuṣiọsi yetọn lẹ to núdùdù mimá egbesọegbesọ tọn mẹ wutu.  Enẹwutu, omẹ wiawe lẹ ylọ agundaho devi lẹ tọn wá yede dè bo dọmọ: “E ma sọgbe dọ mí ni jo ohó Jiwheyẹwhe tọn do nado to núdùdù má do tafo lẹ ji.  Enẹwutu, mẹmẹsunnu lẹ emi, mì dín na mìde sunnu he pegan ṣinawe to mì ṣẹnṣẹn, he gọ́ na gbigbọ po nuyọnẹn po, na mí nido sọgan de yé do azọ́n titengbe ehe ji;  ṣigba, míwlẹ na ze míde jo na odẹ̀ podọ na lizọnyizọn ohó lọ tọn.”  Nuhe yin didọ lọ sọ hẹn homẹhun agundaho lọ pete, yé sọ de Stefani, dawe de he gọ́ na yise po gbigbọ wiwe po, podọ Filippi, Plokolu, Nikanoli, Timoni, Palmena, podọ Nikola, he yin mẹdiọzun Ju Antioku tọn de;  yé sọ hẹn yé wá apọsteli lẹ nukọn, podọ to dẹ̀hiho godo, apọsteli lẹ ze alọ do yé ji.  Taidi kọdetọn de, ohó Jiwheyẹwhe tọn to whinwhẹ́n deji, podọ sọha devi lẹ tọn to jijideji susu tlala to Jelusalẹm; yẹwhenọ susugege sọ jẹ tonusena yise lọ ji.  Todin, Stefani, mẹhe gọ́ na ojọmiọn po huhlọn po, to nudabla po ohia daho lẹ po basi to gbẹtọ lẹ ṣẹnṣẹn.  Ṣigba, sunnu delẹ fọ́n sọn mẹhe wá sọn fihe yè nọ ylọdọ Sinagọgu Mẹtundote lẹ tọn mẹ, podọ sọn Silenenu lẹ po Alẹkzandlinu lẹ po mẹ, podọ sọn mẹhe wá sọn Silisia po Asia po lẹ mẹ, nado dọ̀nnu hẹ Stefani; 10  ṣogan, yé ma sọgan jlẹ́te hẹ nuyọnẹn po gbigbọ he ewọ yí do to hodọ po. 11  To whenẹnu, yé gbọn nuglọ do fọ́n gbẹtọ lẹ dote nado dọmọ: “Mí sè bọ ewọ to ohó nùzinzan tọn lẹ dọ sọta Mose po Jiwheyẹwhe po.” 12  Yé sọ hẹn gbẹtọ lẹ po sunnu mẹho lẹ po gọna wekantọ lẹ nado fọnadán, podọ to whenue yé wá e ji to ajiji mẹ, yé wle e gánnugánnu bo plan ẹn yì Whẹdatẹn Daho Ju lẹ tọn.* 13  Yé sọ hẹn kunnudetọ lalo tọn lẹ wá, he dọmọ: “Dawe ehe ma doalọtena hodidọ sọta ofi wiwe ehe podọ sọta Osẹ́n lọ. 14  Di apajlẹ, mí sè bọ e dọ dọ Jesu Nazalẹti tọn ehe na họ́ ofi ehe liai bo diọ aṣa he Mose ko jo dai na mí lẹ.” 15  Podọ dile mẹhe sinai to Whẹdatẹn Daho Ju lẹ tọn lọ mẹ lẹpo zín nukun do e ji, yé mọdọ nukunmẹ etọn taidi nukunmẹ angẹli de tọn.

Nudọnamẹ Odò Tọn

Ow 6:12* To paa mẹ, Sanhedlin.