Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Owalọ lẹ 26:1-32

26  Aglipa dọna Paulu dọmọ: “Hiẹ yin dotẹnmẹna nado yiavunlọna dewe.” To whenẹnu, Paulu dlẹnalọ etọn bo jẹ avunlọ yí na ede ji dọmọ:  “Ahọlu Aglipa, gando onú lọ lẹ he Ju lẹ yí do to whẹsadokọna mi lẹpo go, homẹ ṣie hùn dọ yẹn tindo dotẹnmẹ hundote lọ nado yiavunlọ to nukọn towe to egbé,  na taun tọn, to whenue e yindọ hiẹ ko yọ́n aṣa lẹpo podọ nudindọn lẹ he tin to Ju lẹ ṣẹnṣẹn hezeheze. Enẹwutu, yẹn vẹ̀ we nado yí homẹfa do dotoaina mi.  “Na nugbo tọn, na nuhe gando aliho gbẹninọ dowhenu tọn he yẹn zan sọn jọja whenu ṣie go, to whenue yẹn tin to akọta ṣie mẹ podọ to Jelusalẹm, Ju  he ko jẹakọ hẹ mi sọn dowhenu lẹpo yọnẹn, eyin yé jlo nado dekunnu, dọ yẹn yin Falesi de, bo nọgbẹ̀ sọgbe hẹ nuplọnmẹ hẹngogo tọn sinsẹ̀n klandovo mítọn tọn.  Etomọṣo, todin, yẹn tin to owhẹ̀ nukọn na todido opagbe he Jiwheyẹwhe ko dó na tọgbo mítọn lẹ tọn wutu;  Whẹndo wiawe mítọn lẹ wà sinsẹ̀nzọn wiwe vẹkuvẹku hlan Jiwheyẹwhe to ozán po okle po, dile yé to nukundo nado mọ hẹndi opagbe ehe tọn. Na todido ehe wutu wẹ Ju lẹ do sawhẹdokọna mi, hiẹ ahọlu E.  “Naegbọn e do vẹawuna mì nado yise dọ Jiwheyẹwhe to oṣiọ lẹ fọ́n?  Na yẹn tọn, yẹn lẹn to ohò ṣie mẹ, na taun tọn, dọ yẹn dona wà nususu nado jẹagọdo oyín Jesu Nazalẹti tọn; 10  ehe wẹ yẹn wà, na nugbo tọn to Jelusalẹm, yẹn sọ wle omẹ wiwe susu do gànpa lẹ mẹ, dile yẹn ko mọ aṣẹ yí sọn yẹwhenọgán lẹ dè do; podọ eyin yé jlo na yin hùhù, yẹn nọ blavo nado nọgodona hùhù yetọn. 11  Podọ gbọn yasisana yé whlasusu to sinagọgu lẹpo mẹ dali, yẹn tẹnpọn nado hẹn yé gánnugánnu nado mọ́n yise yetọn; podọ na yẹn jẹma do yé ji tlala wutu, yẹn yì jẹ obá lọ mẹ nado nọ dohomẹkẹn yé, etlẹ yin to tòdaho devo lẹ mẹ. 12  “Na vivẹnu ehelẹ wutu, dile yẹn mọ aṣẹ po gbedide de po yí sọn yẹwhenọgán lẹ dè, bo zingbejizọnlin jei Damasku, 13  to owhè ṣádada mẹ to aliho lọ ji, yẹn mọ, ahọlu E, miyọ́n de he hinhọ́n etọn zẹ̀ hinhọ́n owhè tọn go họ́n sọn olọn lẹdo mi pé podọ lẹdo mẹhe to gbejizọnlin basi hẹ mi lẹ. 14  Podọ to whenue mímẹpo ko họ́ jẹ kọmẹ, yẹn sè ogbè de dọna mi to ogbè Heblu tọn mẹ dọ, ‘Saulu, Saulu, naegbọn hiẹ do to homẹkẹndo mi? E vẹawuna hiẹ nado to owhẹ́-sẹ́ opò tlọ́ntlọ́n.’ 15  Ṣigba, yẹn dọmọ, ‘Hiẹ mẹnu wẹ, Oklunọ?’ Oklunọ sọ dọmọ, ‘Yẹn Jesu wẹ, mẹhe hiẹ to homẹkẹndo. 16  Ṣigba, fọnṣite to afọ towe lẹ ji. Na ehe wutu wẹ yẹn do sọawuhia we, nado sọgan de hiẹ taidi devizọnwatọ de podọ kunnudetọ de na onú he hiẹ ko mọ po onú he yẹn na dohia we gando go e lẹ po; 17  dile yẹn na whlẹn we sọn omẹ ehelẹ po akọta lọ lẹ po si, mẹhe dè yẹn to dido we hlan, 18  nado hùn nukun yetọn lẹ, nado gọkọna yé sọn zinvlu mẹ do hinhọ́n mẹ podọ sọn aṣẹpipa Satani tọn mẹ hlan Jiwheyẹwhe dè, na yé nido mọ jona ylando lẹ tọn po ogú de po yí to pọmẹ hẹ mẹhe ko klan yede do wiwe gbọn yise yetọn to yẹn mẹ dali lẹ.’ 19  “Enẹwutu, Ahọlu Aglipa, yẹn ma vẹtolina numimọ olọn tọn lọ, 20  ṣigba na mẹhe tin to Damasku lẹ whẹ́ podọ na mẹhe tin to Jelusalẹm lẹ, podọ gbọn otò Jude tọn lẹpo mẹ, podọ na akọta lẹ wẹ yẹn hẹn owẹ̀n lọ yì na, dọ yé dona lẹnvọjọ bo lẹhlan Jiwheyẹwhe dè gbọn azọ́n he jẹna lẹnvọjọ lẹ wiwà dali. 21  Na onú ehelẹ wutu wẹ Ju lẹ wle mi to tẹmpli mẹ bo tẹnpọn nado hù mi. 22  Ṣigba, na yẹn ko mọ alọgọ he nọ wá sọn Jiwheyẹwhe dè yí wutu, yẹn zindonukọn nado to kunnude na pẹvi po daho po kakajẹ egbé, ṣigba, yẹn ma to onú devo depope dọ adavo nuhe Yẹwhegán lẹ po Mose po ko dọ dọ e na jọ lẹ, 23  dọ Klisti dona jiya podọ, taidi omẹ tintan he na yin finfọn sọn oṣiọ lẹ mẹ, ewọ na lá hinhọ́n na omẹ ehelẹ, podọ na akọta lẹ.” 24  Todin, dile e yí ohó ehelẹ do to avunlọ yí na ede, Festu dọ po ogbè lélé po dọmọ: “Paulu, hiẹ to tadu hùn! Onú susu pinplọn jlo na hẹn we hùn tadu!” 25  Ṣigba, Paulu dọmọ: “Yẹn ma to tadu hùn gba, Hiẹ Gigonọ Daho Festu, ṣigba ohó nugbo po wunza tọn lẹ po dọ wẹ yẹn te. 26  Na nugbo tọn, ahọlu lọ, mẹhe yẹn yí awuvivo hodidọ tọn do to hodọ hẹ yọ́n onú ehelẹ hezeheze; na yẹn kudeji dọ dopo tata to onú ehelẹ mẹ ma whlá do e gba, na onú ehe ma yin bibasi to nuglọ. 27  Ahọlu Aglipa, be hiẹ yí Yẹwhegán lẹ sè ya? Yẹn yọnẹn dọ hiẹ yise.” 28  Ṣigba, Aglipa dọna Paulu dọmọ: “To ojlẹ vude mẹ, hiẹ na diọlinlẹnna mi nado lẹzun Klistiani de.” 29  Enẹwutu, Paulu dọmọ: “Yẹn vẹ̀ Jiwheyẹwhe dọ, e yá wẹo kavi e dẹn wẹo, e ma yin hiẹ kẹdẹ ṣigba mẹhe to ohó ṣie sè to egbé lẹpo ga ni lẹzun mẹhe nkọ yẹn yin, matin gẹdẹ ehelẹ.” 30  Ahọlu lọ, ayimatẹn-gán lọ po Belnike po gọna sunnu he sinai hẹ yé lẹ sọ fọ́n. 31  Ṣigba, to whenue yé tọ́n sọn finẹ, yé jẹ hodọ hẹ ode awetọ ji, bo to didọmọ: “Dawe ehe ma wà onú depope he hẹn ẹn jẹna okú kavi gànpamẹ.” 32  Humọ, Aglipa dọna Festu dọmọ: “Dawe ehe sọgan ko yin tuntundote eyin e ma ko vọ́ owhẹ̀ ylọ to Sesali dè.”

Nudọnamẹ Odò Tọn