Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Owalọ lẹ 22:1-30

22  “Mì gbẹtọ lẹ, mẹmẹsunnu lẹ po otọ́ lẹ po emi, todin, mì sè avùnlọyiyi ṣie to nukọn mìtọn.”  (Podọ, to whenue yé sè bọ e to hodọna yé to ogbè Heblu tọn mẹ, yemẹpo sọ vọ́ nabọẹ dogọ, ewọ sọ dọmọ:)  “Ju de wẹ yẹn, bo yin jiji to Talsu Silisia tọn, ṣigba yẹn yin weplọn to tòdaho ehe mẹ gbọn Gamalieli dali tlọlọ, bosọ yin pinplọn nado nọ payi Osẹ́n tọgbo lẹ tọn lọ go mlẹnmlẹn, bo yin zohunhunnọ na Jiwheyẹwhe kẹdẹdile mìmẹpo te do to egbé.  Podọ yẹn dohomẹkẹn mẹhe yin Aliho* ehe tọn lẹ jẹ okú, bo nọ blá sunnu po yọnnu po bosọ nọ ze yé jo nado yin zizedo gànpamẹ,  dile yẹwhenọ daho lọ gọna pipli sunnu mẹho lẹpo tọn sọgan dekunnu etọn gando go e do. Yewlẹ dè wẹ yẹn sọ yí wekanhlanmẹ lẹ sọn ga na mẹmẹsunnu he tin to Damasku lẹ, podọ yẹn sọ tin to aliho ji nado yì hẹn mẹhe tin to dọ́n lẹ wá Jelusalẹm biblá nado yin yasana.  “Ṣigba, dile yẹn to gbejizọnlinzin bo to dindọnsẹpọ Damasku, to owhè ṣádada mẹ, hinhọ́n daho de họ́n lẹdo mi pé sọn olọn to ajiji mẹ,  yẹn sọ jai do kọmẹ bo sè ogbè de dọna mi dọ, ‘Saulu, Saulu, naegbọn hiẹ do to homẹkẹndo mi?’  Yẹn gblọn dọ, ‘Hiẹ mẹnu wẹ, Oklunọ?’ Ewọ sọ dọna mi dọ, ‘Yẹn Jesu Nazalẹti tọn wẹ, mẹhe hiẹ to homẹkẹndo.’  Todin, na nugbo tọn, mẹhe tin po yẹn po lẹ mọ hinhọ́n lọ, ṣigba bo ma sè ogbè mẹhe to hodọna mi lọ tọn. 10  To whenẹnu, yẹn dọmọ, ‘Etẹwẹ yẹn dona wà, Oklunọ?’ Oklunọ dọna mi dọ, ‘Fọ́n, bo yì Damasku, podọ nuhe hiẹ dona wà lẹpo na yin didọna we to dọ́n.’ 11  Ṣigba, to whenuena yẹn ma sọgan mọ nudepope na hinhọ́n lọ họ́n taun wutu, mẹhe tin hẹ mi lọ lẹ hẹn alọ na mi yì Damasku. 12  “Todin, Ananias, dawe de he dibusi Jiwheyẹwhe sọgbe hẹ Osẹ́n lọ, mẹhe Ju he nọ nọ̀ finẹ lẹpo nọ dekunnu etọn dagbe, 13  wá dè e podọ, to whenue e ṣite to apá na mi, e dọna mi dọ, ‘Mẹmẹsunnu Saulu, nukun towe ni mọnú whladopo dogọ!’ Yẹn sọ ze nukun daga bo penugo nado mọ ẹn to gànhiho enẹ mẹ. 14  Ewọ dọmọ, ‘Jiwheyẹwhe tọgbo mítọn lẹ tọn ko de we nado wá yọ́n ojlo etọn bo mọ Omẹ dodonọ lọ podọ nado sè ogbè etọn, 15  na hiẹ na yin kunnudetọ etọn na gbẹtọ lẹpo gando nuhe hiẹ ko mọ bosọ sè lẹ go. 16  Todin, naegbọn hiẹ gbẹ́ to gbàndọn? Fọ́n, bo yin bibaptizi bosọ klọ́ ylando towe lẹ sẹ̀ gbọn oyín etọn yiylọ dali.’ 17  “Ṣigba, to whenue yẹn ko lẹkọwa Jelusalẹm bo to dẹ̀ho to tẹmpli mẹ, yẹn jẹ numimọ de mọ ji 18  bosọ mọ bọ e to didọna mi dọ, ‘Yawu bo tọ́n sọn Jelusalẹm to niyaniya mẹ, na yé ma na kẹalọyi kunnudide towe gando go e.’ 19  Yẹn sọ dọmọ, ‘Oklunọ, yelọsu yọnẹn ganji dọ yẹn ko nọ wle mẹhe yise to hiẹ mẹ lẹ do gànmẹ dai bosọ nọ hò yé to sinagọgu de mẹ jẹ devo mẹ; 20  podọ to whenue ohùn Stefani kunnudetọ towe tọn to yinyin sinsọndai, yẹnlọsu ṣite to finẹ ga bo kọngbedopọ bosọ to awugbó mẹhe to hùhù i lẹ tọn ṣọ́.’ 21  Ṣogan, ewọ dọna mi dọ, ‘Wle ali dedo, na yẹn na do we hlan akọta he to fidindẹn lẹ dè.’” 22  Todin, yé to todoaina ẹn kakajẹ ohó ehe ji, yé sọ ze ogbè yetọn lẹ daga bo to didọmọ: “De omẹ mọnkọtọn sẹ̀ sọn aimẹ, na ewọ ma jẹ nado nọgbẹ̀!” 23  Podọ na yé to awhádo bo to awugbó yetọn lẹ mimí bosọ to kọ́gudu yìn do jẹhọn mẹ wutu, 24  awhàngán daho lọ degbè dọ e ni yin hinhẹnwa opá awhànfuntọ lẹ tọn mẹ podọ dọ yè ni yí hihò do kanhose e, na emi nido yọnẹn to gigọ́ mẹ nuhewutu yé to awhádo sọta ẹ to aliho ehe mẹ. 25  Ṣigba, to whenue yé ko tẹ́ ẹ nado hò e, Paulu dọna mẹkanwekowhàngán he to ote to finẹ dọmọ: “Be e sọgbe hẹ osẹ́n na mì nado hò dawe de he yin Lomunu de matin whẹgbledo ya?” 26  Todin, to whenue mẹkanwekowhàngán lọ sè ehe, e yì awhàngán daho lọ dè bo na linlin dọmọ: “Etẹwẹ hiẹ to linlẹn nado wà? Yèdọ, Lomunu de wẹ dawe ehe.” 27  Enẹwutu, awhàngán daho lọ dọnsẹpọ bo dọna ẹn dọmọ: “Dọna mi, Be Lomunu de wẹ hiẹ?” E dọmọ: “Mọwẹ.” 28  Awhàngán daho lọ gblọn dọmọ: “Yẹn họ̀ jlọjẹ tòvi-yinyin tọn ehelẹ po akuẹ daho de po.” Paulu dọmọ: “Ṣigba, yẹn tlẹ yin jiji do e mẹ wẹ.” 29  Enẹwutu, mẹhe jlo na yí yasanamẹ do kanhose e lẹ tọ́n sọn e dè to afọdopolọji; awhàngán daho lọ sọ dibu to whenue e wá họnwun dọ Lomunu de wẹ bọ ewọ ko blá ẹ. 30  Enẹwutu, to aihọngbè, dile e jlo na yọ́n nuhewutu Ju lẹ do to whẹsadokọna ẹn taun, e tún in dote bo degbena yẹwhenọgán lẹ podọ hagbẹ Whẹdatẹn Daho Ju lẹ tọn* lẹpo nado pli. E sọ hẹn Paulu jẹte wá bo hẹn ẹn ṣite to ṣẹnṣẹn yetọn.

Nudọnamẹ Odò Tọn

Ow 22:4* Pọ́n Ow 9:2, nudọnamẹ odò tọn.
Ow 22:30* To paa mẹ, Sanhedlin.