Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Owalọ lẹ 14:1-28

14  Todin, to Ikonioni, yé biọ sinagọgu Ju lẹ tọn mẹ dopọ bo dọho to aliho dagbe mẹ sọmọ bọ gbẹtọgun daho de he bẹ Ju lẹ po Glẹkinu lẹ po hẹn lẹzun yisenọ.  Ṣigba, Ju he ma yise lẹ fọnadán bo yinuwado omẹ akọta lẹ tọn ji to aliho agọ̀ mẹ sọta mẹmẹsunnu lẹ.  Enẹwutu, yé nọ finẹ na ojlẹ de bo yí adọgbigbo do to hodọ gbọn huhlọn Jehovah tọn dali, yèdọ mẹhe dekunnu gando ohó nukundagbe majẹhẹ tọn etọn go gbọn didike ohia po nudabla lẹ po ni yin bibasi gbọn alọ yetọn mẹ dali.  Ṣigba, susugege mẹhe to tòdaho lọ mẹ lẹ tọn klan, bọ mẹdelẹ kọnawudopọ hẹ Ju lẹ ṣigba mẹdevo lẹ hẹ apọsteli lẹ.  Todin, to whenue omẹ akọta lẹ tọn po Ju lẹ po gọna ogán yetọn lẹ tẹnpọn nado yinuwa po kanyinylan po hẹ yé podọ nado dlan zannu do yé,  whenue yé sè ehe, yé họnyi tòdaho Likaonia, Listla, Delbe po otò he lẹdo yé pé lẹ po mẹ;  yé sọ zindonukọn nado to wẹndagbe lọ lá to finẹ.  Todin, to Listla, dawe de tin to aisinsin to finẹ he afọ etọn lẹ kúsẹ́, yèdọ mẹhe yin sẹkunọ sọn adọ̀ onọ̀ etọn tọn mẹ, podọ e ma ko zinzọnlin pọ́n gbede.  Dawe ehe to todoaina ohó Paulu tọn lẹ, mẹhe, to whenue e pọ́n ẹn tlintlin bo mọdọ e tindo yise he na hẹn ẹn jẹgangan, 10  e dọ po ogbè lélé po dọmọ: “Fọnṣite to afọ towe lẹ ji.” E sọ lọ́n ṣite bo jẹ zọnlinzin ji. 11  Podọ to whenue gbẹtọgun lọ lẹ mọ nuhe Paulu ko wà, yé ze ogbè yetọn lẹ daga bo to didọ to ogbè Likaonia tọn mẹ dọmọ: “Yẹwhe lẹ ko lẹzun gbẹtọ lẹ bo ko jẹte wá mí dè!” 12  Yé sọ jẹ Balnaba ylọdọ Zeus* ji, ṣigba Paulu dọ Helme,* na ewọ wẹ yin nukọntọ to hodidọ mẹ. 13  Podọ yẹwhenọ Zeus tọn, mẹhe tẹmpli etọn tin to tòdaho lọ nukọn, hẹn oyìnsú lẹ po vounvoun linlọ̀n lẹ po wá họngbo lẹ ji bo to jijlo nado basi avọ́sinsan lẹ hẹ gbẹtọgun lọ lẹ. 14  Ṣigba, to whenue apọsteli Balnaba po Paulu po sè ehe, yé tlẹ́n awugbó yetọn lẹ bo lọ́n biọ gbẹtọgun lọ ṣẹnṣẹn, bosọ to awhádo 15  bo to didọmọ: “Mì gbẹtọ lẹ emi, naegbọn mì do to onú ehelẹ wà? Gbẹtọ wẹ mílọsu lẹ yin ga, bo tindo awugbopo lẹ taidi mìlọsu, bosọ to wẹndagbe lọ lá na mì, na mìwlẹ nido lẹ́ sọn onú ovọ́ ehelẹ kọ̀n do Jiwheyẹwhe ogbẹ̀nọ he dá olọn, aigba, ohù po onú he tin to yé mẹ lẹpo po dè. 16  To whẹndo he wayi lẹ mẹ, ewọ na dotẹnmẹ akọta lẹpo nado to onú he jlo yé lẹ wà, 17  na nugbo tọn, dile etlẹ yindọ e wleawuna kunnudenu de gbọn onú dagbe he e wà lẹ gblamẹ, bo nọ na mì jikun sọn olọn podọ ojlẹ sinsẹ́n susugege lẹ tọn, bosọ na núdùdù susugege mì bo yí ayajẹ do gọ́ ahun mìtọn.” 18  Ṣogan, mahopọnna onú ehelẹ didọ, po awusinyẹn po wẹ yé glọnalina gbẹtọgun lọ lẹ ma nado sanvọ́ hlan yé. 19  Ṣigba, Ju lẹ wá sọn Antioku po Ikonioni po bo diọlinlẹnna gbẹtọgun lọ lẹ, yé sọ dlan zannu do Paulu bosọ dọ̀n ẹn dlan gbonu tòdaho lọ tọn, bo lẹndọ e ko kú. 20  Ṣigba, to whenue devi lẹ lẹdo e pé, e fọnṣite bo biọ tòdaho lọ mẹ. Podọ to aihọngbè, ewọ po Balnaba po yì Delbe. 21  Podọ to whenue yé ko lá wẹndagbe lọ na tòdaho enẹ bo ko hẹn omẹ sọha delẹ zun devi, yé lẹkọyi Listla podọ yì Ikonioni podọ yì Antioku, 22  bo to devi lẹ hẹn lodo, bosọ to tulina yé nado gbọṣi yise mẹ bo to didọmọ: “Mí dona gbọn nukunbibia susu mẹ biọ ahọluduta Jiwheyẹwhe tọn mẹ.” 23  Humọ, yé de sunnu mẹho lẹ na yé to agun dopodopo mẹ podọ, to dẹ̀hiho po nùbibla lẹ po godo, yé ze yé do alọmẹ na Jehovah, mẹhe mẹ yé yise te. 24  Yé sọ jugbọn Pisidia bo wá Pamfilia, 25  podọ, to whenue yé ko dọ ohó lọ to Pẹlga, yé yì Atalia. 26  Podọ sọn finẹ, yé súnhún yì Antioku, fihe yè ko ze yé do alọ nukundagbe majẹhẹ Jiwheyẹwhe tọn mẹ te na azọ́n he yé ko wadotana to gigọ́ mẹ lọ. 27  To whenue yé ko wá Antioku, bo ko bẹ agun lọ pli dopọ, yé jẹ onú susu he Jiwheyẹwhe ko wà gbọn yé gblamẹ lẹ dọ ji, podọ lehe ewọ ko hùn ohọ̀n yise tọn na akọta lẹ do. 28  Enẹwutu, yé nọ devi lẹ dè na ojlẹ susu.

Nudọnamẹ Odò Tọn

Ow 14:12* Kavi, “Jupiteli.”
Ow 14:12* Kavi, “Melkuliu.”