Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Biblu Intẹnẹt Ji Tọn

OWE WIWE LẸ—LẸDOGBEDEVOMẸ AIHỌN YỌYỌ TỌN Pọ́n zinjẹgbonu 2015 tọn

Owalọ lẹ 13:1-52

13  Todin, yẹwhegán lẹ po mẹplọntọ lẹ po tin to agun lẹdo lọ tọn mẹ to Antioku, yèdọ Balnaba po Simeọni he nọ yin Nigeli po, Lukiu Silene tọn, Manaeni he plọnwe dopọ hẹ Hẹlọdi, he yin ogán agbegbe tọn* lọ, gọna Saulu.  Dile yé to lizọnyizọn wà na Jehovah bo to nùbla, gbigbọ wiwe dọmọ: “To gbẹtọ lẹpo mẹ, mì de Balnaba po Saulu po dovo na mi na azọ́n he yẹn ko ylọ yé na lọ.”  To whenẹnu, yé blanù bo hodẹ̀ bosọ ze alọ yetọn lẹ do yé ji bo jo yé do nado yì.  Enẹwutu, sunnu ehelẹ he gbigbọ wiwe dohlan lẹ yì Seleukia, yé sọ súnhún sọn finẹ yì Kiplu.  Podọ to whenue yé jẹ Salami, yé jẹ ohó Jiwheyẹwhe tọn lá ji to sinagọgu Ju lẹ tọn lẹ mẹ. Johanu sọ to devizọnwa na yé.  To whenue yé ko jugbọn lopo lọ pete ji kaka yì Pafo, yé dukosọ hẹ dawe de, owọ́ntọ de, he yin yẹwhegán lalo de, yèdọ Ju de he nọ yin Baa-Jesu,  ewọ sọ tin to ayimatẹn-gán Sọlgiu Paulu, he yin dawe zinzintọ de dè. Sọlgiu Paulu sọ ylọ Balnaba po Saulu po wá ede dè, bo biọ vẹkuvẹku nado sè ohó Jiwheyẹwhe tọn.  Ṣigba, Elima owọ́ntọ lọ (na nugbo tọn, enẹ wẹ lẹdogbedevomẹ oyín etọn tọn) jẹ nukundiọsọ yé ji, bo to jijlo nado lẹ́ ayimatẹn-gán lọ sọn yise mẹ.  To whenue Saulu, mẹhe sọ nọ yin Paulu, gọ́ na gbigbọ wiwe, e pọ́n ẹn tlintlin 10  bo dọmọ: “Hiẹ dawe he gọ́ na mẹhodu wunmẹ lẹpo po okà wunmẹ lẹpo po, hiẹ visunnu Lẹgba tọn, hiẹ kẹntọ onú he yin dodo lẹpo tọn, be hiẹ ma na gbọ tasọdona aliho jijlọ Jehovah tọn lẹ ya? 11  Todin, pọ́n! alọ Jehovah tọn tin jẹagọdo we, hiẹ nasọ tọ́nnukun bo ma na mọ hinhọ́n owhè tọn na ojlẹ de.” To afọdopolọji, avìvì daho de po zinvlu po ṣinyọ́n ẹn, ewọ sọ jẹ lilẹpe ji bo to dindin mẹhe na hẹn alọ etọn bosọ deanana ẹn. 12  To whenue ayimatẹn-gán lọ mọ nuhe ko jọ, e lẹzun yisenọ, na nuplọnmẹ Jehovah tọn hẹn awuji i wutu. 13  Todin, omẹ lọ lẹ po Paulu po súnhún sọn Pafo bo wá Pẹlga to Pamfilia. Ṣigba, Johanu jo yé do bo lẹkọyi Jelusalẹm. 14  Ṣigba, yewlẹ tọ́n sọn Pẹlga bo wá Antioku to Pisidia podọ, to whenue yé yì sinagọgu mẹ to gbọjẹzangbe, yé sinai. 15  To whenue yé ko hia Osẹ́n lọ po owe Yẹwhegán lẹ tọn po to gbangba godo, ogán sinagọgu tọn lẹ domẹhlan yé, bo dọmọ: “Mì mẹmẹsunnu lẹ emi, eyin mì tindo ohó tulinamẹ tọn depope na gbẹtọ lẹ, mì dọ ẹ.” 16  Enẹwutu, Paulu fọ́n bo mìalọ bosọ dọmọ: “Mì omẹ Islaeli tọn lẹ po mì mẹhe dibusi Jiwheyẹwhe po lẹ emi, mì sè. 17  Jiwheyẹwhe akọta Islaeli ehe tọn de tọgbo mítọn lẹ, e sọ ze akọta lọ daga to ojlẹ he mẹ yé to jonọ-gbéji to aigba Egipti tọn ji bosọ yí awà huhlọnnọ etọn do hẹn yé jẹgbonu. 18  Podọ na nudi owhe kande, e sinyẹnlin na aliho he mẹ yé yinuwa te to danfafa ji wutu. 19  To whenue e ko và akọta ṣinawe sudo to aigba Kenani tọn ji godo, e má aigba yetọn gbọn ovò dide dali: 20  enẹ lẹpo jọ to nudi owhe fowe kandeao gblamẹ. “Podọ to onú ehelẹ godo, e na yé whẹdatọ lẹ kakajẹ yẹwhegán Samuẹli whenu. 21  Ṣigba sọn whenẹnu sọyi, yé biọ ahọlu de, Jiwheyẹwhe sọ na yé Sauli, visunnu Kiṣi tọn, yèdọ dawe de sọn whẹndo Bẹnjamini tọn mẹ, na owhe kande. 22  Podọ to whenue e de e sẹ̀, e ze Davidi daga taidi ahọlu, mẹhe go e dekunnu gando bo dọmọ, ‘Yẹn ko mọ Davidi, visunnu Jẹsse tọn, dawe de he ahun ṣie kẹalọyi, mẹhe na wà nuhe yẹn jlo lẹpo.’ 23  Sọn kúnkan dawe ehe tọn mẹ wẹ Jiwheyẹwhe ko hẹn Jesu, mẹwhlẹngántọ de wá Islaeli dile e dopagbe etọn do, 24  to whenue Johanu ko dọyẹwheho to gbangba hlan omẹ Islaeli tọn lẹpo jẹnukọnna wiwá Omẹ enẹ tọn gando baptẹm he yin ohia lẹnvọjọ tọn go. 25  Ṣigba, dile Johanu to lizọnyizọn etọn hẹndi, e nọ saba dọ dọ, ‘Mẹnu wẹ mìwlẹ lẹndọ yẹn yin? Yẹn ma yin ewọ gba. Ṣigba, pọ́n! mẹde ja to godo ṣie, mẹhe yẹn ma jẹ nado tún afọpa afọ etọn tọn.’ 26  “Mì mẹmẹsunnu lẹ, mì ovi hukan Ablaham tọn po mẹhe dibusi Jiwheyẹwhe to ṣẹnṣẹn mìtọn lẹ po emi, ohó whlẹngán ehe tọn ko yin didohlan mí jẹnukọn. 27  Na tòmẹnu Jelusalẹm tọn lẹ po ogán yetọn lẹ po ma yọ́n Omẹ ehe, ṣigba, to whenue yé to nuyiwa taidi whẹdatọ lẹ, yé hẹn nuhe yin didọ gbọn Yẹwhegán lẹ dali di, yèdọ nuhe nọ yin hihia daga to Gbọjẹzan lẹpo gbè, 28  podọ, dile etlẹ yindọ yé ma mọ nudepope he hẹn ẹn jẹna okú, yé biọ to Pilati si dọ ewọ ni yin hùhù. 29  Todin, to whenue yé ko hẹn nuhe yin kinkàndai gando e go lẹpo di, yé ze e jẹte sọn pòtin lọ ji bo tẹ́ ẹ do yọdò de mẹ. 30  Ṣigba, Jiwheyẹwhe fọ́n ẹn sọn oṣiọ lẹ mẹ; 31  podọ na azán susu, ewọ sọawuhia mẹhe hodo e sọn Galili yì Jelusalẹm lẹ, he ko yin kunnudetọ etọn na gbẹtọ lẹ todin. 32  “Enẹwutu, mí to wẹndagbe opagbe he yin didó na tọgbo lẹ tọn lọ lá na mì, 33  he Jiwheyẹwhe ko hẹn ẹn di mlẹnmlẹn na mí ovi etọn lẹ to enẹ mẹ dọ e fọ́n Jesu sọnku; yèdọ dile e yin kinkàndai to psalm awetọ mẹ do dọ, ‘Hiẹ wẹ visunnu ṣie, yẹn ko lẹzun Otọ́ towe to egbé.’ 34  Podọ, nugbo lọ dọ e fọ́n ẹn sọn oṣiọ lẹ mẹ bọ e ma nasọ lẹkọ do gbigble mẹ ba, e dọ ẹ dole dọ, ‘Yẹn na do dagbewanyi he go yè dejido he yẹn dopagbe etọn na Davidi hia mì.’ 35  Gbọnmọ dali, e sọ dọ to psalm devo mẹ dọ, ‘Hiẹ ma na dike omẹ nugbonọ towe ni mọ gbigble.’ 36  Na Davidi, to alọ devo mẹ, hẹn ojlo Jiwheyẹwhe tọn he yin hinhẹn họnwun hezeheze lọ di to whẹndo etọn titi mẹ bo damlọn to okú mẹ bosọ yin titẹ́ dopọ hẹ tọgbo etọn lẹ bo mọ gbigble. 37  To alọ devo mẹ, ewọ he Jiwheyẹwhe zedaga ma mọ gbigble. 38  “Enẹwutu, mì gbọ e ni yin yinyọnẹn na mì mẹmẹsunnu lẹ, dọ gbọn Omẹ ehe gblamẹ wẹ jona ylando lẹ tọn to yinyin lilá hlan mì; 39  podọ sọn onú lẹpo he mẹ mìwlẹ ma sọgan yin whẹsuna gbọn osẹ́n Mose tọn dali lẹ mẹ, mẹhe yise lẹpo wẹ yin whẹsuna gbọn Omẹ ehe gblamẹ. 40  Enẹwutu, mì hẹn ẹn diun dọ nuhe yin didọ to owe Yẹwhegán lẹ tọn mẹ jọ do mì go blo, 41  ‘Mì pọ́n, mì mẹvlẹtọ lẹ, podọ ni jiawu na mì, mì sọ busẹ sọn nukọn ṣie, na yẹn to azọ́n de wà to azán mìtọn lẹ gbè, azọ́n de he mìwlẹ ma na yise to aliho depope mẹ eyin mẹde tlẹ basi zẹẹmẹ etọn na mì to gigọ́ mẹ.’” 42  Todin, to whenue yé tọ́n jei, gbẹtọ lẹ jẹ vivẹ yé ji dọ ohó ehelẹ ni yin didọna yé to gbọjẹzan he bọdego lọ gbè. 43  Enẹwutu, to whenue mẹhe pli to sinagọgu mẹ lẹ ko gbàdo godo, susu to Ju lẹ po mẹdiọzun Ju lẹ po mẹ he nọ sẹ̀n Jiwheyẹwhe hodo Paulu po Balnaba po, mẹhe jẹ hodọ ji bo to tudohomẹna yé nado gbọṣi nukundagbe majẹhẹ Jiwheyẹwhe tọn mẹ. 44  To gbọjẹzan he bọdego lọ gbè, diblayin tòdaho lọ pete wẹ pli dopọ nado sè ohó Jehovah tọn. 45  To whenue Ju lẹ mọ gbẹtọgun lọ lẹ, yé gọ́ na awuwhàn bo gbọn nùzinzan dali jẹ hodọ ji jẹagọdo nuhe Paulu to didọ lẹ. 46  Enẹwutu, Paulu po Balnaba po yí adọgbigbo do dọho dọmọ: “Dandan wẹ e yin dọ ohó Jiwheyẹwhe tọn ni yin didọhlan mì whẹ́. Na mìwlẹ to tùntùn in dlan bo ma mọ mìdelẹ di mẹhe jẹna ogbẹ̀ madopodo wutu, mì pọ́n! míwlẹ lẹhlan akọta lẹ. 47  Na nugbo tọn, Jehovah ko yí ohó ehelẹ do degbena mí dọ, ‘Yẹn ko de we taidi hinhọ́n akọta lẹ tọn, na hiẹ nido yin whlẹngán kakajẹ opodo aigba tọn.’” 48  To whenue omẹ akọta lẹ tọn sè ehe, yé jẹ ayajẹ ji bo pagigona ohó Jehovah tọn, bọ mẹhe tindo ninọmẹ ahun mẹ tọn he jẹna ogbẹ̀ madopodo lẹ lẹzun yisenọ. 49  Humọ, ohó Jehovah tọn zindonukọn nado to yinyin hinhẹn jẹ aigba lọ pete ji. 50  Ṣigba, Ju lẹ hẹn yọnnu nukundeji he nọ sẹ̀n Jiwheyẹwhe lẹ po sunnu nukundeji tòdaho lọ tọn lẹ po fọnadán, yé sọ fọ́n homẹkẹn dote sọta Paulu po Balnaba po bo yàn yé sọn otò yetọn mẹ. 51  Yé sọ húnhún kọ́gudu sẹ̀ sọn afọ yetọn lẹ go do yé ji bo yì Ikonioni. 52  Devi lẹ sọ to gigọ́ na ayajẹ po gbigbọ wiwe po zọnmii.

Nudọnamẹ Odò Tọn

Ow 13:1* To paa mẹ, tẹtlalkes. Ahọvi lẹdo tọn he nọ ze afọ ahọluigba-gán Lomu tọn dai.